Qazaqstan • 04 Naýryz, 2019

«Halyqqa kómek» jobasy «Nur Otan» partııasynyń qoǵamdyq qabyldaý bólimderiniń jumysyn kúsheıtedi

1760 retkórsetildi

Astana ákimi Baqyt Sultanov «Nur Otan» partııasy qalalyq fılıaly aktıviniń otyrysynda iKomek qalalyq ortalyǵy men «Nur Otan» partııasy fılıalynyń qoǵamdyq qabyldaý bóliminde «Halyqqa kómek» elordadyq partııalyq jobasyn iske qosýdy usyndy, dep habarlaıdy Astana ákimdiginiń resmı saıty. 

Onyń aıtýynsha, bul iKomek-tiń aprobasııalanǵan múmkindikterin qoldanýǵa jol ashady. «Memleket basshysy «Nur Otan» partııasynyń XVIII sezinde halyqtyń ál-aýqatyn arttyrýǵa baǵyttalǵan jańa áleýmettik saıasatty jarııalady. Kópbalaly, tolyq emes jáne az qamtylǵan otbasylardy, bıýdjettik uıymdardyń qyzmetkerlerin qoldaý, Densaýlyq saqtaý salasyn damytý, bıznesti jáne áleýmettik ınfraqurylymdy damytý, jergilikti joldar jelisin jóndeý, salý jáne keńeıtý áleýmettik doktrınanyń negizi bolyp tabylady. Endi biz qoǵamdyq baqylaýdyń jańa pármendi tetikterin ázirleýimiz kerek»,  dedi qala ákimi.

Ol Memleket basshysynyń «Halyqqa kómek» jobasy arqyly halyqpen keri baılanystyń qýatty júıesin qalyptastyrýdy tapsyrǵanyn eske saldy. «Búgin elorda qalalyq iKomek qyzmeti arqyly shuǵyl máselelerdi sheshýde jáne halyqpen keri baılanys ornatýda tabysty tájirıbege Qalalyq IKomek ortalyǵy men partııa fılıalynyń qoǵamdyq qabyldaý bóliminiń yqpaldastyǵy aıasynda astanalyq «Halyqqa kómek» partııalyq jobasyn iske qosýdy usynamyn. Bul bizge iKomek-tiń aprobasııalanǵan múmkindikterin qoldanýǵa jol ashady», dep túsindirdi B.Sultanov.

Ol sondaı-aq, qalalyq iKomek monıtorıng jáne jedel áreket etý ortalyǵynyń basshysy Jannat Dýbırova men partııanyń astanalyq fılıaly tóraǵasynyń birinshi orynbasary Baqyt Saparovqa partııanyń astanalyq fılıalynyń qoǵamdyq qabyldaý bólimi men 109 qyzmetiniń tetikterin biriktirip pysyqtaýdy tapsyrdy.

Sonymen qatar, elorda ákimi turǵyndarmen tikeleı baılanys, «Senim telefondary», ótinishtermen jumys sııaqty barlyq baılanys arnalarynyń mańyzdy ekenin atap ótip, ınternettiń keńeıtilgen múmkindikterin belsendi iske qosý kerektigin alǵa tartty. Baqyt Sultanov qoǵamdyq partııa qabyldaý bólimderi kún saıyn jumys isteýi tıis ekenin aıtty.

«Bul – qala turǵyndarynyń jeke máselelerin sheshýdegi kómek qana emes, sonymen qatar ol «saǵattardy salystyrý», partııalyq baǵdarlamanyń iske asyrylýyn baqylaý»,  –  dedi ol.

Sońǵy jańalyqtar

Onlaın oqyrmanymyz 100 myńnan asty

Qazaqstan • Búgin, 20:33

Járken Bódesh. Týǵan jer

Vıdeo • Búgin, 19:33

Atyraýda qylmystyq top quryqtaldy

Aımaqtar • Búgin, 19:09

Qarttar úıindegi qasiret

Aımaqtar • Búgin, 18:33

Qazaq aqyny qyrǵyzsha jyrlandy

Rýhanııat • Búgin, 18:12

Qyzylorda: Kásipker kómek kórsetti

Aımaqtar • Búgin, 16:27

Betperde kıgen kóktem - 7

Qoǵam • Búgin, 16:07

Dárigerler demalys bazasynda tynyǵady

Aımaqtar • Búgin, 15:26

Samsung taǵy ne patenttedi?

Tehnologııa • Búgin, 15:23

Uqsas jańalyqtar