Aımaqtar • 15 Naýryz, 2019

Muqtaj jandar áleýmettik qoldaýdan tys qalmaıdy

819 retkórsetildi

On tórtinshi naýryz elimizdiń batys óńir­lerinde jyldyń basy dep sanalyp bul kún ejelden kórisý, amal merekesi retinde atalyp ótip júr. Premer-Mınıstrdiń orynbasary Gúlshara Ábdiqalyqova bastaǵan úkimettiń aqparattyq-túsindirý toby músheleriniń Aqtóbe oblysyna sapary osyndaı halyqtyq merekemen tuspa-tus keldi. 

Úkimet basshysynyń oryn­basary sapar maqsatyn el-jurt­qa túsindirý aldynda «Jubanov­tar álemi» ortalyǵyna jınal­ǵan júz­degen turǵyndardy, kóp bala­ly analar men qoǵam­dyq uıym ókilderin kórisý kúni­men qut­tyq­taǵany jyly áser qaldyrdy. 

– Memleket basshysy «Nur Otan» partııasy kezekti XVIII sezinde elimizdegi muq­taj azamattarǵa, kóp balaly otbasylar men analarǵa áleý­mettik turǵydan qoldaý kór­setýdiń jańa reformasyn jarııa etti. Osyǵan baılanysty úkimettik jumys tobynyń qyz­meti respýblıkamyzdyń batys óńirlerinen bastalyp otyr. Mundaǵy basty maqsat turǵyn­darǵa tıesili eń tómengi tabys kózin kóbeıtý, bilim men den­saýlyq saqtaý salalarynyń qyz­metin jańa sapalyq deńgeıge kóterý jáne óńirlerdiń damýy­na tyń serpin berý. Bul úshin memleket qazynasynan 2,3 trıl­lıon teńge bólindi, – dedi Gúl­shara Naýshaqyzy. Premer-Mınıstr­diń orynbasarynyń aıtýynsha, el azamattaryna jańa áleýmettik qoldaý kórsetý baǵdarlamasynyń aýqymy óte keń. Sondyqtan da Elbasy qoıǵan talaptar memleket pen qoǵam­dyq uıymdar, elimizdiń túkpir-túkpirindegi aqsaqaldar alqasy jáne «Nur Otan» partııasynyń belsendileri ózara birlesip, is-qımyl tanytqanda ǵana tıisti nátıje bere alady. Sol úshin de búgin ózderińizben kezdesip, oı-pikir almasýǵa arnaıy kelip otyrmyz, – dedi vıse-premer. 

Budan keıingi kezekte aqpa­rattyq túsindirý jónindegi úki­met toby músheleri sóz alyp áleý­mettik qamqorlyq máse­le­lerine qatysty naqty atqary­la­tyn sharalar jóninde aıtyp berdi. Osy oraıda Eńbek jáne halyqty áleýmettik qorǵaý mı­nıstri Berdibek Saparbaev turǵyndardyń turmysy men ómiriniń sapasyn jaqsartý isi eń aldymen jalaqy mólsherin ósirýden bastaý alatynyn málim­dedi. Sonyń ishinde bıýdjet qyz­metkerleriniń jalaqysy 15-30 paıyzǵa deıin kóterilmek. Onyń aıasy kem degende bir mıllıon adamdy qamtıdy.

Mınıstr ataýly áleýmettik kómek taǵaıyndaý men tóleý tártibi týraly aıta kelip, búgingi kúni respýblıkada onyń mólsheri 70 paıyzǵa óskenin, buǵan 830 myń­nan astam turmysy tómen azamattar tartylǵanyn aıtty. Buǵan qosa jumys oryndaryn ashý men qosymsha mamandyqtarǵa oqytý másele­leri áleýmettik qoldaýdyń bir tetigi retinde qarastyrylady. B.Saparbaev bul rette bir ot­b­asynyń úlgisinde ataýly áleý­mettik kómek berýdiń mán-ja­ıy­na jeke toqtalyp, aldaǵy kez­de onyń kólemi 63 paıyzǵa kóbe­ıe­tinin alǵa tartty. Aýyl turǵyn­daryn qoldaý, jeńildikpen nesıe berý máseleleri týraly da sala basshysy naqty derekter keltirdi. 

 Bilim jáne ǵylym mınıstri Kúlásh Shámshıdınova óz sózin­de el óńirlerinen mektep ǵıma­rattaryn salýǵa suranys kóp ekenin málimdedi. Onyń aıtýynsha, táýelsizdik jyldarynda 1672 mektep salynǵan. Sońǵy úsh jylda Aqtóbede toǵyz bilim ordasy boı kótergen. Bilim sapasy eń aldymen muǵalimniń biliktiligine baılanysty. Sondyqtan da qazir elimizde pedagog mamandardy qaıta ázirlikten ótkizýdiń jańa jobasy belgilendi, – dedi Kúlásh Noǵataıqyzy. Aldaǵy jyldary hımııa, bıologııa, fızıka jáne ınformatıka pánderin joǵar­ǵy synyptarda aǵylshyn tilin­de oqytýǵa baılanys­ty tildi úırenýge bólinetin qarjy kólemi edáýir ulǵaıady. Sony­men birge Qazaqstan tarıhy men geografııasyn oqyp úıre­nýge arnal­ǵan qosymsha baǵdar­la­­malar belgilenbek. K.Shám­shı­­­dınova joǵary oqý oryn­dary­­nyń reıtıngi aldaǵy kezde túlek­ter­diń jumysqa ornalasý deńgeıi­men anyqtalatynyn atap kórsetti. 

Densaýlyq saqtaý mı­nıstri Eljan Birtanov medı­sı­na­­lyq qyzmettiń sapasy men qol­­j­etimdiligin kóterý jónin­de tyń is-sharalar jospary bel­gi­lengenine toqtaldy. 

Bıylǵy jyldyń birinshi shildesinde dárigerler men orta býyn medısına qyzmet­kerleri­niń jalaqysy ósedi. Aýyl­dyq feldsherlik-akýsherlik qo­syn­dar men jedel járdem brı­ga­dasy músheleri jalaqysy otyz paıyzǵa kóteriledi. Jalaqy ósi­mi elimizdegi otyz myń dáriger men 225 myń orta medısına qyzmet­ker­lerin qamtıdy, – dedi mınıstr.

Budan keıingi kezekte In­dýs­trııalyq jáne ınfraqurylym­dyq da­mý mınıstrligi, Qurylys já­ne turǵyn úı-kommýnaldyq sharýa­shylyq isteri komıtetiniń tór­aǵasy Marhabat Jáıimbetov respýb­lıka qalalarynyń shet­keri aımaqtarynyń ınfra­qury­lymyn damytý, baspana men aýyz sý máselelerin sheshý jóninde jańa jobalar belgilengenin jetkizdi.

– Bul oraıda elimizdegi 340 myń kóp balaly otbasy nazardan tys qalmaıdy. Elimizde sońǵy jyldary 12,5 mıllıon sharshy metr turǵyn úı salynǵan. Res­pýblıkadaǵy 18 mln 320 myń turǵynǵa shaqqanda bul TMD kólemindegi eń joǵarǵy kórset­kish, – dedi komıtet basshysy.

Sondaı-aq keshe Premer-Mınıstrdiń orynbasary G.Áb­di­qalyqova men Aqtóbe oblysynyń ákimi Ońdasyn Orazalınmen óńirdegi birqatar kóp balaly otbasylar men analardyń úıine bas suǵyp, olardyń turmysymen tan­ysty. Búgin Úkimet basshysy orynbasarynyń Aqtóbe oblysyna sapary odan ári jalǵasady.

Temir QUSAIYN,

«Egemen Qazaqstan»

AQTО́BE

Sońǵy jańalyqtar

Qyzylorda oblysynda qylmys azaıdy

Aımaqtar • Búgin, 11:49

Qostanaı qalasy jartylaı jaryqsyz qaldy

Aımaqtar • Búgin, 11:06

Karantındegi Qaraǵandynyń «qyzyqtary»

Aımaqtar • Búgin, 11:05

Álemdegi ahýal qandaı?

Koronavırýs • Búgin, 10:57

Onlaın formatta otbasylyq baıqaý ótti

Aımaqtar • Búgin, 10:37

Qytaı: Ýhanda karantın aıaqtaldy

Álem • Búgin, 10:08

Daýyl «dertimizdi» anyqtap berdi

Aımaqtar • Búgin, 10:02

Qyzylorda: Taǵy 3 adam tirkeldi

Aımaqtar • Búgin, 09:57

MMA: UFC-di synǵa aldy

Sport • Búgin, 09:20

Elimizde vırýs juqtyrǵandar sany 700-den asty

Koronavırýs • Búgin, 08:48

Eń bastysy – úılesimdi jumys isteý

Saıasat • Búgin, 08:00

Judyryqtaı jumylaıyq

Rýhanııat • Búgin, 07:45

Qurylys salasy turalamaýǵa tıis

Úkimet • Búgin, 07:44

Kásipkerler tilegi eskerildi

Bıznes • Búgin, 07:40

«Moskvanyń» máselesi kóp

Aımaqtar • Búgin, 07:36

Zaýaldy birlik jeńedi

Qoǵam • Búgin, 07:35

Uqsas jańalyqtar