Qazaqstan • 04 Naýryz, 2019

Jańa mınıstrliktiń jańasha otyrysy

913 retkórsetildi

Elimizdiń qoǵamdyq damý jáne aqparat salalaryn bir shańyraqtyń astyna biriktirip, jańa mınıstrlik qurý – Memleket basshysynyń strategııalyq durys sheshimi. Bul – qurylymnyń basshysy, ıaǵnı elimizdiń Aqparat jáne qoǵamdyq damý mınıstri Dáýren Abaevtyń pikiri. Parlament depýtattary, dinı birlestikterdiń, úkimettik emes uıymdardyń, qoǵamdyq keńesterdiń ókilderi, jastar uıymdarynyń kóshbasshylary, sondaı-aq sarapshylardyń qatysýymen ótken jańa mınıstrliktiń keńeıtilgen alqa otyrysy ótkir pikirtalastar, ashyq-jarqyn suraq-jaýaptarymen erekshelendi.

Memleket basshysy Nursultan Nazarbaev jýyrda «Nur Otan» partııa­synyń kezekti sezinde óńir ákimderine ádettegideı jylyna bir ret esep úshin esep bermeı, naqty salalar boıynsha turǵyndarmen kezdesý ótkizýdi jıiletýge nusqaý bergendigi belgili. Mine, qurylǵanyna bir aptadaı ýaqyt ótken Aqparat jáne qoǵamdyq damý mınıstrligi bul úderisti elden bu­ryn bastady. Oǵan mınıstrliktiń keńeı­tilgen alqa májilisiniń barynsha ashyq jáne shynaıy ótkendigi dálel. Sál alǵa ozyp aıtar bolsaq, mınıstrge tikeleı saýal beremin deýshilerge esh­qan­daı tosqaýyl bolǵan joq, mıkrofon al­ǵan­dardyń ýaqytyna da shekteý qoıylmady.

Sonymen, bul alqa otyrysy ádettegishe birinshi basshynyń bir­saryndy baıandamasymen bastalǵan joq. Minberge aldymen «El Tiregi» Qazaqstannyń shaǵyn jáne orta bıznes qaýymdastyǵy keńesiniń tóraıymy Jazıra Dúısenbekova kóterildi. Bul spıkerdi kózimiz úırengen dástúrli baıan­damashylarmen salystyrýǵa kel­meıtin edi. Qulaqqa ilingen mıkrofon, sahnadaǵy mýltımedııalyq quryl­ǵylardaǵy tushymdy kórinister men málimetter jáne eń bastysy – erkindik. 

О́z sózin Elbasynyń «Nur Otan» par­tııa­synyń sezindegi «Elbasy atap ótkendeı, júrgizilip jatqan refor­manyń nátıjesin árbir otbasy alys bolashaqta emes, dál búginnen bastap sezinýi tıis» degen pikirinen bastaǵan J.Dúısenbekovanyń aıtýynsha, búginde álemniń kóptegen elderi azamattardyń baqytty jáne baqýatty bolýyna tek ekonomıkalyq ósimniń jetkiliksizdigine kóz jetkize bastaǵan. Sondyqtan da bul uǵymdar Úkimet jumysyn baǵalaýdyń basty kórsetkishine aınalǵan.  

Spıker odan ári tek ekonomıkalyq ósim, ishki jalpy ónimge negizdelgen esebi bar Eýropa elderin mysalǵa keltirdi – eńbek ónimdiligi artsa da, demokratııa qanat jaısa da halyq ózin baqytsyz sezinedi. Osy oraıda, birqatar memleketter «Baqyt mınıstrligin» qurýdy bastap ketken. Mundaı úderis bizdi de qamtýy múmkin. 

Alqa otyrysynda «Qazaqstannyń azamattyq alıansy» ZTB tóraǵasy Asylbek Qojahmetov, Halyqaralyq kommersııalyq emes quqyq ortalyǵy Qazaq­standaǵy ókildiginiń aǵa keńes­shisi Gúlmıra Kýjekeeva, «Nur-Múbárak» Egıpet Islam mádenıeti ýnıver­sıteti, Ekstremızmniń aldyn alý salasyn­daǵy mamandardy qaıta daıarlaý ıns­tı­týtynyń basshysy, ıslamtanýshy Asqar Sabdın, Dúnıejúzi qazaqtarynyń qaýymdastyǵy Tóraǵasynyń birinshi orynbasary Zaýytbek Turysbekovter de ortaǵa shyǵyp, óz salalary boıynsha baıandama jasady. 

Máselen, A.Sabdın sońǵy kezderi din salasy sýbektilerine senimsiz­dik beleń alǵandyǵyn jáne oǵan osy júıe­degi mamandardyń biliksizdigi, jurt­shylyqpen baılanys jasaýdaǵy tájirıbesiniń joqtyǵy, pikirtalas júrgizýge epsizdigi men qaýymdastyqtar ara­syndaǵy túsinistik kópirin salýǵa qulyqsyzdyǵy sebep bolyp otyrǵan­dyǵyn aıtty. Bul senimsizdik radıkal aǵymdardyń sońynan erýshilerdiń azaımaı otyrǵandyǵymen de dálelin taba túsken.  

Dintanýshy maman osyǵan oraı, teris aǵymdardyń halyqaralyq kúıine baılanysty bizdiń eldegi jaǵdaı da saıa­byr tapqandaı kóringenimen, qyraǵy­lyqty bir sátke esten shyǵarmaý kerek­tigin eskertti. 

Al Z.Turysbekov tarıhı otandaryna oralǵan jáne oralýǵa nıetti qandas­tarymyzǵa jasalyp jatqan jaǵdaılar týraly baıandady.

– Shette júrgen qazaqtardyń sany 4-5 mln dep júrmiz. Biz barlyǵyn ara­lap shyqtyq. 1 mln adam elge kele­miz dep otyr. Biz eriktilerdi daıyndap, shet­te ómir súrip jatqan qazaq bala­lary­­nyń ana tilin 2 jasynan boıyna s­ińi­rýdi kózdep otyrmyz, – dedi Z.Turysbekov.

Bul baıandaýlardan soń minberge shyqqan Aqparat jáne qoǵamdyq damý mınıstriniń orynbasarlary Berik Aryn, Sergeı Konovalov, Juldyz Omar­bekovalar ózderiniń jaýapty salalary boıynsha atqarylǵan jumys­tarynyń qorytyndylaryn habarlap, bolashaqtaǵy josparlarymen bólisti. 

Al alqa májilisin Aqparat jáne qoǵamdyq damý mınıstri Dáýren Abaev túıindedi.

–  Bizdiń mınıstrlik jańa sapada jumys isteı bastaǵanyna apta da tolǵan joq. Degenmen, qazir­diń ózinde qoǵam­dyq damý men aqparat­ty bir mınıstrlik­ke biriktirý Mem­leket basshysy­nyń der kezinde ári strategııalyq durys sheshimi bolǵan­dyǵyn aıtý kerek, – dep sóz bastaǵan D.Abaev mınıstrlik 2018 jylǵa josparlaǵan mindetterdi tolyq oryndap shyqqanyna toqtaldy. 

– Tolyqtaı alǵanda, aldymyzda óte mańyzdy mindetter tur. 2019 jyl­dy Prezıdent Jastar jyly dep jarııalady. Bul – kúntizbelik jyl jaı ǵana taqyryptyq rásimdeý nemese esep­tik sharalardyń jıyntyǵy emes. Ol jas azamattardyń ómirin sapa­ly túrlendirýge jáne olardyń óz­derin tanytý úshin qajetti barlyq jaǵ­daı­dy jasaýǵa baǵyttalǵan. Biz jas­tar­dyń birtekti jıyntyq emes eken­digin túsinemiz, úırený, qalaý jáne qa­jet­tilik aýqymy óte keń. Degenmen, jas­tar­men memlekettik jumystardyń negizgi qura­my sapaly bilim, jumyspen qamtý jáne otbasy ınstıtýty bolmaq, – dedi Aqparat jáne qoǵamdyq damý mınıstri.

D.Abaev, sonymen qatar mınıstrlik jumysynyń taǵy bir mańyzdy baǵyty azamattyq qoǵammen jumys ekendigin jáne memleket keshendi áleýmettik problemalardy ózderi ǵana sheshe al­maı­tyndyǵyn ashyq aıtty. 

Bul prosesterge úkimettik emes sek­tordy tartpasa memlekettik qol­daý­dyń kóptegen sharalarynyń «naýqan­shylyqqa» aınalyp ketý qaýpi bar. Osy turǵyda memlekettik-áleýmettik tapsyrystyń ashyqtyǵyn qamtamasyz etý men salany tolyqtaı alǵanda qu­qyq­tyq retteý máselesi aıryqsha ma­ńyzǵa ıe, – dedi Dáýren Abaev. 

Al keńeıtilgen alqa otyrysy tikeleı suraq-jaýaptarmen qorytyndylandy.

Serik ÁBDIBEK,

«Egemen Qazaqstan» 

Sońǵy jańalyqtar

Onlaın oqyrmanymyz 100 myńnan asty

Qazaqstan • Búgin, 20:33

Járken Bódesh. Týǵan jer

Vıdeo • Búgin, 19:33

Atyraýda qylmystyq top quryqtaldy

Aımaqtar • Búgin, 19:09

Qarttar úıindegi qasiret

Aımaqtar • Búgin, 18:33

Qazaq aqyny qyrǵyzsha jyrlandy

Rýhanııat • Búgin, 18:12

Qyzylorda: Kásipker kómek kórsetti

Aımaqtar • Búgin, 16:27

Betperde kıgen kóktem - 7

Qoǵam • Búgin, 16:07

Dárigerler demalys bazasynda tynyǵady

Aımaqtar • Búgin, 15:26

Samsung taǵy ne patenttedi?

Tehnologııa • Búgin, 15:23

Uqsas jańalyqtar