Aımaqtar • 02 Naýryz, 2019

Qostanaıda Túrkistan oblysynyń delegasııasy iskerlik saparmen bolyp qaıtty

721 retkórsetildi

Delegasııany Túrkistan oblysy ákiminiń orynbasary Erbol Tasjúrekov basqaryp keldi. Bul sapar Qostanaı oblysynyń óńirge ınvestısııa tartý tájirıbesimen almasýdy, aýyl sharýashylyǵy tehnıkalaryn jáne qala ishilik jolaýshylar avtobýstaryn satyp alý kelisimderin júrgizýdi jáne óńiraralyq kooperasııa sheńberinde yntymaqtasa jumys isteýdi jolǵa qoıýdy maqsat tutypty.

 

Túrkistan delegasııasy Qostanaı qalasyndaǵy Indýstrııalyq aımaqqa baryp, ótken jyly jumysyn bastaǵan «Belorýs» Mınsk traktor zaýytyn qurastyratyn «Kompozıt Grýpp», qurylys materıaldaryn óndiretin, «Astyq» elevator jabdyqtaryn óndiretin zaýyttarynda boldy, olardyń ónimderimen tanysty.

Delegasııa «Kompozıt Grýpp» jaýapkershiligi shekteýli seriktestiginiń basshylarymen ekijaqty kezdesýde «Belorýs» markaly traktorlaryn alýǵa qol jetkizdi. Sonymen qatar túrkistandyq qonaqtarǵa barlyǵy 300 mlrd teńge ınvestısııa salynǵan mashına qurastyrý, tamaq ónerkásibi, qurylys ındýstrııasy salalarynda júzege asyp jatqan 10 joba tanystyryldy. Ásirese, Qostanaı oblysynda SINOTRUK (HOWO markaly júk kólikterin óndirý), YTO GROUP (aýyl sharýashylyǵy tehnıkalaryn óndirý), SANY GROUP (arnaıy tehnıkalar men ken jabdyqtaryn óndirý) jáne HANTENG automobile Co. Ltd. («Hanteng» markaly júrdek mashınalardy qurastyrý) sııaqty transulttyq kompanııalardy tartý arqyly mashına jasaý klasterin qurý sheńberindegi jobalar aıyryqsha ataldy.

Túrkistannan kelgen delegasııa munan keıin óndiris kólemi men jergiliktendirý jumystary boıynsha respýblıkadaǵy avtomobıl ındýstrııasynyń kóshin bastap otyrǵan «SaryarqaAvtoProm» mashına jasaý zaýytyna bardy. Munda olar jeńil avtomobılderdiń, avtobýstardyń jáne kommersııalyq tehnıkalardyń óndirisimen tanysty, sondaı-aq «Ankai» avtobýstaryn satyp alýǵa múddelilik tanytty. Túrkistan oblysy delegasııasynyń basshylyǵy osy másele boıynsha «SaryarqaAvtoProm» zaýytymen jumys isteýge kelisti.

Delegasııa oblys ákimi Arhımed Muhambetovpen kezdesip, onda eki óńirdiń yntymaqtastyǵyn keńeıtý máseleleri sóz boldy. Onyń ishinde ónerkásip kooperasııasyn kúsheıtý, bilim berý, densaýlyq, ınvestısııa tartý, mádenıet pen týrızm salalarynda tájirıbe almasý máseleleri talqylandy. Túrkistan delegasııasynyń shaqyrýymen taıaý ýaqytta Qostanaı delegasııasy qarsy sapar jasaýdy josparlady. Eki jaq ekonomıka men mádenıettiń negizgi baǵyttary boıynsha óńirlik yntymaqtastyq týraly memorandýmǵa qol qoıýǵa nıettesti.

Túrkistan delegasııasy oblys ortalyǵynyń irgesindegi Ybyraı Altynsarın kesenesine baryp, zııarat etti.

 Názıra Járimbet,

«Egemen Qazaqstan»

Qostanaı

Sońǵy jańalyqtar

Onlaın oqyrmanymyz 100 myńnan asty

Qazaqstan • Búgin, 20:33

Járken Bódesh. Týǵan jer

Vıdeo • Búgin, 19:33

Atyraýda qylmystyq top quryqtaldy

Aımaqtar • Búgin, 19:09

Qarttar úıindegi qasiret

Aımaqtar • Búgin, 18:33

Qazaq aqyny qyrǵyzsha jyrlandy

Rýhanııat • Búgin, 18:12

Qyzylorda: Kásipker kómek kórsetti

Aımaqtar • Búgin, 16:27

Betperde kıgen kóktem - 7

Qoǵam • Búgin, 16:07

Dárigerler demalys bazasynda tynyǵady

Aımaqtar • Búgin, 15:26

Samsung taǵy ne patenttedi?

Tehnologııa • Búgin, 15:23

Uqsas jańalyqtar