Aımaqtar • 05 Naýryz, 2019

Mahambet ýnıversıtetiniń túlekteri qos dıplom alady

1034 retkórsetildi

 

Mahambet О́temisuly atyndaǵy Batys Qazaqstan memlekettik ýnıversıteti men N.G.Chernyshevskıı atyndaǵy Saratov ulttyq zertteý memlekettik ýnıversıteti arasynda qosdıplomdy bilim berý salasyndaǵy ınnovasıalyq-bilim berý konsorsıýmy qurylǵan bolatyn. Jaqynda eki ýnıversıtet basshylary bakalavrıat pen magıstratýranyń qos dıplomdy bilim berý salasyndaǵy yntymaqtastyq týraly kelisimge qol qoıdy.

Innovasıalyq-bilim berý konsorsıýmy 2018 jyly 26 sáýirde qurylǵan edi. Ol boıynsha qos dıplomdy bilim berýdiń eki baǵyty – fılologııa (bakalavrıat pen magıstratýra) jáne psıhologııalyq-pedagogıkalyq bilim berý (magıstratýra) boıynsha yntymaqtastyqqa ýaǵdalasqan bolatyn. Jaqynda BQMÝ-dyń oqý-ádistemelik jumys jónindegi prorektory, tarıh ǵylymdarynyń doktory Áset Tasmagambetov, qos dıplomdy bilim berý bóliminiń jetekshisi, tehnıka ǵylymdarynyń doktory, professor Ǵalı Ǵumarov, fılologııa fakýltetiniń dekany, pedagogıka ǵylymdarynyń kandıdaty Ásken Muhanbetqalıev, pedagogıka jáne psıhologııa kafedrasynyń dosenty, tarıh ǵylymdarynyń doktory Nurııa Ádelbaeva, orys fılologııasy kafedrasynyń meńgerýshisi, fılologııa ǵylymdarynyń kandıdaty Gúlnár Ýmarovalar issaparda bolyp qaıtty.

Issapar baǵdarlamasy boıynsha Saratov memlekettik ýnıversıteti (SMÝ) rektory, professor Alekseı Chýmachenko BQMÝ delegasııasyn qabyldap, bakalavrıattyń jáne magıstratýranyń qos dıplomdy bilim berý salasyndaǵy yntymaqtastyq týraly kelisimge qol qoıdy.

Issapar aıasynda «Mahambet О́temisuly atyndaǵy BQMÝ men N.G.Chernyshevskıı atyndaǵy SMÝ arasynda qos dıplomdy bilim berý baǵdarlamalaryn júzege asyrýdyń ózekti máseleleri» atty dóńgelek ústel ótti. Májiliste oqý úderisine qos dıplomdy bilim berý baǵdarlamalaryn engizý boıynsha jol kartasynyń jobasy ázirlenip, mazmuny talqylanyp, oryndaý merzimi, jaýapty tulǵalary anyqtalyp, árbir sharanyń aıaqtaý túri belgilendi. Dóńgelek ústel sońynda jol kartasyna basshylyq quram qol qoıyp, resmı túrde bekitti.

- Mahambet ýnıversıtetiniń ókilderi SMÝ kafedralaryndaǵy áriptesterimen arnaıy kezdesip, magıstratýra men bakalavrıattyń naqty pánderi boıynsha oqý josparlarynyń jobasyn ázirledi. Osy oqý josparlary JOO ǵylymı keńesteriniń otyrysynda bekitilip, 2019-2020 oqý jylynan bastap iske asyrylatyn bolady, - deıdi Mahambet О́temisuly atyndaǵy BQMÝ-dyń qos dıplomdy bilim berý bólimi jetekshisi, tehnıka ǵylymdarynyń doktory, professor Ǵalı Ǵumarov.

Qazbek QUTTYMURATULY,

«Egemen Qazaqstan»

Batys Qazaqstan

Sońǵy jańalyqtar

Qarttar úıindegi qasiret

Aımaqtar • Búgin, 18:33

Qazaq aqyny qyrǵyzsha jyrlandy

Rýhanııat • Búgin, 18:12

Qyzylorda: Kásipker kómek kórsetti

Aımaqtar • Búgin, 16:27

Betperde kıgen kóktem - 7

Qoǵam • Búgin, 16:07

Dárigerler demalys bazasynda tynyǵady

Aımaqtar • Búgin, 15:26

Samsung taǵy ne patenttedi?

Tehnologııa • Búgin, 15:23

Uqsas jańalyqtar