Qazaqstan • 13 Naýryz, 2019

Qorshaý salyp alǵan, al ruqsat alynbaǵan...

782 retkórsetildi

Kenshiler astanasyndaǵy ortalyq saıabaqta aıaq astynan qorshaý paıda bolǵanyn baıqap qalǵan turǵyndar dabyl qaqty. Qorshaý paıda boldy degenshe, ondaǵy tal-terektiń túbine balta jetedi deı berińiz...

Turǵyndar qaqqan dabyl dittegen jerine jetti de. Saıabaqqa qala ákimi Nurlan Áýbákirovtiń ózi kelip, mán-jaıǵa túsinik berdi.

– Bul jerde sporttyq nysandar salynady,  – dedi ol. – Qazir munda kóp jyldardan beri paıdalanylmaı kele jatqan fýtbol alańy bar. Sondyqtan, bul jerge sporttyq nysan salýdy oılastyryp júrmiz. Bizge mundaı usynyspen Qazaqstannyń tennıs federasııasy shyqty. Investısııa quny 2,2 mıllıard teńge.

Qala ákiminiń ýáji belsendi turǵyndardyń kókeıine qonyńqyramady. «Bizde – Prıshahtınsk pen Ońtústik-Shyǵysta eki tennıs korty bar. Qaraǵandydan qaptap shyqqan tennısshilerdi kórgenimiz joq, al tennıspen aınalysam degenderge osy eki kort ta jetpeı me? Bir nárseni salmas buryn turǵyndarmen nege aqyldaspaısyzdar? Qoǵamdyq tyńdaý ne sebepten ótkizilmeıdi?», dep olar qala basshysyn suraqtyń astyna aldy.

Áýbákirovtiń de jaýaby ázir eken, naqty derektermen jaýap berdi.

– Prıshahtınskide bir saǵat tennıspen aınalysqanyńyz úshin 4000 teńge tóleısiz. Al Ońtústik-Shyǵystaǵy tennıs ortalyǵy aýzy-murnynan shyǵady. Iаǵnı, tennıspen shuǵyldanýǵa degen suranys zor, – dedi qala ákimi.

Sondaı-aq ol saıabaqtaǵy jer teliminiń jekemenshikke ótpeıtinin aıtty. Al saıabaqtaǵy atalǵan jer 4 jyl 11 aı merzimge jalǵa berilgen eken. Ákimniń sózine sensek, qorshaýǵa alynǵan jerdegi aǵashtar kesilmeıtin kórinedi.

«Mádenı jáne demalys saıabaǵy basqarmasy jaqyn arada zamanaýı tehnıka satyp alyp, kort salýǵa kedergi keltiretin 180-ge jýyq taldy tamyrymen qoparyp julyp alady da, basqa jerge ege salady», dedi qala ákim. Iаǵnı, arba synbaıdy, ógiz de ólmeıdi.

Qyzyqtyń kókesi mynada bolyp shyqty: saıabaqtaǵy jer telimi qorshaýǵa alynǵanymen, ol jerge qandaı da bir qurylys júrgizýge ruqsat áli alynbaǵan eken. Tek joba daıyn bolǵannan keıin ǵana qoǵamdyq tyńdaý uıymdastyrylmaqshy. «Apam da ań-tań, men de ań-tańmyn» degen osy bolar.

Bir jaǵynan alyp qarasańyz, Qaraǵandynyń turǵyndary men qonaqtary súıip keletin ortalyq saıabaqta sporttyq-saýyqtyrý nysanynyń bolǵany da jaqsy. Qolǵa raketka alyp, bir mezgil ashy ter shyǵarý – salamatty ómir saltyn ustanǵan adamǵa naǵyz demalys qoı. Tek, bálenbaı jyldan beri jaıqalyp ósip turǵan jasyl jelekti aıaısyń...

Qoǵamdyq tyńdaý Naýryz merekesin toılaǵannan keıin ótýi múmkin. Al ázirge saıabaqta qurylysqa daıyndyq jumystary áste saıabyrlaǵan emes. Kerisinshe, qańyltyr temirden soǵylǵan qorshaý keńeıip, qurylysqa qajetti materıaldar ústi-ústine jetkizilip jatyr. Soǵan qaraǵanda, joǵarydan nusqaý alǵan qala ákimdigi úshin qoǵamdyq tyńdaý degenińiz qur ánsheıin kózaldaý sııaqty ma dep qalasyń...

Qaırat ÁBILDA,

«Egemen Qazaqstan»

Qaraǵandy

Sońǵy jańalyqtar

MÁMS boıynsha jeńildik merzimi uzartyldy

Medısına • Búgin, 17:45

Aqyndardan jeriný

Ádebıet • Búgin, 17:37

Betperde kıgen kóktem - 3

Tanym • Búgin, 17:30

Qazaq operatory Týrınde bas júlde aldy

Qazaqstan • Búgin, 17:29

Atyraý: Úsh adamnan koronavırýs tabyldy

Koronavırýs • Búgin, 17:18

Kóktem - órttiń órshıtin shaǵy

Aımaqtar • Búgin, 16:32

Indeksasııa qalaı júrgiziledi?

Qarjy • Búgin, 16:23

Tastarǵa jan bitirgen sýretshi

О́ner • Búgin, 15:38

Ýálıhan QALIJANOV. Koronavırýs

Ádebıet • Búgin, 15:28

Meni kórseńder, qashyńdar!

Ádebıet • Búgin, 15:26

Alkogol ónimderi koronavırýstan qorǵaı ma?

Koronavırýs • Búgin, 15:24

Talap barshaǵa birdeı

Aımaqtar • Búgin, 15:17

Uqsas jańalyqtar