Qazaqstan • 11 Naýryz, 2019

Balamaly energetıka salasyndaǵy Qazaqstan-Fransýz iskerlik qarym-qatynasy nyǵaıa túspek

799 retkórsetildi

8 naýryzda Fransııanyń Kann qalasynda Qazaqstan kún energetıkasy qaýymdastyǵy men Fransııa iri elektr energetıkalyq «Urbosolar SAS» kompanııasy arasynda ózara yntymaqtastyq týraly Memorandýmǵa qol qoıyldy. Bul týraly Energetıka mınıstrliginiń baspasóz qyzmeti habarlady. 

Qazaqstan Respýblıkasynyń resmı memlekettik delegasııasy quramyndaǵy Qazaqstan Respýblıkasynyń «Qazaqstan kún energetıkasy qaýymdastyǵy» Fransııadaǵy QR-nyń Elshiligi, «Kazakh Invest» AQ, Fransııanyń ońtústigindegi QR-nyń Qurmetti konsýldyǵy jáne «MEDEF International» Fransýz kásipkerleriniń qaýymdastyǵy uıymdastyrǵan sıfrlandyrý jáne balamaly energetıka jónindegi qazaqstan-fransýz forýmynyń jumysyna qatysty.

Memlekettik vedomstvolardyń, ulttyq kompanııalardyń jáne iskerlik salalyq bıznes-qaýymdastyqtyń ókilderinen turatyn Qazaqstan delegasııasyn QR-nyń sıfrlyq damý, qorǵanys jáne aeroǵarysh ónerkásibiniń vıse-mınıstri Daryn Tuıaqov bastap bardy.

«Qazaqstan kún energetıkasynyń qaýymdastyǵy» fransýzdyq kásibı salalyq aýdıtorııasyn kún elektr stansııalaryn turǵyzý men paıdalanýǵa berýdiń tabysty tájirıbesiniń biri bolyp tabylatyn BURNOE SOLAR-men tanystyrdy. QR-nyń Prezıdenti Nursultan Nazarbaev osy elektr stansasynyń jumysyn 2018 jyldyń jeltoqsan aıynda bastap berdi, al EMEA Finance bedeldi álemdik qarjy basylymy Eýropalyq qaıta qurý jáne damý bankine óz marapatyn tapsyrdy jáne Qazaqstan Respýblıkasynda osy jobany iske asyrýda banktiń eleýli qarjylyq qoldaýyn baǵalaı otyryp, osy ınvestısııalyq jobany «Kún energetıkasy salasyndaǵy Shyǵys Eýropadaǵy eń úzdik mámile – 2018» dep moıyndady.

30-dan astam múddeli qazaqstandyq sarapshydan turatyn Qazaqstan tarapy óz eliniń ınvestısııalyq múmkindikterin («KAZAKH INVEST» AQ), sondaı-aq Sıfrlyq tehnologııalar men balamaly energetıka salasyn damytýdy memlekettik qoldaý jáne yntalandyrý júıesimen tanystyrdy (QR-nyń energetıka mınıstrligi, «AHQO» AQ, «Zerde» Ulttyq ınfokommýnıkasııalyq holdıngi» AQ).

Forýmnyń jumysy aıaqtalǵan soń, «Qazaqstan kún energetıkasy qaýymdastyǵy» men «jasyl» ekonomıka salasynda jumys isteıtin on úzdik eýropalyq elektr energetıkalyq kompanııalardyń biri «Urbosolar SAS» kompanııasy arasynda ózara yntymaqtastyq týraly Memorandýmǵa qol qoıyldy.

Qazaqstan qaýymdastyǵynyń basshysy Nurlan Qapenov myrza men fransýz kompanııasynyń vıse-prezıdenti Pol Kerınk myrza osy Forým men qol qoıylǵan kelisim ekijaqty jemisti ekonomıkalyq yntymaqtastyqtpen birge balamaly energetıka salasyndaǵy ozyq tehnologııalarmen almasýdyń kezekti kezeńi bolatynyna senim bildirdi.

Qazaqstannyń Fransııadaǵy Tótenshe jáne ókiletti elshisi Jan Ǵalıev myrza sıfrlandyrý men balamaly energetıka jónindegi ótken qazaqstan-fransýz forýmyn ekonomıkalyq áriptestikti tabysty jáne tıimdi damytýǵa qajetti oqıǵa retinde sıpattady.

Elshi myrza 2019 jyldyń ekinshi jartysyna Fransııa prezıdenti Emmanıýel Makronnyń josparlaǵan Qazaqstanǵa sapary qarsańynda ekonomıkanyń túrli salalaryndaǵy sarapshylardyń ekijaqty kezdesýleri saýda jáne ınvestısııalyq qatynastardyń qosymsha serpini retinde mańyzdy ekendigin atap ótti.

Sońǵy jańalyqtar

Onlaın oqyrmanymyz 100 myńnan asty

Qazaqstan • Búgin, 20:33

Járken Bódesh. Týǵan jer

Vıdeo • Búgin, 19:33

Atyraýda qylmystyq top quryqtaldy

Aımaqtar • Búgin, 19:09

Qarttar úıindegi qasiret

Aımaqtar • Búgin, 18:33

Qazaq aqyny qyrǵyzsha jyrlandy

Rýhanııat • Búgin, 18:12

Qyzylorda: Kásipker kómek kórsetti

Aımaqtar • Búgin, 16:27

Betperde kıgen kóktem - 7

Qoǵam • Búgin, 16:07

Dárigerler demalys bazasynda tynyǵady

Aımaqtar • Búgin, 15:26

Samsung taǵy ne patenttedi?

Tehnologııa • Búgin, 15:23

Uqsas jańalyqtar