Álem • 04 Naýryz, 2019

Qazaqstandyqtar Eýropada óner kórsetedi

857 retkórsetildi

Qazaqstandyq ónerpazdar Eýropanyń birneshe qalasynda konserttik týrne ótkizedi.

Týrıstik áleýetti arttyrý eldegi ekonomıkalyq jaǵdaıdy jaqsartyp qana qoımaı, mádenı, tarıhı qundylyqtardy tanytýǵa múmkindik beredi. Bul rette memlekettik baǵdarlamalardan tys, ınvestısııa tartý, sonymen qatar jeke bastamalardy qolǵa alý ózekti máselelerdiń biri.

Memlekettik mańyzy bar baǵytty qoldaý maqsatynda «A1» prodıýsserlik ortalyǵy Eýropa qalalarynda (Monte-Karlo, Kann, Parıj) «Uly dalanyń jeti qyry» atty jas ónerpazdarmen konserttik týrne ótkizedi. «Rýhanı jańǵyrý» ulttyq baǵdarlamasy negizinde «Jahandyq álemdegi zamanaýı qazaqstandyq mádenıet» jobasy men «Uly dalanyń jeti qyry» baǵdarlamalyq maqalasy aıasynda uıymdastyrylǵan gastroldik sapar barysynda «Turan» etno-folklorlyq ansambli, TY dombyrashylar dýeti, dástúrli ánshi Aıdana Qarjaýbaeva, qobyzshy Aıgerim Áshimova men bıshi Anel Marabaeva óner kórsetedi.

Qazaqstannyń týrıstik ımıdjin qalyptastyrýdy, elimizdiń tanymaldylyǵyn arttyrý men aqparattar aǵynyn kóbeıtýdi maqsat etken uıymdastyrýshylar konsertke kelýshiler nazaryna keń baıtaq qazaq jeri týraly beınematerıaldar usynbaq. Osylaısha batys jurtshylyǵyn uly dalanyń tarıhymen tanystyryp, búgini jaıly aqparat beredi.

Is-sharaǵa Qazaqstan Respýblıkasynyń Fransýz, Portýgalııa Respýblıkasyndaǵy, Monako Knıazdigindegi Tótenshe jáne О́kiletti Elshisi, IýNESKO janyndaǵy Qazaqstan Respýblıkasynyń Turaqty ókili Jan Ǵalıev, Qazaqstan Respýblıkasynyń Monakodaǵy qurmetti konsýly Vladımır Semenıhın, Monako Knıazdiginiń Ulttyq keńes prezıdenti, Syrtqy qatynas komıssııasynyń prezıdenti, Dıplomatııalyq jáne konsýldyq qatynastar dırektory, Graf Sheremetev jubaıymen, Mustafa Shoqaı assosıasııasynyń prezıdenti jáne ózge de laýazymdy tulǵalar qatysady.

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar