Qazaqstan • 08 Naýryz, 2019

Balanyń da, aranyń da babyn tapqan ana

1123 retkórsetildi

Jalqaýlardy jaqtyrmaıtyn bal arasy adamdy eńbek­qorlyqqa úndeıdi, tazalyqty talap etedi. Omartashydan jaǵymsyz ıister shyǵyp tursa, aralar ony shaǵady eken. Jalpy bal arasynyń adam balasyna úlgi eterlikteı qasıeti kóp, sonyń keıbirin kóp balaly Gúlshad ananyń boıynan da tapqandaı boldyq. Eńbekqor ana ul-qyzdarynyń da jalqaý bolǵanyn qalamaıdy, qıyndyqqa moıymaı alǵa umtylady, tabandylyq pen adaldyq, júktelgen jumys qaltqysyz, ýaqytynda oryndalady...

 

Segiz ul-qyzy bar Gúlshad ana otaǵasy Talǵat ekeýi bal arasyn ósirýmen aınalysyp keledi. Balalardyń altaýy mektepte, ekeýi balabaqshada. Ananyń aıtýynsha, balalarǵa táýlik boıy kóńil bólý kerek, qamqorlyqqa alý, zaman talabyna saı tárbıeleý syn­dy ata-analyq mindet te úzi­lis­siz júrgizilýi tıis. «Al endi bal arasy da balaǵa qaraǵandaı ǵoı, tazalyǵy, dárilenýi, qorek­ten­dirý, der mezgilinde jasalýy tıis kútimi bar. Úlgerip ja­tyr­­myz. Árıne segiz ul-qyz­dyń tár­bıesi birinshi kezekte, olar mek­tepte, balabaqshada bol­ǵan ýaqytty bal arasyna ar­naı­myz. Balalar oqýdan tys ýa­qy­­tynda kómektesip, eńbek álip­pesin úırenýde. Kóp balaly ana­myn dep, tek memlekettiń kóme­gine se­nip, bos otyrǵym joq. Bala­lar­ǵa berilip jatqan jár­dem­aqy­lar­dyń kómegi bar, árıne. Biraq ul-qyzdarymnyń er­te­ńine senimdi bolýy, qatary­n­an qal­maýy úshin qarap otyrmaı bar múm­kindikti paıda­lanýy­­myz qajet», dedi Gúlshad ana bizben áńgimesinde.

Kóp balaly ananyń kóp­­shi­­likke aıta bermeıtin, jarııa et­kendi qalamaıtyn bir qu­pııa­­sy bar. Ilgeride jasal­ǵan ope­ra­­sııadan keıin júre almaı, múge­dek bolyp qal­ǵan. Degenmen bala­­larynyń bolashaǵyna alań­daǵan ana taǵdyrdyń bul synyna syn­baǵan, tózimdilik pen ómirge qush­tarlyq demeý bolyp alǵa jete­legen. Otaǵasy Talǵat ta úı sharýasyna kómektesip, ana­nyń aıaqqa turýy úshin barlyq jaǵdaıdy jasap baqty. Búginde Gúlshad ana baldaqqa súıenip, bar kúsh-jigerin balalarynyń da, bal arasynyń da kútimine arnap, jaǵdaılaryn jasap júr. 

Keıipkerimiz ómir súrip jat­qan Qazyǵurt aýdany Qaq­paq aýyl­­­dyq okrýgine qaras­ty Syrlysaı aýylynyń tabı­ǵa­ty tamasha, adamdary eńbek­qor. Aýyldyń oń jaq tusy baý-baqsha, sol jaq bóligin bıik qyrattar qorshap tur. Búgin­de aýyl turǵyndary baý-baq­shamen qatar bal arasyn ósirýdiń de qyr-syryn meń­gere bastapty. Iá, Gúlshad ana da buryn qazaqtyń ebi joq sııaq­ty kórinetin kádimgi omarta­shylyqty qolǵa alǵan. Bul oraıda oǵan «Atameken» kásipkerlik pala­tasynyń jergilikti ókil­deri qoldaý kórsetipti. Nesıe alý, kásip ashý joldary boıyn­sha keńes bergen. Sóıtip, Syr­ly­saıdyń turǵyny Gúlshad Vafaeva «Aýyl sharýashy­ly­ǵyn qar­jy­laı qoldaý qory» jeńil­dikpen bergen 3 mln teńge nesıe­ge 100 uıaly bal arasyn satyp ala­dy. Oǵan eki otbasylyq 50 omar­tany (jáshik) taǵy qosady. «Ne­sıeni byltyr tamyzdyń basyn­da aldyq. Aralar áli bal bere qoıǵan joq. Osy kóktemde kók­ke, taýdyń gúl bókterine jaıy­la bastady. Bıyl buıyrǵan nesi­bemizdi alǵa­ly otyrmyz», deıdi Gúlshad Farhadqyzy.

Gúlshad pen jubaıy Talǵat Rasýlov Syrlysaıǵa О́zbek­stan­nan 2008 jyly kóship kelgen eken. Bal arasyn ósirýdiń qyr-sy­­ryn kórshi elde meńgergen. Al­­dy­­men birneshe uıaly omarta al­­ǵan otbasy birtindep onyń sanyn 10, 20-ǵa deıin kóbeıtken. Al ata­jurtqa qonys aýdarǵanda bal ara­syn eki el arasyndaǵy ke­­den­­nen alyp ótýde kóptegen ke­der­­gilerge tap bolǵan Gúlshad pen Talǵat otbasylyq bıznesti bi­raz ýaqytqa toqtatty. «О́zbek­stan­­­men shekarada ornalasqan Syr­­ly­saı aýyly – jańadan qu­ryl­­ǵan eldi meken. Munda kóship kel­­gen soń úı salyp, balalardy aıaq­tan turǵyzyp alý kerek bol­dy. Biraz ýaqytty osyndaı tur­mys­­tyq máselelerdi sheshýge jum­­sa­­dyq. Endi mine, qaıtadan ózi­miz­ge yń­ǵaıly kásipti qolǵa alyp jatyrmyz. 

Bal arasyn ósirý ońaı emes. Negizinen ózim aınalysamyn, sondaı-aq úlken ulym Asyl­bek kómektesedi. Uldan keıin­gi tórt qyzym úı sharýa­syna qol­­ǵabys jasaıdy. Qyzdardan keıin­­gi úsh ul áli kishkentaı. Bar­ly­ǵy úı sharýa­syna aralasyp, qol­darynan kelgeninshe kómek­tesedi», deıdi kóp balaly ana.

Emdik qasıeti mol balǵa, ási­re­se onyń taza tabıǵı túrine su­ranystyń artyp otyrǵanyn esker­gen Gúlshad ana­nyń erteńgi kúnnen kúteri kóp, jospar-jobalary da jeter­lik. Sapaly bal izdep, Syr­ly­saıǵa arna­ıy atbasyn bura­tyndardyń kó­be­ıe túsetininen de úmitti. 

Ǵalymjan ELShIBAI, 

«Egemen Qazaqstan»

Túrkistan oblysy

Sońǵy jańalyqtar

El ekologııaǵa alańdaıdy

Ekologııa • Búgin, 10:55

Jalǵan aqparat taratqandar jazalanady

Aımaqtar • Búgin, 10:42

Mańǵystaý oblysy karantınge jabylady

Aımaqtar • Búgin, 10:29

Muqtaj jandarǵa kómektesedi

Rýhanııat • Búgin, 08:10

Sabyr-shydamnyń synalar shaǵy...

Qoǵam • Búgin, 08:04

Senimimizdi nyǵaıtqan naqty qadam

Rýhanııat • Búgin, 08:02

Jastarǵa da qoldaý jasalady

Parlament • Búgin, 07:59

Toılarymyz alda!

Parlament • Búgin, 07:52

Betperde kıgen kóktem - 3

Tanym • Búgin, 07:35

Syr dıqandary soıa ósirýge den qoıdy

Ekonomıka • Búgin, 07:34

Bankter qolushyn sozýǵa daıyn ba?

Ekonomıka • Búgin, 07:24

Tártip pen tazalyq

Qoǵam • Búgin, 07:22

Qazaq qaıda barady?

Rýhanııat • Búgin, 07:12

Benzın baǵasy arzandady

Ekonomıka • Keshe

Abaıdyń ánin shyrqady

Abaı • Keshe

14 otbasyǵa qol ushyn sozdy

Qazaqstan • Keshe

Onlaın jyr ortalyǵy ashylmaq

Rýhanııat • Keshe

Uqsas jańalyqtar