Álem • 14 Naýryz, 2019

Tramp Boeing 737 Max ushaǵyn paıdalanýǵa tyıym saldy

932 retkórsetildi

AQSh prezıdenti Donald Tramp Efıopııa men Indonezııadaǵy ushaq apatynan soń Boeing 737 Max 8 jáne Max 9 ushaqtarymen qatynaýǵa tyıym saldy. Bul týraly BBC News aqparattyq agenttigi jazdy.

Osydan keıin Boeing aksııalarynyń baǵasy 2%-ǵa tómendegen.

Avıakompanııa prezıdenttiń sheshimin qoldap, Fınlıandııa avıasııalyq ákimshiligine osy jelidegi barlyq ushaqtardyń ushýyn ýaqytsha toqtata turǵany jón ekenin aıtty.

«Kompanııa Boeing 737 Max qaýipsizdigine tolyqtaı senimdi. Biraq amerıkalyq Federaldyq avıasııalyq ákimshiliktiń (FAA) konsýltasııasynan keıin Federaldy organ búkil álemdegi uzyn sany 371 Boeing 737 Max ushaǵynyń  búkil flotynyń ushýyn ýaqytsha toqtata turýdy usyndy»,  dep habarlady Boıng.

AQSh-ta Boeing 737 Max áýe kemelerin United Airlines, American Airlines jáne Southwest Airlines kompanııasy paıdalanady.

Esterińizge sala keteıik, 10 naýryzda Efıopııa avıakompanııasy Addıs-Abebadan Naırobıge ushyp bara jatqan  Boeing 737 Max 8 ushaǵy Efıopııa astanasynan 60 shaqyrym jerde apatqa ushyraǵan. Ushaq apatynda 35 elden 157 adam qaza tapty.

Al 2017 jyly qazan aıynyń aıaǵynda Indonezııalyq Lion Air kompanııasynyń Boeing 737 Max 8 Djakarta áýejaıynan kóterilgennen keıin kóp uzamaı Java teńizine qulaǵan bolatyn. Bortta bolǵan 189 adam qaıtys bolǵan.

Efıopııadaǵy apattan keıin kóptegen el birden Boeing 737 Max 8 reısterin toqtatty. Atap aıtqanda, Eýropa avıasııalyq qaýipsizdik agenttigi (EASA) Eýropadan ushýǵa tyıym saldy. AQSh apattan soń Boeing 737 Max 8 ushaǵyn paıdalanýdy jalǵastyrǵan sońǵy elderdiń biri bolatyn.

Sondaı-aq Kanada úkimeti sársenbi kúni Boeing 737 Max 8 ushaqtaryn toqtatýǵa sheshim qabyldady. Kanadanyń úsh áýe kompanııasy, álem boıynsha 19 memlekettiń avıakompanııalary Boeing 737 Max ushaǵyn paıdalanady.

Donald Tramp pen Azamattyq avıasııa organynyń sheshiminen keıin American Airlines jalpy sany 24 Boeing 737 Max ushaǵynyń reısterin toqtatty.

Qazir AQSh pen Kanadadan basqa, Ulybrıtanııa, Eýropalyq Odaq, Qytaı, Avstralııa, Úndistan jáne basqa elderde Boeing 737 Max ushaǵyn paıdalanýǵa tyıym salynǵan.

AQSh-tyń ushqyshtary Boeing 737 Max ushaǵyn basqarý keıde qıyndyq týǵyzatynyn birneshe ret málimdegeni anyqtaldy.  Qarashada amerıkalyq eki ushqysh bılikke Boeing 737 Max avtopılotynyń problemalary týraly habarlaǵan.

Inspektorlar apat ornynan «qara jáshikti» tapqan. Qazir apat sebepterin anyqtaýǵa tyrysýda.

Indonezııadaǵy Lion Air apatynan keıin, Boeing áýe kemesiniń sensorlary kemeniń ushý buryshy týraly burys derekter jazsa, ushqyshtarǵa ne isteý kerektigi jóninde nusqaýlar taratqan. Amerıkalyq ushqyshtyń aıtýynsha, osydan soń kompanııa datchıkterdiń durys jumys isteýine asa mán bermegen.

Saltanat ShYNÁDIL

Sońǵy jańalyqtar

Elimizde indet juqtyrǵandar sany 500-ge jetti

Koronavırýs • Búgin, 09:19

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar