Qazaqstan • 04 Naýryz, 2019

Qaraǵandyǵa qara qasqyrdy syıǵa tartty

1490 retkórsetildi

Qaraǵandynyń haıýanattar baǵy kanadalyq qara qasqyrmen jáne maımyldyń ergejeıli ıgrýnka degen túrimen tolyqty. Bulardyń ekeýi de Reseıdiń Novosibir qalasynan jetkizilgen: qasqyrdy jergilikti haıýanattar baǵy syıǵa tartsa, maımyl satyp alyndy.

Qaraǵandydaǵy haıýanattar baǵynda Vılıa esimdi urǵashy ıngrýnka bar eken. Ol segiz jylǵa jýyq ýaqyt jalǵyz ózi ómir súrip kelgen. Endi onyń Novosibirden kelgen Mıgel esimdi dosy paıda boldy.

 – Mıgeldiń jasy birge toldy, ózi óte shıraq. Ekige tolǵanynda jynystyq qabileti damı bastaıdy. Sátin salsa, bulardan urpaq alamyz ba degen oıymyz bar, – deıdi maımyl jáne akvarıým zaly bóliminiń meńgerýshisi Elena Morozova.

 Jalpy, maımyldyń bul túri Brazılııada meken etedi eken. On beske deıin maımyldan turatyn úıirde bir ǵana jup ómirge urpaq ákeletin kórinedi. Bul maımyldyń balalary úsh aıǵa deıin sútpen qorektenip, odan keıin baryp qurt-qumyrsqaǵa kóshedi, deıdi mamandar.

Kanada qara qasqyrynyń syıǵa kelgen urǵashysy osyndaǵy haıýanattar baǵyn jeti jyl jalǵyz meken etken tuqymdasymen odaq qurdy. Ekeýiniń qazir juby jazylmaıdy. Bular da ómirge urpaq ákeledi degen úmittegi haıýanattar baǵy qyzmetkerleriniń qýanyshynda shek joq.

 

Qaırat ÁBILDA,

«Egemen Qazaqstan»

Qaraǵandy

 

Sońǵy jańalyqtar

Elimizde indet juqtyrǵandar sany 500-ge jetti

Koronavırýs • Búgin, 09:30

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar