Medısına • 07 Naýryz, 2019

«Hareket» qory alty balasy bar anaǵa  baspana syılady

857 retkórsetildi

Oblystyq Qazaqstan halqy assambleıasy analar keńesiniń keńeıtilgen otyrysynda respýblıkalyq «Hareket» qory altyn qursaqty anaǵa páter kiltin saltanatty túrde tabystady.

Jıyn barysynda názik jandylardyń qoǵamda alatyn orny jaıly  «EXPO&WOMEN» halyqaralyq uıymynyń dırektory Lázzát Asqarova,  «Tektaný» akademııasynyń ókili Álııa Saǵymbaeva  áńgimeledi.

«Hareket» qaıyrymdylyq qory 2017 jyldan beri jumys istep keledi.  Osy aralyqta  79 otbasyna baspana syılaǵan. 80-shi baqyt kilti alty balanyń anasy  Gúlmıra Rahymjanova ǵa buıyrdy. Otaǵasydan  aıyrylǵaly  taǵdyrdyń aýyr taýqymetin kóp  tartypty. Búginge deıin úı jaldap kelgen.

Shara barysynda jasyl ekonomıkanyń qolshaǵan ortaǵa, bıosferaǵa áseri, ony damytýdaǵy áıelderdiń róli , qosatyn úlesi de baıandaldy.  L. Asqarovanyń aıtýynsha, bir qolymen besikti, bir qolymen álemdi terbetetin áıel zaty týmysynan tabıǵatqa jaqyn, ekeýi egiz uǵym ispettes.

Al,tegin bilmegen teksizderdiń sany kóbeıip bara jatqanyna alańdaýshylyq bildirgen Á. Saǵymbaeva tektaný ǵylymy aldynda turǵan mindetterge toqtaldy.

«Búgingideı jahandaný zamanynda ata-babalarymyz mıras etip qaldyrǵan salt-dástúrler jutylyp barady. Otbasylardyń  ajyrasýy, úlkenderdi syılamaý sekildi áleýmettik problemalardyń túp tamyryna úńilsek,  urpaqtar arasyndaǵy sabaqtastyq tamyrynan ajyrap qalǵanymyzdy kórsetedi», dedi ol.

О́mir ESQALI,

«Egemen Qazaqstan»

Soltústik Qazaqstan oblysy

Sońǵy jańalyqtar

Ystyq tamaq taratty

Qazaqstan • Búgin, 17:59

Jaqsy ákim jalǵyz júredi

Tanym • Búgin, 17:02

Betperde kıgen kóktem

Tanym • Búgin, 16:55

Uqsas jańalyqtar