Qazaqstan • 08 Naýryz, 2019

О́tkizý pýnkteriniń jumysy jetildiriledi

489 retkórsetildi

Qytaı men О́zbekstan shekarasy arqyly elimizge keletin kólikterdiń kedendik baqylaýdan ótý jyldamdyǵy birneshe esege artpaq. Bul týraly Memlekettik kirister komıtetiniń tóraǵasy Marat Sultanǵazıev málimdedi. 

Memlekettik kirister komıtetiniń málimetine súıensek, kedendik beketten kóliktiń ótý qarqynynyń artýyna Qarjy mınıstrligi ázirlegen «Etalondyq ótkizý pýnkti» Tujyrymdamasy negiz bolǵan. Atalǵan qujat qazaqstandyq ótkizý pýnkteriniń jumysyn jetildirýge baǵyttalǵan.

Máselen, sońǵy jyldardy Qytaıdan kólik aǵymynyń ótýi 1,5-ǵa, al О́zbekstannan eki esege artty. Tıisinshe osy eldermen taýar aınalymy da ósken.

Kólik aǵymynyń artýy shekarada tıisti jaǵdaılardyń jasalýymen tikeleı baılanysty. «Etalondyq ótkizý pýnkti» Tujyrymdamasy negizinen avtokólik quraldarynyń shekara arqyly tez ótýine baǵyttalǵan.

Áıtse de, Memlekettik kirister komıtetiniń derekterine súıensek, shekaradaǵy ınfraqurylym kólikterdiń óspeli aǵynyn bir qalypty jáne jyldam ótýine qıyndyq keltiredi. Ásirese, kedendik baqylaýdyń tehnıkalyq quraldarynyń 60 paıyzdan astamy eskirgen.

Sondyqtan shekaradaǵy ótkizý pýnkteriniń jumystaryn jaqsartý maqsatynda 2018 jylǵy maýsymda Beıjiń qalasynda Negizdemelik kelisimge qol qoıylǵan. Soǵan sáıkes, Qytaı tarapy 2 062 mıllıon ıýan somasyna jeńildetilgen nesıe beredi.

Atalǵan qarajat 9 avtomobıldik jáne 1 temirjol ótkizý pýnktterin jańǵyrtýǵa jáne tehnıkalyq qaıta jabdyqtaýǵa jumsalady. Sondaı-aq Bas dıspetcherlik basqarmasyn tehnıkalyq qaıta jabdyqtaý josparlanyp otyr. Kólik quraldarynyń toqtaýsyz qozǵalysy úshin tehnıkalyq baqylaýdyń avtomattandyrylǵan biryńǵaı tóte dálizderi ornatylmaq. Joba 2019 jyldyń aıaǵynda bastalyp, 2022 jyly aıaqtalady.

EAEO syrtqy shekarasynyń barlyq perımetri boıynsha ótkizý pýnktterin jańǵyrtý, sondaı-aq taýarlardy ótkizýdiń barlyq kezenderin avtomattandyrý kedendik ákimshilendirý deńgeıin joǵarlatýǵa, ótkizý pýnktteriniń ınfraqurylymyn jaqsartýǵa, sybaılas jemqorlyq táýekelderin azaıtýǵa múmkindik beredi. Bul jalpy alǵanda SEQ qatysýshylardyń qarjylyq shyǵyndaryna oń áser tıgizedi jáne eldiń tranzıttik áleýetin arttyrady.

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar