Aımaqtar • 07 Naýryz, 2019

Senat depýtattary áleýmettik baǵdarlamalardy túsindirip júr

798 retkórsetildi

QR Prezıdenti N.Á.Nazarbaevtyń «Nur Otan» partııasynyń XVIII sezindegi bergen tapsyrmalaryn nasıhattaý boıynsha QR Parlamenti senatynyń depýtattary Darhan Satybaldy jáne Nurlan Beknazarov Shymkentke ic-caparmen keldi.

Senatorlar aldymen shaharǵa qarasty Sáýle shaǵynaýdanyndaǵy 2017 jyly paıdalanýǵa berilgen №129 mekteptiń tynys-tirshiligimen tanysty. Mekteptegi qaýipsizdik júıeleri, ashana, sport, májilic zalyn aralap kórdi. Sondaı-aq, bilim sapasy, muǵalimderdiń jalaqysy máselelerinen habardar boldy.

Is-sapar barysynda astanalyqtar  Qonaev dańǵylynyń jalǵasy boıynsha salynyp jatqan Badam ózenindegi kópirdiń qurylysymen tanysty. Qonaev dańǵyly men Tashkent baǵytyn jalǵaıtyn jol bóliginiń 3 kezeńi bastalǵan. Sonyń biri - osy Badam ózenindegi kópir qurylysy. Jobanyń jalpy quny - 21 mlrd teńgeni quraıdy. Qazirgi tańda ózenniń eki jaǵalaýyn abattandyrý jumystarynyń ekinshi kezeńi qaıta bastaldy. Bul joly merdigerler Munaı óńdeý zaýyty mańynan Qaratóbe eldi mekenindegi kópir aralyǵyn betondaıdy.

Qarqyndy qurylys jumystarymen tanysqan halyq qalaýlylary «Nur Otan» partııasynyń sezinde, Elbasy Joldaýynda aıtylǵan mindetterdi atap ótip, qurylys barysy zań aıasynda júrýi tıic ekenin aıtty. Ári, qurylysy júrip jatqan A 2 eski aınalma joly, Qyzylorda baǵytyndaǵy jol qurylystarynyń jumysymen tanysty.

Elbasynyń tóraǵalyǵymen ótken áleýmettik saıasatty iske asyrý máseleleri jóninde keńeste aıtylǵan tapsyrmalardy jergilikti óńirlerde túsindirýdi maqsat etken  depýtattar  megapolıs turǵyndaryn jeke máselelerimen qabyldady. Kezdesýde basty taqyryp áleýmettik salaǵa qatysty bolyp, ult Kóshbasshysy aıtqan kópbalaly otbasylardyń balalaryna tólenetin járdemaqyny alý joldary egjeı-tegjeı túsindirildi. Shymkenttik senatorlar ár turǵynnyń máselesin jeke-jeke tyńdap, tıisti sala basshylaryna mindetter júktedi.

Jetekshi partııa sezinde Prezıdent  iri qalalarda baspana salýǵa qosymsha 90 mlrd teńge bólinetindigin, kópbalaly otbasylarǵa 40 myń jaldamaly páter salynatyndyǵyn jetkizgen bolatyn. Endi respýblıka boıynsha kópbalaly otbasylardy turǵyn úımen qamtamasyz etý maqsatynda bıýdjetten jyl saıyn taǵy 50 mlrd teńge qarjy bólý josparlanýda eken.

Búginde úshinshi megapolıste bul tapsyrmalar boıynsha jumystar bastalyp ketti. Shahar irgesinen boı kótergen «Shymkent Sıtı» aýdanynda kópqabatty turǵyn úılerdiń qurylysy kóbeıip  keledi.

Shymshahardaǵy baspana máselesine basa nazar aýdarǵan depýtattar «Shymkent Sıtı», Turan shaǵynaýdandaryndaǵy kópqabatty úılerdiń qurylysymen tanysty.

Nurshat TО́KEN,

«Egemen Qazaqstan»

Shymkent

Sońǵy jańalyqtar

Kókshetaýda qara daýyl, qarly jańbyr

Aımaqtar • Búgin, 22:15

Tynyshtyqbek Ábdikákimuly. KARANTIN

Ádebıet • Búgin, 20:57

Almaty: Jolaýshylar aǵyny men kólik sany azaıdy

Ońtústik Qazaqstan • Búgin, 18:10

Betperde kıgen kóktem - 6

Qoǵam • Búgin, 17:09

D dárýmeni - ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Uqsas jańalyqtar