Úkimet • 04 Naýryz, 2019

Vıse-premerler men Keńse basshysynyń arasyndaǵy mindetter bólindi

838 retkórsetildi

QR Premer-Mınıstri Asqar Mamın «Premer-Mınıstrdiń, Premer-Mınıstrdiń orynbasarlarynyń jáne Qazaqstan Respýblıkasy Premer-Mınıstri Keńsesiniń basshysynyń arasynda mindetterdi bólý týraly» ókimge qol qoıdy. Bul týraly Premer-Mınıstrdiń baspasóz qyzmeti habarlady. 

 

Premer-Mınıstrdiń jetekshiligine - ekonomıkalyq, qarjylyq, qazynalyq jáne keden saıasaty, memlekettik bıýdjetke qatysty strategııalyq máseleler, memleketaralyq qarym-qatynastar men halyqaralyq yntymaqtastyq, sheteldik ınvestısııalar tartý jáne ınvestısııalyq ahýaldy jaqsartý, memlekettik aktıvterdi basqarý máseleleri kiredi.

Sonymen qatar mindetter qataryna qorǵanys-ónerkásip kesheni, ǵarysh qyzmeti, týrızm, baılanys, salalardy sıfrlandyrý jáne sıfrlyq ekonomıkany damytý, memlekettik organdardyń ákimshilik reformalaryn iske asyrý jáne basqalary kiredi. Premer-Mınıstrdiń Birinshi Orynbasary Á. Smaıylovtyń qyzmet salasyna qarjy sektorynyń, makroekonomıkalyq saıasat, bıýdjet, salyq jáne keden saıasaty, memlekettik josparlaý júıesi, saýda saıasaty, shaǵyn jáne orta kásipkerlikti damytý máseleleri kiredi. Á. Smaıylovtyń quzyretine sonymen qatar memlekettik-jekemenshik áriptestikti damytý máseleleri, onyń ishinde konsessııalar, tabıǵı monopolııalardy retteý, básekelestikti damytý jáne tutynýshylardyń quqyǵyn qorǵaý, tarıf saıasaty jáne basqalary kiredi.

Premer-Mınıstrdiń orynbasary G. Ábdiqalyqovaǵa bilim men ǵylymdy damytý, densaýlyq saqtaý, áleýmettik saıasat jáne jańǵyrtý, jumyspen qamtý, memleket pen azamattyq qoǵamnyń árekettestigi, memlekettik jastar jáne otbasy saıasaty, rýhanı jańǵyrý, konfessııaaralyq jáne etnosaralyq kelisimdi qamtamasyz etý, mádenıet jáne sportty damytý jáne basqalary júkteldi. Premer-Mınıstrdiń orynbasary J. Qasymbek ekonomıkany jáne óńirlik saıasatty jedel basqarý, kólik ınfraqurylymyn jáne logıstıkany damytý, qurylys jáne turǵyn úı-kommýnaldyq sharýashylyǵyn jańǵyrtý, energııa únemdeýdi damytý jáne jańartylatyn energııa kózderiniń energııa tıimdiligin arttyrý, kómir ónerkásibi, atom ónerkásibi jáne ıadrolyq energetıka máselelerin úılestiredi. Onyń mindetteriniń qataryna sonymen qatar ónerkásipti damytý, ınnovasııalar, tehnıkalyq retteý, elektr energetıkasy, geologııa jáne jer qoınaýyn paıdalaný, munaı hımııasy jáne eksporttyq baqylaý, altyn óndirý salasy, taýarlardy satyp alý kezinde qazaqstandyq qamtý úlesin arttyrý boıynsha memlekettik saıasatty iske asyrý, tótenshe jaǵdaılar jáne jumysty jumyldyrý, jylytý maýsymyna ázirlik jáne ony ótkizý jáne basqalary kiredi.

Premer-Mınıstr Keńsesiniń basshysy D. Káletaev Premer-Mınıstrdiń jáne Úkimettiń qyzmetin aqparattyq-saraptamalyq, quqyqtyq, uıymdastyrýshylyq, hattamalyq, qujattyq, materıaldyq-tehnıkalyq jáne basqa da qamtamasyz etýge jaýapty. Onyń fýnksııalaryna sonymen qatar ortalyq jáne jergilikti atqarýshy organdardyń, vedomstvolardyń jumysyn Úkimettiń sheshimderin ázirleý jáne olardyń oryndalýyn uıymdastyrý boıynsha úılestirý, memlekettik jáne atqarýshylyq tártipti oryndaý máseleleri boıynsha, memlekettik qupııalardy saqtaý jáne aqparattyq qaýipsizdikti qamtamasyz etý jáne basqalary kiredi.

Sońǵy jańalyqtar

«Birgemiz» qoryna 13 mlrd teńge tústi

Qazaqstan • Búgin, 18:32

Koronavırýs Kókshetaýǵa da keldi

Koronavırýs • Búgin, 18:24

Kógildir ekranda – jańa melodramma

Rýhanııat • Búgin, 18:04

Salyq salmaq salmaıdy

Qarjy • Búgin, 17:50

MÁMS boıynsha jeńildik merzimi uzartyldy

Medısına • Búgin, 17:45

Betperde kıgen kóktem - 3

Tanym • Búgin, 17:30

Qazaq operatory Týrınde bas júlde aldy

Qazaqstan • Búgin, 17:29

Atyraý: Úsh adamnan koronavırýs tabyldy

Koronavırýs • Búgin, 17:18

Kóktem - órttiń órshıtin shaǵy

Aımaqtar • Búgin, 16:32

Indeksasııa qalaı júrgiziledi?

Qarjy • Búgin, 16:23

Uqsas jańalyqtar