Aımaqtar • 06 Naýryz, 2019

Soltústik Qazaqstanda Naýryz meıramyna daıyndyq bastalyp ketti

798 retkórsetildi

Qyzyljar óńirinde ázerbaıjan ultynyń 1800-ge jýyq ókili turady.

Ázerbaıjan mádenı ortalyǵy 1995 jyldan beri jumys isteıdi. alǵashqylardyń biri bolyp quryldy. Olar da barlyq túrki tildes halyqtar sııaqty áz Naýryzdy ulttyq mereke retinde bar naqyshymen atap ótedi. Ázerbaıjan ulttyq mádenı ortalyǵynyń tóraǵasy Shyńǵys Kýrbanovtyń aıtýynsha, Naýryz meıramy aldyndaǵy aıdyń ár sársenbisin ázerbaıjan halqy tirshiliktiń tórt qudireti – sý, ot , jer jáne aýaǵa arnaıdy eken. Iаǵnı, «Sý Chershenbe» - sýǵa arnalǵan sársenbi, «Odlý Chershenbe» - otqa arnalǵan sársenbi, «Torpag Chershenbe» - jerge arnalǵan sársenbi jáne «Ahyr Chershenbe» - sońǵy sársenbi dep atalady. Nanym-senim boıynsha birinshi sársenbide sý tazarady, keıin kezekpen ot jáne jer jańarady. Al sońǵy sársenbide aǵashtar búrshik jarady. Bul - qystyń aıaqtalyp, Jańa jyldyń kelgenin bildiredi.

«Naýryz» meıramynda salt-dástúrlerimizdi eske alamyz, ustanýǵa tyrysamyz. Solardyń biri– ottan sekirý. Otbasynyń ár múshesi ottan sekirýi kerek. Ot sóngesin kúlin eldi mekennen shyǵaryp tastaıdy. Bul - tazarýdyń belgisi», deıdi Shyńǵys Kýrbanov.

Naýryz meıramyna daıyndyq barysynda jasalatyn taǵy bir dástúr - arnaıy taǵam «semenı» ázirleý. Otbasynda molshylyq bolý úshin bıdaıdy aldyn ala ydysta ósiredi. О́skin jaqsy shyqsa - keler jyly alynatyn ónim de mol bolmaq. Jalpy, ázerbaıjan halqy da merekelik dastarhanǵa asa mán beredi. Jeti taǵamnan turatyn Naýryz kóje ázirlemese de, mindetti túrde  «S» árpinen bastalatyn sıýd-sút, semenı, sabzı-kókónis, taǵy basqa jeti taǵamdy dastarqanǵa qoıady. Budan basqa ústelde aına, boıalǵan jumyrtqa jáne balaýyz sham bolýy qajet. Ot - jyn-shaıtannan qorǵaıdy. Jumyrtqa men aına eski jyldyń bitkeniniń jáne jańa jyldyń alǵashqy kúniniń belgisi.

Ázirbaıjandar da – qazaqtar sııaqty qonaqjaı halyq. Mereke kúnderi úı esikteri jabylmaıdy. Týǵan-týystaryn, kórshi-qolańdy aralap, meırammen quttyqtaıdy, táttilerden aýyz tıedi. Jańa jyldy toılaý merekesi tek 13-kúnnen keıin ǵana aıaqtalady.

«Naýryz meıramy - eń kóne jáne salt-dástúrge baı merekelerdiń biri. Ol - jyl basy, jańarýdyń belgisi. Osy meırammen barsha qazaqstandyqtardy quttyqtaımyn. Eń aldymen, árıne densaýlyq, otbasy amandyǵyn, baqyt, sáttilik tileımin. Birligimizden aıyrmasyn, álemde beıbitshilik bolsyn», - deıdi ázirbaıjan ultynyń ókili Shyńǵys Kýrbanov.

Ázirbaıjan ulttyq mádenı ortalyǵynyń músheleri oblysta, Petropavl qalasynda ótetin sharalardan qalys qalmaıdy. Jyl saıyn dástúrli túrde ázirbaıjan ulttyq mádenıetiniń festıvalin uıymdastyryp, oblys ortalyǵynda ótetin Naýryz merekesine de belsene qatysady. Bıyl da qala turǵyndary men qonaqtaryn kóktem merekesinde án-bı, mol dastarqanmen qarsy almaq bolyp, qyzý daıyndalýda.

О́mir ESQALI,

«Egemen Qazaqstan»

Soltústik Qazaqstan oblysy

Sońǵy jańalyqtar

Kókshetaýda qara daýyl, qarly jańbyr

Aımaqtar • Búgin, 22:15

Tynyshtyqbek Ábdikákimuly. KARANTIN

Ádebıet • Búgin, 20:57

Almaty: Jolaýshylar aǵyny men kólik sany azaıdy

Ońtústik Qazaqstan • Búgin, 18:10

Betperde kıgen kóktem - 6

Qoǵam • Búgin, 17:09

D dárýmeni - ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Uqsas jańalyqtar