Tehnologııa • 05 Naýryz, 2019

Almatyda Olshem.kz saıty iske qosyldy

1104 retkórsetildi

Qazaqstanda jetekshi aqparattyq portaldardyń basty kórsetkishterin ólsheýge arnalǵan saıt jumys isteı bastady.

Olshem.kz saıty derekter analıtıkasy salasyndaǵy Chartbeat atty ozyq kompanııamen birlese otyryp júzege asyryldy. Kompanııanyń qyzmetterin AQSh medıa naryǵynyń 75%-y qoldanady. Ashyq, aıqyn ári kásibı medıa naryǵyn qalyptastyrý maqsatynda jetekshi qazaqstandyq ınternet-basylymdardyń birlesken sheshimi retinde qurylǵan bul veb-saıt óz jumysynda eń úzdik halyqaralyq standarttardy qoldanatyn bolady.

Chartbeat tehnologııalary otandyq BAQ-qa óz oqyrmandarynyń shynaıy qajettilikterin eskere otyryp, bıznes úderisterdi ornatý arqasynda jarnama berýshilerdi keńinen tartýǵa múmkindik beredi. Zamanaýı quraldar men ozyq tehnologııalardy qoldaný jýrnalıstıka sapasyn kóterip, otandyq BAQ naryǵynyń kásibı deńgeıiniń ósýine ákelmek.

«Qazaqstan tarıhynda tuńǵysh ret 25 otandyq ınternet BAQ oqyrmandarmen jáne jarnama berýshilermen óz qatynasynda adaldyqty ustanatyndyǵyn ashyq túrde kórsetý jóninde óz erkimen sheshim qabyldady. Chartbeat tehnologııalary arqasynda olar óz statıstıkasynyń kórsetkishterin, sonyń ishinde buǵan deıin jarııalanbaǵan kórsetkishterdi ashyp kórsetpek. Bul oqyrmandardyń qajettilikterin tereńirek túsinip, aýdıtorııany tartý, qazaqstandyqtar úshin shynymen de mańyzdy ári qajetti reportajdar men longrıdterdi daıyndaýǵa baǵyttalǵan kóbirek kontentti jasap shyǵarý úshin qazaqstandyq jýrnalısterge arnalǵan biregeı múmkindik», dep óz boıymen bólisti Chartbeat jobasy Qamqorshylar keńesiniń tóraǵasy Mıhaıl Dorofeev.

Saıt Qazaqstandaǵy Chartbeat aptalyǵy aıasynda iske qosyldy. 4 naýryzdan bastap bilim berý baǵdarlamalary jónindegi aǵa basshy Djıll Nıkolson jáne klıenttermen jumys júrgizý jónindegi menedjer Kara MakKloýskı Almaty jáne Astana qalalarynda bilim berý trenıngteriniń toptamasyn ótkizip, joba qatysshylarynyń redaksııalarynda bolyp qaıtady. Sondaı-aq, sapar aıasynda jarnama naryǵynyń qatysýshylary úshin Chartbeat servısiniń quraldaryna arnalǵan semınarlar jáne Aqparat jáne qoǵamdyq damý mınıstrligimen kezdesý ótedi.

«Qazaqstandaǵy AQSh elshiligi Qazaqstan halqy men Úkimeti úshin mańyzdy birqatar bastamalarǵa úlken maqtanyshpen qoldaý kórsetýdi jalǵastyryp keledi. Osyndaı bastamalardyń biri – el ishinde myqty ári kásibı jýrnalıstıkany ilgeriletý. Qazaqstan Úkimeti jáne qazaqstandyq qoǵam AQSh-ta qoldanylatyn ınnovasııalar men tehnologııalarǵa qyzyǵýshylyq tanytyp otyr. AQSh bas konsýly retinde men bul joba osy tehnologııalardyń keıbireýin endirip, osylaısha Qazaqstandaǵy myqty jýrnalıstıkan qoldaǵa óz úlesin qosady dep úmittenemin», dep atap ótti AQSh bas konsýly Erık Meıer.

Olshem.kz resýrsy jarnama naryǵyna jobaǵa qatysatyn portaldardyń oqyrmandar aýdıtorııasy jaıly shynaıy aqparat alýǵa múmkindik bermek. Bul BAQ-ta jarııalanatyn materıaldardyń maqsatqa baǵyttylyǵyn arttyrmaq. Chartbeat servısterin qoldanatyn medıa resýrstar jarnama naryǵymen tolyq ári naqty analıtıkamen bólisetin bolady. Olar kontent sapasyn jaqsartyp, redaksııalyq saıasatty jańa jaǵdaılarǵa sáıkes beıimdeıtin bolady. Servıs qatysýshylar arasynda kásibı qatynastardy qurýǵa kómektesip, redaksııalyq saıasatta metrıkalardyń keńinen qoldanylýyna jaǵdaı jasamaq.

«Chartbeat kompanııasy qazaqstandyq BAQ-qa búkil álemdegi eń iri redaksııalarda tabysty túrde qoldanylyp otyrǵan derekterdi taldaý salasyndaǵy ozyq tehnologııalardyń artyqshylyqtaryn qoldanýǵa kómektese otyryp, olarmen jumys jasaýǵa múmkindik alyp otyrǵanyna qýanyshty. Qazirgi tańda jýrnalıstıka sapasy burynǵydan asa úlken mańyzǵa ıe, sondyqtan osy seriktestik aıasynda iri ne shaǵyn bolsyn, 25 basylymnyń árqaısysyna óz oqyrmandaryna erekshe deńgeıde áser etýge jáne jumys sapasyn kóterýge kómektespek», dep atap ótti Djıll Nıkolson.

Jańa resýrs naqty ýaqyt rejiminde derekter analıtıkasyn kelesi bes basty kórsetkish boıynsha kórsetedi: saıtqa kirýshiler, biregeı qoldanýshylar, geoderekter, traffık kózderi, 24 saǵat, 7 kún jáne 30 kún ishindegi eń úzdik jarııalanymdar týraly aqparat. Saıtqa kirýshilerge qatysýshy portaldar arasynda usynylǵan kórsetkishter boıynsha salystyrmaly analız jasaý, sondaı-aq, bir aı ishindegi analıtıkany júktep alý múmkindigi qoljetimdi bolady.

Sońǵy jańalyqtar

Kókshetaýda qara daýyl, qarly jańbyr

Aımaqtar • Búgin, 22:15

Tynyshtyqbek Ábdikákimuly. KARANTIN

Ádebıet • Búgin, 20:57

Almaty: Jolaýshylar aǵyny men kólik sany azaıdy

Ońtústik Qazaqstan • Búgin, 18:10

Betperde kıgen kóktem - 6

Qoǵam • Búgin, 17:09

D dárýmeni - ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Uqsas jańalyqtar