Qazaqstan • 11 Naýryz, 2019

Batyrlyǵy úshin – bilim granty

784 retkórsetildi

Erlik kórsetip, Taldyqorǵanda órt shyqqan úıden eki kishkentaı balany qutqarǵan 19 jasar stýdent Arman Baqytbaıulyna bilim granty beriledi. Bul týraly búgin Armandy qabyldaǵan Almaty oblysynyń ákimi Amandyq Batalov aıtty. Almaty oblysy ákimdiginiń baspasóz qyzmeti habarlady.


Eske salsaq, Taldyqorǵan qalasynyń turǵyny, I. Jansúgirov atyndaǵy Jetisý memlekettik ýnıversıtetiniń 1 kýrs stýdenti Arman Baqytbaıuly keshe, 6 naýryzda kósheden ótip bara jatyp kóp páterli úıdiń ekinshi qabatynan kómekke shaqyrǵan daýysty estıdi, terezeden tútin shyǵyp jatqanyn kóredi. Arman gaz qubyrymen órmelep, esigi jabyq páterdiń ishinen terezeden eki kishkentaı qyzdy alyp shyqqan. Kishkene balalardyń ata-anasy balalardy syrtynan jaýyp, jumysqa ketken eken. Oqıǵa ornyna órt sóndirýshiler der kezinde jetip, qajetti kómekti kórsetken.

Armannyń erlik áreketin estigen oblys ákimi A. Batalov stýdentti qabyldap, onyń ózinen oqý barysy, otbasylyq jaǵdaıy, ómirdegi qyzyǵýshylyǵy týraly surap bildi. Áńgime barysynda belgili bolǵandaı, jas batyr ýnıversıtette dene shynyqtyrý jáne sport mamandyǵy boıynsha aqyly bólimde oqıdy, qaryndasy ekeýin ákesi tárbıelep otyr, sportqa jany jaqyn, fýtboldy jaqsy kóredi, buryn erkin kúrespen de aınalysqan. Ýnıversıtet rektory Qýat Baımyrzaevtyń aıtýynsha, Arman jaqsy oqıtyn stýdentter qatarynda, sessııany jaqsy kórsetkishtermen aıaqtaǵan. Rektor Armannyń erjúrektigine rızashylyǵy retinde jáne otbasylyq jaǵdaıyn eskerip, oqý aqysyn óziniń jeke esebinen kóterýge daıyn ekenin jetkizdi. Oblys ákimi bul usynysty qoldady, degenmen kelesi jańa oqý jylynan bastap Armanǵa oblys ákiminiń granty beriletinin aıtty. Sol sııaqty mektepti aıaqtaǵan soń A. Baqytbaıulynyń qaryndasyna da qoldaý kórsetilmek.

- Erliktiń úlken-kishisi bolmaıdy. Bireýdiń qaıǵysyna beıjaı qaramaı, kómek qolyn sozǵanyń seniń úlken júrekti azamat ekenińdi kórsetti. О́ziń sportpen aınalysasyń, salamatty ómir saltyn ustanady ekensiń. Sen sııaqty jastardan qatarlastaryń úlgi alýy tıis. Árqashan osyndaı qarapaıym, baısaldy, meıirimdi qalpyńnan tanbaı, arman-maqsatyńa jete ber! Saǵan árdaıym jaqsylyq tileımin! – deı kele, oblys ákimi A. Batalov Armanǵa noýtbýk syıǵa tartty.

Osy saıttan materıaldardy kóshirgen, retranslıasııalaǵan nemese úzindi alǵan jaǵdaıda eshqandaı ózgerissiz tómendegideı jazbany paıdalana otyryp (tyrnaqshasyz) derekkózdi kórsetý mindetti shart bolyp tabylady:

Sońǵy jańalyqtar

Atyraýda qylmystyq top quryqtaldy

Aımaqtar • Búgin, 19:09

Qarttar úıindegi qasiret

Aımaqtar • Búgin, 18:33

Qazaq aqyny qyrǵyzsha jyrlandy

Rýhanııat • Búgin, 18:12

Qyzylorda: Kásipker kómek kórsetti

Aımaqtar • Búgin, 16:27

Betperde kıgen kóktem - 7

Qoǵam • Búgin, 16:07

Dárigerler demalys bazasynda tynyǵady

Aımaqtar • Búgin, 15:26

Samsung taǵy ne patenttedi?

Tehnologııa • Búgin, 15:23

Uqsas jańalyqtar