Boks • 06 Naýryz, 2019

Aqtaýlyq boksshylar Amerıkaǵa attandy

809 retkórsetildi

Ataqty bapker Marat Jaqıevtiń qol astynda jattyǵatyn tórt boksshy Amerıkaǵa attandy. Sol jaqta olar AQSh-tyń kásipqoı boksshylarymen birlesken jattyǵý jıynyn ótkizedi. 

Amerıkaǵa sapar shekken qandastarymyzdyń esimi jankúıerlerge jaqsy tanys. Kezinde jastar býyny arasyndaǵy jarystarda jasyndaı jarqyraǵan Samatáli (60 kılo) men Sanatáli Tóltaev (64 kılo), Bekzat Nurdáýletov (91 kılo) jáne Aıboldy Dáýrenulynyń (+91 kılo) barlyǵy da eresekter dýyna erkin qosylyp, bul kúnderi ulttyq qurama sapynda óner kórsetip júr. Olardyń barlyǵy da Aqtaý qalasynda belgili bapker Marat Jaqıevtiń qol asytnda jattyǵýda. Sol órender endi sheberlikterin odan ári shyndaı úshin AQSh-ta baryp jattyǵýdy jón kórip otyr. 

Olar Kalıfornııa shtatyndaǵy Oksnard qalasyna attandy. Sol jerde ornalasqan áıgili bazada Maıkı Garsııa, Vasılıı Lomachenko, Aleksandr Ýsık, Aleksandr Gvozdık jáne taǵy basqa kásipqoı bokstyń shoq juldyzdary jattyǵady. Sondaı-aq, Oksnardta bizdiń Meıirim Nursultanov pen Madııar Áshkeev te daıarlanýda. Kásipqoı boksshylarmen birge jattyǵý tehnıkalyq ta, fızıkalyq turǵydan da óte tıimdi. Ondaı jıyndardyń bizdiń jigitterge bereri kóp. Sol sebepti de Marat Jaqıev osyndaı usynys bildirgende, men birden óz kelsimimdi berdim, – deıdi Qazaqstan ulttyq quramasynyń bas bapkeri Ǵalymbek Kenjebaev.

Muhıttyń arǵy betinde aıtýly boksshylar bir aı jattyǵady. Sodan keıin olar elge oralady. Al otandyq bylǵary qolǵap sheberleri úshin aldaǵy ýaqyttaǵy basty synaq – Azııa birinshiligi. Sol jarysta álem chempıonatynyń joldamalary sarapqa salynady.         

Ǵalym SÚLEIMEN,

«Egemen Qazaqstan»

Sońǵy jańalyqtar

Elimizde indet juqtyrǵandar sany 500-ge jetti

Koronavırýs • Búgin, 09:30

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar