Qazaqstan • 04 Naýryz, 2019

Shymkentte kommýnaldyq tarıfter tómendetildi

833 retkórsetildi

Memleket basshysy Nursultan Nazarbaevtyń  ótken jyly  7 qarashadaǵy Qaýipsizdik keńesinde bergen tapsyrmalaryn oryndaý boıynsha 2019 jyldyń 1 qańtarynan bastap Shymkent qalasynda barlyq kommýnaldyq qyzmetter tarıfteri tómendetildi. Alaıda, ár aı saıynǵy kommýnaldyq tólem túbirtekterine shamadan tys tólem qosyp shyǵaratyn monopolıst mekemelerdiń jaýapsyz qyzmetine qala turǵyndary áli de kóńili tolmaı otyr.

Qala turǵyndary qańtar aıyna arnalǵan túbirtekterde kommýnaldyq qyzmetter tarıfteriniń tómendegenin kóre alady. 2018 jyldyń jeltoqsan aıynyń túbirtekterimen salystyrǵanda bıyl qańtar aıynyń túbirtekterindegi kórsetiletin qyzmetterdiń 1 shartty birligine tarıfter mynadaı deńgeıde tómendetilgen.  

Shymkenttegi «QýatjylýOrtalyq-3» MKK–niń jylýmen jabdyqtaý boıynsha ortasha tarıfi turǵyndarǵa 1 Gkal úshin 6055,48 teńgeden 4910,28 teńgege nemese 18,9 paıyzǵa, sonymen qatar esepteýish quraldary joq turǵyndar úshin 1 sharshy metrge 142,31 teńgeden 110,78 teńgege nemese 22,16 paıyzǵa tómendedi. Al, tozyǵy jetken úılerde 1 sharshy metrge 118,58 teńgeden 92,31 teńgege nemese 22,15 paıyzǵa arzandaǵan. Zańdy tulǵalar úshin ortasha tarıf 1 Gkal úshin 17319,26 teńgeden 15587,34 teńgege nemese 10 paıyzǵa tómendegen.

Sonymen qatar sýmen jabdyqtaý boıynsha «Sý resýrstary-Marketıng» JShS-niń tarıfi turǵyndarǵa 1 m3 úshin 97,97 teńgeden 88,17 teńgege nemese, al zańdy tulǵalarǵa 1 m3 úshin 333,96 teńgeden 300,56 teńgege tómendedi. Sýdy burý boıynsha tarıf turǵyndarǵa 1 m3 úshin 39,03 teńgeden 35,13 teńgege, zańdy tulǵalarǵa 1 m3 úshin 170,26 teńgeden 153,24 teńgege tómendedi.

Qalada gazben jabdyqtaý boıynsha tarıf quny nebári 2 teńgege tómendegen. Alaıda shahar turǵyndarynyń «QazTransGazAımaq» AQ ShО́F-nyń qyzmet kórsetýine únemi syn aıtyp keledi. 

«Energopotok» JShS-niń Elektr energııasymen jabdyqtaý boıynsha tarıfi de bolmashy tıyn ǵana tómendegen. Atap aıtar bolsaq, elektr plıtalaryn paıdalanatyn turǵyndar úshin 1 kVt.saǵatqa 110 kVt/saǵ-qa deıin – 12,9360 teńgeden 12,0512 teńgege, 110 -nan 170 kVt/saǵ-qa deıin - 18,8720 teńgeden 17,5840 teńgege, 170 kVt/saǵ-tan joǵary - 23,5872 teńgeden 21,9744 teńgege tómendegen.

Elektr plıtalaryn paıdalanbaıtyn turǵyndar úshin 1 kVt.saǵatqa 70 kVt/saǵ-qa deıin – 14,4816 teńgeden 13,4960 teńgege, 70 -ten 140 kVt/saǵ-qa deıin - 18,8720 teńgeden 17,5840 teńgege, 140 kVt/saǵ-tan joǵary - 23,5872 teńgeden 21,9744 teńgege arzandaǵan.

Nurshat TО́KEN,

«Egemen Qazaqstan»

Shymkent

Sońǵy jańalyqtar

Kókshetaýda qara daýyl, qarly jańbyr

Aımaqtar • Búgin, 22:15

Tynyshtyqbek Ábdikákimuly. KARANTIN

Ádebıet • Búgin, 20:57

Almaty: Jolaýshylar aǵyny men kólik sany azaıdy

Ońtústik Qazaqstan • Búgin, 18:10

Betperde kıgen kóktem - 6

Qoǵam • Búgin, 17:09

D dárýmeni - ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Uqsas jańalyqtar