Aımaqtar • 02 Naýryz, 2019

Árbir almatylyqtyń Turǵyn úı qurylys jınaq bankinde shoty bar

704 retkórsetildi

 

Qazirgi ýaqytta Almaty qalasynyń 186 214 turǵyny bolashaqta úıli bolý úshin Turǵyn úı qurylys jınaq bankinde qarajat jınaqtaýda. Búginde olardyń shotyndaǵy qarajat mólsheri 108,8 mlrd teńgeni quraıdy. Jyl basynan beri 1 000 qala turǵyny qonys toılaryn atap ótti. Olardyń arasynda Almaty qalasynyń turǵyny Kúnim Áljanova da bar. Zeınetker Turǵyn úı qurylys jınaq bankiniń kómegimen qarajat jınap, óz nemeresine Astana qalasynda páter satyp aldy.

Osyǵan oraı, búgin Almaty qalasynda Turǵyn úı qurylys jınaq bankiniń jańa mekenjaı boıynsha ornalasqan bólimshesiniń (Shevchenko k-si, 155/6) ashylý saltanaty barysynda bank qyzmetkerleri men salymshylary jańa páter ıesiniń qýanyshyna ortaqtasyp, óz quttyqtaýlaryn jetkizdi.

–  Meniń nemerem qazir 12 jasta, endi onyń Astanada óz baspanasy bar. Alty jyldan keıin ol mektep bitirip, Astanaǵa oqýǵa baratyny anyq.  Dál sol kezde nemeremniń jeke basynda óz páteri bolatynyna qýanyshtymyn. Onyń depozıtine qarajatty ol dúnıege kelgen sátten bastap sala bastadyq. Osylaısha, turǵyn úı baǵasynyń jartysyn jınaǵannan keıin, depozıtti mamasyna qaıta tabystap, jetpegen somasy boıynsha jyldyq 5 paıyzben turǵyn úı zaemyn aldyq. Nesıeni biz 6 jyl tóleıtin bolamyz, –  dep qýanyshymen bólisedi Kúnim Áljanova.

Ásirese, qala turǵyndary Turǵyn úı qurylys jınaq banki arqyly eki bólmelik páterlerdi kóbirek tańdaıdy. Qazirgi sátte salymshylar  úshin «Nurly jer» baǵdarlamasy boıynsha «Saıaly» yqsham aýdanynda tikeleı páter satyp alýǵa múmkindik týǵan.

–  Qazaqstandyqtardyń ishinde ásirese almatylyqtar óz baspanalary úshin belsendi túrde qarajat jınaýda jáne sol arqyly qoljetimdi sharttar boıynsha zaemdar alyp otyr. Sol úshin biz arnaıy Almaty qalasynyń ortalyǵy sanalatyn Almaly aýdanynda banktiń jańa bólimshesin ashýdy jón kórdik. Jańa bólimshege kelgen qala turǵyndary úshin endi tolyqtaı qyzmet túrleri usynylady. Olar depozıt ashýmen qatar, zaemdy resimdep, nesıe alýlaryna bolady. Sondaı-aq, bólimshede bank menedjerlerinen basqanotarıýs ta qyzmet kórsetedi. Bul klıentterdiń ýaqyttaryn únemdeýge jáne barlyq qyzmet túrlerin bir jerden alýǵa múmkindik beredi, –  deıdi Almaty qalalyq fılıalynyń dırektory Gúlzat Sımtıkova.

Sımtıkovanyń aıtýynsha, zaemnyń basym bóligi – 94,1 paıyzy bank klıentterine páterler men jeke úıler satyp alýǵa, 4 paıyzy – jóndeý jumystaryn júrgizýge, 1,2 paıyzy úı salýǵa, taǵy 0,7 paıyzy jer telimin satyp alýǵa beriledi.

Aınash ESALI,

«Egemen Qazaqstan»

ALMATY

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar