Úkimet • 14 Naýryz, 2019

Kórisý kúni resmı meıramǵa aınalsa - senator

902 retkórsetildi

Búgingi Senat otyrysynda depýtat Sársenbaı Eńsegenov Kórisý kúnin resmı meıramǵa aınaldyrýdy usyndy.  

S.Eńsegenov óz depýtattyq saýalynda Úkimet basshysynan halqymyzdyń salt-dástúrin qoldaý jáne ony dáripteý maqsatynda 14  naýryzdy Kórisý kúni merekesi dep belgileý jóninde usynys engizip jáne tıisti memlekettik organdarǵa tapsyrma berýin ótingen.

«Qazaq eliniń batys óńirinde san ǵasyrlardan sanamyzǵa sińisti bolyp, urpaqtan - urpaqqa jalǵasyp, búgin de keńinen atalyp, bolashaqta da úzilmeıtin ataýly kúnniń biri, ár jyldyń on tórtinshi naýryz kúni toılanatyn Kórisý merekesi. 

Zamanynda Kórisý elimizdiń barlyq aımaǵynda bolǵan, halqymyzǵa keńinen taralǵan. Biraq, ár túrli sebeptermen ótken ǵasyrdyń otyzynshy jyldarynan bastap bul dástúr keı jerlerde umytyla bastaǵan.

Qazirgi mezgilde ol Qazaqstannyń basqa da oblystaryna taralyp, arnaıy ic-sharalar uıymdastyrylyp júr. Buǵan, ásirese, batys óńirlerindegi iri shet eldik birlesken kásiporyndar, shet el azamattarymen birge eldegi barlyq etnos ókilderi belsene qatysýda. Kórisý - jekelegen aımaqtyń nemese tek qazaq halqynyń meıramy emes. Onyń aýmaǵy men aýqymy ósip, Eldiń qoǵamdyk ómirindegi roli artyp keledi. Shyn máninde ol azamattarymyzdyń dástúrli túrde atalyp ótetin merekesine aınaldy. Alys-jaqyn shet memleketterde júrgen azamattarymyz da osy ataýly kúndi merekelep, sheteldikterge tanystyrýda.

Adamdy baýyrmaldyqqa, kisilikke, kishilikke, izgilikke, jasampazdyqqa, jaksylyqqa tárbıeleıtin, tamyry tereńge ketken, halqymyzǵa bereri mol, rýhanı qýaty erekshe - dástúrli túrde atalyp júrgen Kórisý kúnin resmı túrde aınalymǵa engizý jóninde pikirler aıtylýda.

Qazaqstan Respýblıkasynyń «Qazaqstan Respýblıkasyndaǵy merekeler týraly» Zańyna sáıkes elimizde ulttyq, memlekettik, kásibı jáne ózge de merekeler atalyp ótiledi.

Osy zańnyń 4-babyna sáıkes kásibı jáne ózge de merekelik kúnder tizbesin Qazaqstan Respýblıkasynyń Úkimeti belgileıdi.

Qurmetti Asqar Uzaqbaıuly, halqymyzdyń salt-dástúrin qoldaý jáne ony dáripteý maqsatynda 14 naýryzdy Kórisý kúni merekesi dep belgileý jóninde usynys engizemin jáne tıisti memlekettik organdarǵa tapsyrma berýinizdi ótinemin» dedi S.Eńsegenov.  

Sońǵy jańalyqtar

Elimizde indet juqtyrǵandar sany 500-ge jetti

Koronavırýs • Búgin, 09:30

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar