Aımaqtar • 07 Naýryz, 2019

Jambyl oblysynda Qytaıdan Qazaqstanǵa zańsyz kóshi-qon arnasynyń joly kesildi

818 retkórsetildi

Ulttyq qaýipsizdik komıteti Jambyl oblysynyń aýmaǵynda uzaq ýaqyt boıy qytaılyq azamattardyń zańsyz kóshi-qonyn uıymdastyrýmen aınalysqan adamdar tobynyń zańǵa qaıshy áreketiniń jolyn kesti. Bul týraly UQK Baspasóz qyzmeti habarlady.

QHR-dan mıgranttardyń zańsyz arnasyn Taraz qalasy kóshi-qon polısııasy bóliminiń qyzmetkerleri uıymdastyrǵan. Atap aıtqanda, burynǵy basshysy A. Zeıdalıev jáne onyń orynbasary B. Naýryzbaev, olar sondaı-aq QHR-dan shyqqan Ý. Sılambekpen «deldal» retinde sybaılasqan.

Kórsetilgen adamdar toby jalǵan qujattardy qoldanyp, Jambyl oblysynda QHR-dyń 170-ten asa azamatyn olarǵa Qazaqstanda kedergisiz turý úshin tıisti quqyq beretin qujattar berýmen qujattandyrǵan.

2019 jylǵy 5 naýryzda Taraz qalasyndaǵy № 2 qalalyq sotynda kórsetilgen qylmystyq is boıynsha úkim jarııalandy.

A. Zeıdalıev QK mynadaı baptary: 361 4.4 Z-t. («Aýyr saldarlarǵa ákep soqqan laýazymdyq ýákilettilikti teris paıdalaný»), 394 4.2 («Adamdar tobynyń aldyn ala sóz baılasyp zańsyz kóshi-qon uıymdastyrýy») boıynsha kináli dep tanylyp, 4 jyl 6 aıǵa ortasha qaýipsizdiktegi túzeý mekemesinde jazasyn óteýmen bas bostandyǵynan aıyryldy.

B. Naýryzbaev QK 361-baby 4-bólimi Z-t, 394-baby 2-bólimi boıynsha kináli dep tanylyp, 3 jyl 6 aıǵa ortasha qaýipsizdiktegi túzeý mekemesinde jazasyn óteýmen bas bostandyǵynan aıyryldy.

Ý. Sılambek QK 394-baby 2-bólimi boıynsha kináli dep tanylyp, 4 jylǵa ortasha qaýipsizdiktegi túzeý mekmesinde jazasyn óteýmen bas bostandyǵynan aıyryldy.

Sottalǵan B. Naýryzbaev pen Ý. Sılambek úkim jarııalanǵannan keıin sot zalynda qamaýǵa alyndy. A. Zeıdalıevke qatysty buryn «qamaý» sharasy qoldanylǵan bolatyn.

Qazirgi ýaqytta QHR azamattaryna berilgen olarǵa QR aýmaǵynda turýǵa quqyq beretin resmı qujattardyń kúshin joıý týraly másele sheshilýde.

Sońǵy jańalyqtar

Ystyq tamaq taratty

Qazaqstan • Búgin, 17:59

Jaqsy ákim jalǵyz júredi

Tanym • Búgin, 17:02

Betperde kıgen kóktem

Tanym • Búgin, 16:55

Uqsas jańalyqtar