Qazaqstan • 05 Naýryz, 2019

Senat depýtaty Á.Bektaev Kentaý qalasynda aktıvpen kezdesti

859 retkórsetildi

Parlament Senatynyń depýtaty Álı Bektaev Túrkistan oblysyna jumys sapary aıasynda Kentaý qalasynda bolyp, oblystyq jáne qalalyq máslıhat depýtattary, qala jáne aýyldyq okrýgterdiń, mekemeler men óndiris oryndarynyń jáne sharýa qojalyqtarynyń basshylary, saıası partııalar men qoǵamdyq uıymdardyń jáne buqaralyq aqparat quraldarynyń ókilderimen kezdesti. Bul týraly Parlament Senatynyń baspasóz qyzmeti habarlady.

Senator jurtshylyqpen júzdesýde Memleket basshysynyń «Nur Otan» partııasynyń HVIII sezinde aıtqan áleýmettik bastamalaryn jan-jaqty túsindirdi jáne Parlament Senatyndaǵy zań shyǵarý jumystarynyń barysymen tanystyrdy. Á.Bektaev sezde aıtylǵan negizgi úsh áleýmettik bastamalarǵa aıryqsha toqtalyp, az qamtamasyz etilgen otbasylardyń áleýmettik jaǵdaıyn jaqsartý, tabysy tómen otbasylardy baspanamen qamtamasyz etý, bilim berý jáne densaýlyq saqtaý salasynyń sapasyn jaqsartýǵa, jergilikti aımaqtardy keshendi damytý máselelerine basa nazar aýdarylatyny jáne aldaǵy ýaqytta atqarylatyn sharýalar kóp ekenin aıtty.

Kezdesý barysynda birqatar saýaldar da qoıyldy. Kentaý qalalyq Ardagerler keńesiniń tóraǵasy I.Jumabaev depýtatqa Kentaý-Túrkistan avtojolyn kúrdeli jóndeýden ótkizýge yqpal jasaǵany úshin alǵysyn bildirdi. Sonymen qatar, Kentaý qalasyn ekologııalyq aımaqqa engizý máselesiniń Úkimet deńgeıinde sheshilýine kómektesýdi surady.

Kentaý qalalyq aqsaqaldar alqasynyń tóraǵasy M.Abdýllaev qalany tabıǵı gazben qamtamasyz etý maqsatynda qurylys jumystary júrip jatqanyn, aldaǵy ýaqytta osy salada tótenshe jaǵdaılardyń aldyn-alý, gazdy paıdalaný erejelerin halyqqa keńinen túsindirý maqsatynda arnaıy «gaz ınspeksııasy» mekemesin qurýǵa járdemdesýdi ótindi. Sonymen qatar, turǵyndar tarapynan merekelik sharalarda ot shashý, olardy paıdalaný barysynda birneshe oqys jaǵdaılardyń oryn alýǵa baılanysty arnaıy mamandandyrylǵan mekeme arqyly ótkizý múmkindigin jáne olardy turǵyndarǵa satýǵa tyıym salý qajettigin aıtty.

Qalalyq máslıhattyń depýtaty M.Turysbekov jumyssyzdyq máselesine, az qamtamasyz etilgen otbasylardy áleýmettik qoldaý sharalaryna toqtaldy jáne bilim berý men densaýlyq saqtaý salasy qyzmetkerleriniń eńbekaqysyn kóterý, jastardy baspanamen qamtamasyz etý maqsatynda Úkimet tarapynan arnaıy jumysshy tobyn quryp, tıisti monıtorıng júrgizýdi ótindi. Sonymen qatar, Kentaý qalasynyń ekologııalyq máselesin Úkimet deńgeıinde sheshýge yqpal etýdi surady.

Kentaý qalasy, Búrgem eldi mekeniniń turǵyny Q.Aıtbaev qalaǵa qarasty móltek aýdandarda mal sharýashylyǵyn damytý úshin qosymsha jaıylymdyq jerlerdi qarastyrýdy surady. Qalalyq Ardagerler keńesiniń múshesi S.Adyrshaev fızıka, matematıka jáne hımııa pánderin úsh tilde oqytý máselesi boıynsha ustazdardy keńinen daıyndaý qajettigin, qalalyq múgedekter qoǵamynyń múshesi R.Nurylla múgedekter qoǵamdyq birlestiginiń máselesi boıynsha jeke qabyldaýdy ótindi.

«Qalalyq ájeler alqasy» qoǵamdyq birlestigi atynan jazbasha suraq berilip, ataýly áleýmettik kómekti taǵaıyndaý jáne ony tóleý tártibi boıynsha usynys bildirdi.

Kezdesý barysynda aıtylǵan usynys-pikirlerge, suraqtarǵa senator Á.Bektaev jaýap berdi. Júzdesýge qatysqan qala ákimi Ǵ.Rysbekov kezdesýdi qorytyndylap, Senat depýtaty Á.Bektaevqa alǵys bildirdi jáne jumystaryna tabys tiledi. 

Sońǵy jańalyqtar

Elimizde indet juqtyrǵandar sany 500-ge jetti

Koronavırýs • Búgin, 09:19

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar