Hokkeı • 13 Naýryz, 2019

Erteń «Barys» shırek fınaldyq saıysty bastaıdy

847 ret kórsetildi

Qurlyqtyq hokkeı lıgasynyń (QHL) Gagarın kýbogy jolyndaǵy jarysynyń shırek fınaldyq mejedegi alǵashqy básekede «Barys» erteń Astanada Ombynyń «Avangardyn» qabyldaıdy.

«Avangard» QHL-daǵy bedeli zor klýbtardyń biri. Olar kóptegen elishilik jáne birqatar halyqaralyq dodalarda júlde alyp, óz kórermenderiniń yqylysyna bólendi. Ár jyldary aıtýly komanda sapynda talaı juldyzdar óner kórsetti. Bıylǵy maýsymda 87 upaı jıǵan ombylyqtar turaqty birinshilikti jetinshi orynmen qorytyndylady. Shaıba aıyrmashylyǵy – 177-133. Pleı-off saıysynyń alǵashqy kezdesýinde «Avangard» Qazannyń «Aq Barsyn» tórt kezdesýde de utty. О́z muz aıdynyndaǵy matchtardy olar 6:0, 6:3 jáne syrttaǵy kezdesýlerdi 4:1, 3:2 esepterimen aıaqtady.

Al «Barys» jarys kestesinde besinshi orynǵa turaqtady. Jıǵan upaıy – 86. Shaıba aıyrmashylyǵy – 190-149. Gagarın kýbogy jarysynyń alǵashqy kezeńinde jerlesterimiz Tómengi Novgorodtyń «Torpedo» klýbynan 4:3 esebimen basym tústi. 

Ǵalym SÚLEIMEN,

«Egemen Qazaqstan»

Sońǵy jańalyqtar

Shyǵysqa qar tústi

Aımaqtar • Keshe

Uqsas jańalyqtar