Álem • 07 Naýryz, 2019

Qazaqstan men Lıtva saýda-ekonomıkalyq yntymaqtastyqty nyǵaıtýda

821 retkórsetildi

 

Vılnıýs qalasynda 2019 jyly Saýda-ekonomıkalyq yntymaqtastyq jónindegi qazaqstandyq-lıtvalyq úkimetaralyq komıssııanyń 12-shi otyrysy ótti.

Qazaqstandyq delegasııany, Komıssııanyń teń tóraǵasy QR Qarjy vıse-mınıstri Qanat Baedilov basqarsa, lıtvalyqtardan – LR Ekonomıka jáne ınnovasııa mınıstri Vırgınııýs Sınkıavıchıýs tóraǵalyq etti.

Eki kúndik otyrys sheńberinde eki eldiń negizgi mınıstrlikteriniń ókilderi kólik, aqparattyq-kommýnıkasııalyq tehnologııalar, energetıka, týrızm, aýyl sharýashylyǵy, densaýlyq saqtaý, salyq máseleleri, memlekettik qyzmetkerlerdiń biliktiligin arttyrý, bilim berý, kásipkerlik qyzmetti retteý, quqyqtyq-sharttyq bazany keńeıtý salalarynyń perspektıvalary men jańa baǵyttaryn, ózekti máselelerin talqylady.

Atqarylǵan jumystyń nátıjesi boıynsha, 12-shi qazaqstandyq-lıtvalyq ÚAK-tiń hattamasyna qol qoıyldy. Hattama aldaǵy jyldary Astana men Vılnıýstiń ózara isqımylynyń «jol kartasy» bolyp, onyń keıbir pýnktteri qazaqstandyq-lıtvalyq ekonomıkalyq seriktestiktiń jańa baǵyttaryn belgiledi.

Atap aıtqanda, qazaqstandyq jáne lıtvalyq sarapshylar kólik salasynda elimizdiń damyǵan kaspııdegi aılaqtarynyń áleýetin qoldana otyryp, biriktirilgen júk tasymaldaýdy damytý múmkindigin qarastyrýǵa qol jetkizdi.

Baltyq elderindegi eń alyp Klaıpeda aılaǵy Eýropa baǵytyndaǵy qazaqstandyq júkterdi, onyń ishinde bıdaı, un jáne kómir tasymalyn ózine tartýǵa aıtarlyqtaı qyzyǵýshylyq tanytty.

Budan basqa, lıtvalyq tarap óziniń baı tájirıbesi bar aılaqtyq ınfraqurylymdaryn qoldanýdy jáne «teńizdik» kadrlardy daıyndaýdy usynady. Osy atalǵan barlyq jobalardy Aqtaý men Klaıpeda arasyndaǵy baýyrlastyq baılanystar jónindegi memorandýmǵa engizý qajettigi alǵa tartyldy.

Mazmuny boıynsha jańa ustanym retinde kelesi usynysty atap ótýge bolady. Lıtvanyń logıstıkalyq qaýymdastyǵy júk kólikteriniń qazaqstandyq júrgizýshileriniń biliktiligin arttyrý, odan keıingide Qazaqstanda júrgizýshilerdi daıyndaý ortalyǵyn qurý múmkindigi týraly usynys engizdi.

Sonymen qatar eki eldiń sarapshylary qazaqstandyq-lıtvalyq dıalogtaǵy gýmanıtarlyq yntymaqtastyqtyń artqanyna ońdy baǵa berdi. Komıssııa kún tártibiniń eń basty pýnktteriniń biri densaýlyq salasyndaǵy yntymaqtastyq aıasyn keńeıtý máselesi boldy.

Lıtvalyq tarap, Qazaqstannyń alǵashqy medıko-sanıtarlyq kómek jónindegi ýnıversaldy qujatty (Astana deklarasııasy) dáripteý jolymen jahandyq densaýlyq saqtaý júıesin damytýǵa qosqan úlesin atap ótti.

Budan basqa, Komıssııa otyrysy barysynda taraptar medısına salasynda birlesken ǵylymı jáne taldamaly zertteýler daıyndaý boıynsha jumystardy jandandyrýǵa kelisti. Osyǵan qosymsha retinde, tájirıbe júzindegi densaýlyq saqtaýmen medısınalyq bilim berýdi biriktirý salasynda qol jetkizilgen ýaǵdalastyq perspektıvalyq sıpatqa ıe. Osylaısha, qazaqstandyq dárigerlerdiń Lıtva bilim oryndaryndaǵy kópjyldyq tájirıbelik biliktilik arttyrýy jańa da tereń mazmunǵa ıe boldy.

Bilim berý baǵdarlamalary aıasyn odan ári keńeıtý boıynsha qazaqstandyq jáne lıtvalyq sarapshylar óz nıetterin taǵy da quptap ótti. Aıta keteri, jyl saıyn bes Lıtva joǵary oqý orny qazaqstandyq stýdentter úshin 200 grant bóledi. Taraptar Erasmýs+ baǵdarlamasy usynatyn múmkindikterdi barynsha qoldana otyryp, onyń sheńberinde ózara stýdentter almasý boıynsha yntymaqtastyqty jandandyrýǵa qol jetkizdi.

Lıtvalyq tarap usynǵan, týrızm jónindegi jumys tobynyń qyzmetin qaıta jandandyrý gýmanıtarlyq baılanystardyń damýyna belgili bir serpin beredi degen senimdemiz.

Eki eldiń sarapshylary lıtva tarapy usynǵan jáne Astanada ótken «EKSPO-2017» halyqaralyq arnaıy kórmesinde tusaýy kesilgen aqparattyq-kommýnıkasııalyq jáne «jasyl» tehnologııalar salasyn qamtıtyn sapaly usynystardy Hattamaǵa engizdi.

Lıtvalyq tarap qazaqstannyń qalalarynda barlyq kólik túrleriniń júrý kestesin jasaý men úılestirýge arnalǵan tehnologııalyq sheshim engizýdi usyndy. Taraptar sondaı-aq qazaqstandyq elektrondyq úkimetti odan ári jetildirý boıynsha ózara qyzyǵýshylyq bildirdi.

Jańǵyrtylatyn energııa kózderi, atap aıtqanda kún energııasy tehnologııasy salasyndaǵy lıtvalyq ázirlemelerdi qoldaný da usynyldy. Fotoelementter óndirýshi lıtvalyq klasterdiń Eýropalyq Odaqta jetekshi bolyp keletinin de atap ótken jón.  

Taraptar aýyl sharýashylyq salasynda aıtýly múmkindikterdiń bar ekendigine de toqtalyp ótti. Lıtvalyq tarap QR-dyń aýyl sharýashylyq salasyndaǵy áleýeti, memlekettik kómek sharalary (ınvestısııalyq preferensııalar, jeńildetilgen nesıe, sýbsıdııalar, salyqtyq jáne kedendik jeńildikter), sondaı-aq Qazaqstannyń AО́K salasyndaǵy ınvestısııalyq múmkindikteri týraly aqparattandyryldy.

Lıtva álem elderi arasyndaǵy Qazaqstannyń eń alyp jıyrma saýda seriktesiniń biri. Qazaqstan men Lıtva arasyndaǵy taýar aınalymynyń kólemi Baltyq jáne Soltústik Eýropa elderimen aradaǵy QR-diń saýda kórsetkishterimen salystyrǵanda eń joǵary satyda.

Sońǵy jańalyqtar

Tilsiz jaý taǵy keldi

Aımaqtar • Búgin, 13:09

Sanıtarlyq sharalar turaqty júrgiziledi

Aımaqtar • Búgin, 13:06

ShOB-ty qoldaý joldary túsindirildi

Ekonomıka • Búgin, 12:44

Almaty: Búginge deıin indet 90 adamnan tabyldy

Koronavırýs • Búgin, 12:19

Almatyǵa Qytaıdan gýmanıtarlyq kómek keldi

Koronavırýs • Búgin, 12:02

El ekologııaǵa alańdaıdy

Ekologııa • Búgin, 10:55

Jalǵan aqparat taratqandar jazalanady

Aımaqtar • Búgin, 10:42

Mańǵystaý oblysy karantınge jabylady

Aımaqtar • Búgin, 10:29

Uqsas jańalyqtar