Aımaqtar • 12 Naýryz, 2019

Tarazda birqatar mektep basshylary keń kabınetterin bosatýda

615 retkórsetildi

Búginde Memleket basshysynyń shyǵyndardy ońtaılandyrý jónindegi tapsyrmasy Jambyl óńirinde júıeli júzege asýda. 

Qazirgi kezde respýblıkadan bastaý alǵan jobaǵa óńirdegi mektep dırektorlary da qoldaý kórsetip keledi. Olar kólemi úlken kabınetterin oqýshylarǵa ońtaılandyryp, bosatyp berýdi bastady. Máselen, keń kabınetterin shaǵyn bólmege aýystyrǵan óńirdegi 11 mektep dırektorynyń árqaısysynyń jumys kabınetteri 40 jáne 50 sharshy metr aýmaqty quraıtyny anyqtalǵan. Nátıjesinde birqatar bilim oshaǵynyń basshylary shaǵyn kabınetterge kóshti.

Máselen, Taraz qalasyndaǵy Tóle bı atyndaǵy №8 mektep-gımnazııa dırektorynyń  aýmaǵy 40 sharshy metr bolatyn keń kabıneti qazir aǵylshyn tili jáne orys tili kabınetine aınalǵan. Búginde 2079 oqýshy oqıtyn bul bilim oshaǵynda synyp tapshylyǵy kópten beri ózekti másele bolǵandyqtan, bilim oshaǵynyń basshylyǵy osyndaı oń qadamǵa baryp otyr.

«Qazirgi kezde qalamyzda alpystan astam mektep bar. Elbasynyń shyǵyndardy ońtaılandyrý týraly tapsyrmasyna oraı atqarylyp otyrǵan bul sharýalar áli de jalǵasyn tabady. Tek jańadan salynǵan mektepterdegi dırektorlardyń kabınetteri basynda josparda solaı bekitilgendikten ózgerissiz qalady» deıdi Taraz qalalyq Bilim bóliminiń basshysy Múbárak Jınaqbaeva.

Memlekettik qyzmet isteri jáne sybaılas jemqorlyqqa qarsy is-qımyl agenttiginiń Jambyl oblystyq departamenti óńirdegi birqatar mekemege monıtorıng júrgizgen.

«О́ńirde barlyǵy 446 mektep bar bolsa, búginge deıin departament 61 bilim mekemesine monıtorıng júrgizdi. Qazirgi tańda oblys aýmaǵyndaǵy aýdandarda jalǵasyp jatyr. Aldaǵy ýaqytta barlyq mektepti qamtıtyn bolamyz» dedi departamenttiń Sybaılas jemqorlyq profılaktıkasy basqarmasynyń basshysy Dáýren Omarov.  

Hamıt ESAMAN,

«Egemen Qazagstan»

Jambyl oblysy

Sońǵy jańalyqtar

Elordada jalpy jaǵdaı turaqty

Koronavırýs • Búgin, 14:50

Fýtbol maýsymy jalǵasa ma?

Sport • Búgin, 14:48

Qyzylorda oblysynda qylmys azaıdy

Aımaqtar • Búgin, 11:49

Qostanaı qalasy jartylaı jaryqsyz qaldy

Aımaqtar • Búgin, 11:06

Karantındegi Qaraǵandynyń «qyzyqtary»

Aımaqtar • Búgin, 11:05

Álemdegi ahýal qandaı?

Koronavırýs • Búgin, 10:57

Onlaın formatta otbasylyq baıqaý ótti

Aımaqtar • Búgin, 10:37

Qytaı: Ýhanda karantın aıaqtaldy

Álem • Búgin, 10:08

Daýyl «dertimizdi» anyqtap berdi

Aımaqtar • Búgin, 10:02

Qyzylorda: Taǵy 3 adam tirkeldi

Aımaqtar • Búgin, 09:57

MMA: UFC-di synǵa aldy

Sport • Búgin, 09:20

Elimizde vırýs juqtyrǵandar sany 700-den asty

Koronavırýs • Búgin, 08:48

Eń bastysy – úılesimdi jumys isteý

Saıasat • Búgin, 08:00

Uqsas jańalyqtar