Qazaqstan • 04 Naýryz, 2019

Edil Mamytbekov: Áleýmettik sala - basty nazarda

919 retkórsetildi

«Nur Otan» partııasynyń mereıtoılyq XVIII sezinde partııanyń 2030 jylǵa deıingi baǵdarlamasy bekitildi. Mem­leket basshysy, «Nur Otan» partııa­synyń Tóraǵasy N.Nazarbaev partııa­nyń aldynda turǵan 10 min­detti belgiledi. Aldaǵy on jylǵa damý­dyń basty baǵyty áleýmettik jańǵyrýǵa baǵyt­talady. 

Elbasy jarııa etken basty ıdeıa partııanyń baǵdarlamasy áleýmettik máselelerdi sheshýge baǵyt­talǵan. Bul halyqtyń ál-aýqa­tyn jaqsartýdy, turǵyn­dardyń tabysy men turmys deń­geıin arttyrýdy kózdeıdi. Atqa­rýshy organdardyń nazarynan tys qalǵan áleýmettik saladaǵy negizgi máseleler atap ótildi. 

Memleket basshysy ekonomı­kany jetkilikti túrde qarjy­lan­dyrmaǵan aqsha-nesıe saıa­satyndaǵy jeke máselelerge toq­taldy. Halyqtyń ál-aýqatyn jaqsartý úshin, eń aldymen eko­no­mıkanyń deńgeıi artýy tıis. Kóp balaly jáne áleýmettik az qamt­ylǵan otbasylarǵa, jas­tarǵa, densaýlyq saqtaý men bilim berý salalaryna qatysty máse­leler aıtyldy. Osyǵan baıla­nysty Prezıdent áleýmettik sala­­ny jańǵyrtý úshin birqatar naq­ty tapsyrmalar berdi. 

Odan basqa, Elbasy kedeılik shegin qaıta qaraý qajettiligine toqtaldy. Atap aıtqanda, 340 myń turǵyn úshin arnaıy áleýmettik kómek berý pysyqtaldy, sonyń ishinde kóp balaly otbasylarǵa da beri­letin bolady. Bul rette, Úki­metke turǵyndarǵa beri­le­tin áleýmettik kómektiń shart­taryn qaıta qaraý tapsyryldy. Ekonomıkanyń ósýine ser­pin beretin shaǵyn jáne orta bız­nesti nesıemen qamtamasyz etý qa­jet­tiligi atap ótildi. 2030 jy­l­ǵa deıin shaǵyn jáne orta bız­nestiń ishki jalpy ónimge qos­qan úlesi 40 paıyzǵa deıin artýy qajet jáne bul óte mańyzdy mindet.  

Elbasynyń partııa sezinde qoıǵan basty mindeti áleýmettik máselelerdi sheshý bolyp otyr. Bu­ǵan basa nazar aýdarylyp, tıis­ti tapsyrmalar berildi. Qa­zaq­­stan saıasatynyń basty maq­­saty áleýmettik baǵdar ekeni aıtyldy. Osy oraıda, áleý­mettik baǵdarlamalardy sheshýge res­pýblıkalyq bıýdjettiń 45 paıyzynan astam qarjysy bólinetin bolady. 

Edil MAMYTBEKOV,

Senat depýtaty

Sońǵy jańalyqtar

Elimizde indet juqtyrǵandar sany 500-ge jetti

Koronavırýs • Búgin, 09:30

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar