Qazaqstan • 06 Naýryz, 2019

Almaty ákimi qala kóshelerin jóndeý máseleleri boıynsha jumys keńesin ótkizdi

609 retkórsetildi

Almaty ákimi aldaǵy kezde qala kósheleri men trotýarlardy jóndeý máseleleri boıynsha jumys keńesin ótkizdi. Bıylǵy jyly uzyndyǵy 111 km bolatyn 120-dan astam kóshege ortasha jóndeý jumystary júrgiziledi. Bulardan ózge qalanyń 10 yqsham aýdandarynda uzyndyǵy 100 shaqyrymnan asatyn jańa kósheler salynady.

Megapolıs basshysy kóktem shyǵysymen ortalyq dańǵyldar men aýdandyq máni bar kóshelerdegi lıýktar men olarǵa qatysty shaǵymdardyń kóp túskenin atap ótti.

«Qalalyqtar kúzde emes, jazdyń ózinde jańa joldarmen júrýleri tıis, sondyqtan ortasha jóndeýden ótetin ár ýchaskeniń jóndelý merzimi, olarda jumys jasaıtyn adamdar men tehnıka aldyn ala belgilenýi tıis. Aǵymdaǵy jóndeý jumystaryna qatysty uzaq merzimdi kelisimder jasaldy, ıaǵnı kompanııalar zamanaýı tehnıka alý men sapany qamtamasyz etýdi ınvestısııalaıdy. Eger merdiger jumysty belgilengen merziminde oryndamasa aıyppul salynady. Aýdandar ákimderi ár ýchaskeni jeke ózderi aralap, ǵımarattardyń syrtyn retke keltirýleri, zańsyz salynǵan qurylystardy súrýleri, túrli qyzmetterdiń jumystaryn úılestirýleri tıis», - dedi Baýyrjan Baıbek.

Qalalyq mobıldilik basqarmasynyń basshysy Saǵyndyq Telibaev óziniń sózinde aýa raıy qolaıly bolsa magıstraldi kóshelerde aǵymdaǵy jóndeý jumystarynyń 10 kún ishinde atqarylatynyn aıtty.

Aýdarylǵan lıýktardy qalpyna keltirý úshin merdiger uıymdar arnaıy arnaıy tehnıkalar alýda. Buǵan elimizde alǵash ret MJÁ jobasy boıynsha tórt kompanııamen 4,5 jylǵa orlardy jóndeýge qatysty jasalǵan kelisim boıynsha qoljetti.

Atalaǵan shara uzaq merzimde joldardy jedel jóndeýge jáne retke keltirýge múmkindik beredi. Sonymen, tórt jyl ishinde «Esik joldary» JShS (Medeý jáne Túrksib aýdandary), «DSÝ-13» JShS (Bostandyq jáne Almaly aýdandary), «Konfors» JShS (Áýezov jáne Naýryzbaı aýdandary), «RSÝ» JShS (Alataý jáne Jetisý aýdandary) jóndeý jumystaryn júrgizedi.

Ortasha jóndeý kezinde eski bordıýrler, aryq naýalary, tipti frezerlengen asfalt qalaǵa qosylǵan aýdandardyń kóshelerinde paıdalanylady.

Almatyda bastalǵan «Vision Zero» baǵdarlamasy boıynsha ortasha jóndeý jumystary barysynda qaýipsiz ınfraqurylym jasalyp, apattyń aldy alynady, jaıaý júrginshi joldary abattandyrylady. Bulardan ózge, adamdardyń ótý qaýipsizdigin qamtamasyz etý úshin burylystardaǵy aınalym radıýstary qysqarady.

Baýyrjan Baıbek jumys keńesi barysynda joldardy jóndeýge jaýapty memlekettik organdardyń jáne merdigerlik uıymdar basshylarynyń baılanys nómirleri jazylǵan arnaıy stendter ornatýdy, aýmaqty kogaldandyrýdy, buryn jóndelip, kepildi merzimge qoıylǵan joldardy tekserýden ótkizýdi atap ótti.

Aıta keterligi, Almatyda sońǵy jyldary 600 kóshe men 1400-den astam eski aýlalar jańardy. 300 km aryq, 1000 km ınjenerlik jeliler jóndeldi. Qalanyń barlyq ótpeli joldary qaıta jasaldy. Bulardan ózge, Nazarbaev dańǵyly temirjol estakadasy arqyly Jansúgirov kóshesine deıin jáne Hmelnıskıı kóshesi Súıinbaı dańǵylynan Jas Qanat yqsham aýdanyna deıin úńgilendi.

Sońǵy jańalyqtar

Uǵyna bilgenge – ult taǵdyry

Saıasat • Búgin, 06:57

Kóńilge medet bolǵan maqala

Rýhanııat • Búgin, 06:56

54 adam jazylyp shyqty

Koronavırýs • Búgin, 06:39

Qıyndyqpen birge jeńildik bar

Qoǵam • Búgin, 06:32

«Birlik joq jerde – tirlik joq»

Qoǵam • Búgin, 06:26

El bolyp eńseremiz

Saıasat • Búgin, 06:20

Jańa aýrýhana 12 kúnde salynady

Elorda • Búgin, 06:17

Daýyl «dertimizdi» anyqtap berdi

Aımaqtar • Búgin, 06:14

Býmerang

Rýhanııat • Búgin, 05:54

Qorǵaýshylarǵa da qoldaý qajet

Aımaqtar • Búgin, 05:46

Toıdyń sońy topyrlaǵan syrqat

Aımaqtar • Búgin, 05:43

Kıeli kitaptar: tyıymdar ne úshin jasalady?

Rýhanııat • Búgin, 05:34

Aqırekte – Arystan bab...

Tanym • Búgin, 05:33

Toqyma ónerkásibine tyń serpin kerek

Ekonomıka • Búgin, 05:22

Medısına ǵylymyn damytýǵa ne kedergi?

Medısına • Búgin, 05:15

Teatrdyń onlaın tartýy

Rýhanııat • Keshe

Úı janýarynan vırýs juǵa ma?

Koronavırýs • Keshe

Uqsas jańalyqtar