Aımaqtar • 03 Naýryz, 2019

Qoǵamdyq dertke qarsy is-sharalar júrgizilýde

885 retkórsetildi

Búgingi kúni QR Memlekettik qyzmet isteri jáne sybaılas jemqrolyqqa qarsy is-qımyl agenttiginiń Aqtóbe oblysy boıynsha departamenti óz qyzmetterin 4 basty baǵyt boıynsha júrgizip keledi. Onyń biri óz ataýynan kórinip turǵandaı sybaılas jemqorlyqqa qarsy is-sharalar kesheni. Bul baǵytta qoǵamdyq derttiń aldyn alýǵa basymdyq berilgen. Osy oraıda ınvestorlardy sybaılas jemqorlyqqa qarsy súıemeldeý men ıkemdeý jobasynyń orny aıyryqsha deýge bolady.

         Aqtóbe aımaǵynda atalǵan jobany iske asyrý merzimi ótken 2018 jyldyń shilde aıynan beri qolǵa alynǵan. Mundaǵy basty maqsat ınvestorlardy sybaılas jemqorlyq táýekelderinen jáne ákimshilik kedergilerden qorǵaý. Qazirgi kezde jobanyń júrý barysy oń nátıjeler kórsetýde. Bul oblys ákimdigi jáne «Aqtóbe áleýmettik kásipkerlik korporasııasymen», sondaı-aq «Atameken» oblystyq kásipkerler palatasy ári «KazInvest» AQ oblystyq bólimshesimen birlesken ortaq joba.

         Onyń aıtýynsha búgingi kúnge deıin departament ujymy mamandary kóterilgen máselege oraı 24 ınvestısııalyq kompanııamen kelisim jasap, jalpy somasy 4,2 trıllıon tenge quraıtyn qarajatty memleket qorǵaýyna alǵan. Sonymen birge atalǵan joba aıasynda búgingi kúnge deıin 25 aryz-shaǵymdar túsip, 23-i qysqa merzim ishinde óz sheshimin taýypty.

         Sondaı-aq departament jetekshileriniń bastamasymen jáne «Qazaqstan Temir joly» AQ men Kólikti baqylaý ınspeksııasynyń qatysýy arqyly júrgizilgen «Adal jol» jobasyn iske asryý barysynda anyqtalǵan teris kórinister de az emes. Bul rette «Bıletsiz júris joq» birlesken aksııasy oıǵa birinshi oralady. Buǵan qoǵamdyq uıymdar men jurtshylyq ókilderi de keńinen tartylǵan. Osy kezde Almaty-Atyraý, Máskeý-Tashkent, Tashkent-Ýfa baǵyttaryndaǵy poıyzdarǵa bıletsiz otyrǵan jolaýshylar anyqtalypty. Soǵan sáıkes 3 jolserikke 7 aılyq eseptik kórsetkish negizinde aıyppuldar salynǵan.

         Buǵan qosa reıdtik tekserýler kezinde Aqtóbe-Mańǵystaý, Aqtóbe –Atyraý jáne Aqtóbe-Almaty baǵytyndaǵy poıyzdar da múmkindigi shekteýli jolaýshylar úshin qajetti jaǵdaı týǵyzylmaǵany da belgili bolyp otyr. Soǵan sáıkes ákimshilik quqyq buzýshylyq týraly quqyq talaptary men baptary boıynsha «Jolaýshylar tasymaly» AQ 35 aılyqtyq eseptik kórsetkish negizinde aıyppulǵa tartylǵan.

Temir Qusaıyn,

«Egemen Qazaqstan»

AQTО́BE

Sońǵy jańalyqtar

«Birgemiz» qoryna 13 mlrd teńge tústi

Qazaqstan • Búgin, 18:32

Koronavırýs Kókshetaýǵa da keldi

Koronavırýs • Búgin, 18:24

Kógildir ekranda – jańa melodramma

Rýhanııat • Búgin, 18:04

Salyq salmaq salmaıdy

Qarjy • Búgin, 17:50

MÁMS boıynsha jeńildik merzimi uzartyldy

Medısına • Búgin, 17:45

Betperde kıgen kóktem - 3

Tanym • Búgin, 17:30

Qazaq operatory Týrınde bas júlde aldy

Qazaqstan • Búgin, 17:29

Atyraý: Úsh adamnan koronavırýs tabyldy

Koronavırýs • Búgin, 17:18

Kóktem - órttiń órshıtin shaǵy

Aımaqtar • Búgin, 16:32

Indeksasııa qalaı júrgiziledi?

Qarjy • Búgin, 16:23

Uqsas jańalyqtar