Aımaqtar • 11 Naýryz, 2019

 ERG Qostanaı oblysyndaǵy áleýmettik mańyzdy jobalardy qarjylandyrý kólemin ulǵaıtady

788 retkórsetildi

Eurasian Resources Group (ERG) pen Qostanaı oblysynyń ákimdigi 2019 jyly áleýmettik mańyzdy jobalardy júzege asyrýdaǵy áriptestik týraly Memorandým jasasty. Qujatqa ERG Bas atqarýshy dırektorynyń birinshi orynbasary Aldııar Qaztaev pen Qostanaı oblysynyń ákimi Arhımed Muhambetov qol qoıdy. Bul kelisim ERG tarapynan qarjylandyrylatyn jobalar sany artyp, jalpy somasy 3,7 mlrd teńgege jýyqtady. 2018 jyly áleýmettik jobalarǵa 2,9 mlrd teńge ınvestısııa quıylǵan bolatyn.

Eýrazııalyq Top ERG kásiporyndary ornalasqan monoqalalarda keshendi áleýmettik zertteýler júrgizgen. Osy eldi meken turǵyndary arasynda kompanııa qyzmetkerleri  júrgizilgen saýalnama nátıjesi erekshe nazar aýdarýdy qajet etetin ózekti máselelerdi aıqyndap berdi. Osy áleýmettik zertteý negizinde respýblıka Úkimeti bekitken aımaqtardy damytýdyń úsh jyldyq baǵdarlamasy aıasynda júzege asyrylatyn mańyzdy áleýmettik jobalar ázirlenip, olardy júzege asyrý joldary usynylǵan. Olar respýblıkalyq jáne jergilikti bıýdjetpen qatar Eurasian Resources Group tarapynan da qarjylandyrylmaq. Qol qoıylǵan memorandým da osy áleýmettik zertteýler nátıjesi men úshjyldyq baǵdarlama negizinde ázirlengen.

Qalyptasqan dástúrge sáıkes qarajat Qostanaı oblysyndaǵy áleýmettik mańyzdy jobalarǵa, aımaqty áleýmettik-ekonomıkalyq damytýǵa, onyń ınfraqurylymyn salýǵa jumsalady, ásirese olardy Eurasian Resources Group-tiń «Týǵan jer – Rodnye goroda» baǵdarlamasy aıasynda damytýdy kózdeıdi. Byltyrǵydaı Memorandýmǵa ERG kásiporyndarynyń qyzmetkerleri usynǵan nysandar da engizilgen. Olardyń qatarynda Arqalyq qalasynda balalar oıyn alańdaryn ornatý, Lısakovsk qalalyq jaǵajaıyn abattandyrý syndy ERG ınnovatorlarynyń III forýmynda jeńiske jetken jobalar bar.

2019 jyly Top kásiporyndary ornalasqan Qashar kenti men Oktıabr sııaqty shaǵyn eldi mekenderge erekshe kóńil bólinbek. Aýylishilik joldar men mádenıet úıleri jóndelip, sport alańdary ornatylady.

«Memleket basshysy Nursultan Nazarbaev ótken jyldyń qazan aıyndaǵy Joldaýy men «Nur Otan» partııasynyń sezinde  qazaqstandyqtardyń ómir sapasyn arttyrý ker  ektigin basa aıtty. Prezıdent eldiń turýǵa jaılylyǵy – qoljetimdi baspana, qaýipsiz aýla, turýǵa qolaıly ári jaıly ınfraqurylym ekenin udaıy aıtyp keledi. ERG Qazaqstanda jumys istep kele jatqan 25 jyl ishinde óz mıssııasyn buljytpaı saqtap, tek kompanııa qyzmetkerleri ǵana emes, kásiporyn ornalasqan óńirlerdiń turǵyndaryna da qamqorlyq jasap keledi. Top qarjylandyrǵan árbir joba qazaqstandyqtardyń ómir sapasyn arttyrýǵa baǵyttalǵan» dedi ERG dırektorlary keńesiniń tóraǵasy Aleksandr Mashkevıch.

Qarajat Rýdnyı qalasynyń jylý jelilerin kúrdeli jóndeýge, sondaı-aq, qaladaǵy jolaýshylar tasymalyn jaqsartý úshin 7 avtobýs satyp alýǵa jumsalmaq.Lısakovsk qalalyq stadıony qaıta qalpyna keltirilip, Qashar kentiniń aýrýhanasyna 2 jedel járdem kóligi satyp alynady. Rýdnyıdyń qalalyq aýrýhanasyn da jabdyqtaý kózdelgen. Osy qaladaǵy balabaqshalar men mektepterdiń shatyryn jóndeý josparda bar.

ERG balalarǵa sapaly bilim berý – ınvestısııanyń eń ozyq tásili ekenin eskere otyryp, Rýdnyı ındýstrıaldy ınstıtýty men Rýdnyıdaǵy Taý-ken tehnologııa, Qurylys jáne kólik jáne Lısakovsk qalasyndaǵy tehnıkalyq kolledjderiniń  materıaldyq-tehnıkalyq bazasyn nyǵaıtý jobalaryn da qarjylandyrmaq.

 Názıra Járimbet,

«Egemen Qazaqstan»

Qostanaı

Sońǵy jańalyqtar

Elimizde indet juqtyrǵandar sany 500-ge jetti

Koronavırýs • Búgin, 09:19

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar