Aımaqtar • 12 Naýryz, 2019

Shymkentte dárigerler naýqastyń júregine jamaý jasady

786 retkórsetildi

Shymkenttik dárigerler taǵy bir qaterli otany sátti jasady. Kúni keshe shahardaǵy  kardıologııalyq ortalyqta kardıohırýrgtar 38 jastaǵy naýqastyń júregindegi tesikti biteý úshin aǵzasyndaǵy qapshyqtan jamaý jasap berdi.

Týmasynan júrek aqaýyna shaldyqqan azamatqa aq halattylar kúrdeli otany úsh saǵat boıy jasaǵan. О́mir men ólim synǵa túsken úsh saǵat ishinde mamandar er kisiniń júreginde paıda bolǵan sańlaýdy bekitý úshin, júreginiń syrtyndaǵy qorǵanysh qabattan jamaý jasaǵan. Keıin pasıenttiń aǵzasyndaǵy qapshyqtan jasalǵan jamaýdy júregindegi tesikke bitegen.

«Bul retki kúrdeli otanyń ereksheligi adam denesine kóp tyrtyq qalmaıdy. Sebebi, qabyrǵa arasynan 4-5 shi qabyrǵa aralyqta kishkentaı ǵana kesimmen 3-4 sm endovıdeotorakoskopııalyq qurylymnyń kómegimen iske asady. Jańasha ádistiń basqa operasııalarǵa qaraǵanda artyqshylyǵy ota jasalǵan naýqastar 4-kúni úıine shyǵarylady. Bir sózben reabılıtasııa merzimi óte qysqa bolady. Taǵy bir aıta ketetin jaıt, kosmetıkalyq turǵydan ásirese jas áıelderge jáne baldarǵa yńǵaıly, operasııadan keıingi eshqandaı pyshaq izi kórinbeıdi»,  deıdi Shymkent qalalyq kardıologııalyq ortalyqtyń basshysy Ergaǵanbet Qýatbaev.

Kúrdeli operasııany jasaý úshin megapolıs dárigerleri shet elden nemese ózge qaladan bilikti maman shaqyrtpaı-aq óz biliktilikteri arqasynda sátti júzege asyrǵan. Alǵash ret jasalynǵan ota sátimen aıaqtalyp, jaqsy nátıjege qol jetkizgen.

Operasııanyń basym bóligi  zamanaýı endovıdeotorakoskopııalyq qurylyǵynyń kómegimen iske asqan.  Qazirgi tańda álemdik kardıohırýrgııalyq tendensııa osy ádiske kóshken.

Nurshat TО́KEN,

«Egemen Qazaqstan»

ShYMKENT

Sońǵy jańalyqtar

Kókshetaýda qara daýyl, qarly jańbyr

Aımaqtar • Búgin, 22:15

Tynyshtyqbek Ábdikákimuly. KARANTIN

Ádebıet • Búgin, 20:57

Almaty: Jolaýshylar aǵyny men kólik sany azaıdy

Ońtústik Qazaqstan • Búgin, 18:10

Betperde kıgen kóktem - 6

Qoǵam • Búgin, 17:09

D dárýmeni - ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Uqsas jańalyqtar