Sport • 15 Naýryz, 2019

Baqyt Ahmetov: Balalar óz mindetin 100 paıyz atqaryp shyqty

849 retkórsetildi

Aýyr atletıkadan Qazaqstan jasóspirimder quramasy Las-Vegastaǵy álem chempıonatynda bes altyn medal jeńip aldy. Bul jetistik el sportshylary men jankúıerleriniń mereıin ósirgeni sózsiz. Jastar quramasynyń aǵa bapkeri Baqyt Ahmetov Olympic.kz saıtyna bergen suhbatynda shákirtterine dán rıza ekenin jetkizdi. 

«Balalardyń aıaq alysy óte jaqsy. Kóńilimnen shyqty. Jarysqa bes sportshy apardyq, beseýi de altynnan alqa taǵyp, alys Amerıkada elimizdiń baıraǵyn jelbiretti. Budan artyq ne kerek? Barlyǵy óz jumystaryn 100 paıyz atqaryp shyqty. Bul jerde kóp sózdiń qajeti joq, nátıjege kóz salý jetkilikti. Álemdik doda bastalarǵa deıin sportshylardyń úzdik úshtikke enerine senimdi edim. Alaıda, barlyǵy altyn alady dep kútpegenimiz ras. Qorytyndy nátıje bárimizdiń kóńilimizden shyqty. Endi jaqsylap tynyǵyp, qalany bir aralap qaıtýdy josparlap otyrmyz», - deıdi Baqyt Ahmetov. 

AQSh-taǵy álem chempıonatynda Aqmolda Saıramkez, Saıhan Taısýev, Sápı Esengeldi, Rahat Bekbolat jáne Olga Pastýhovalar chempıon atandy. 

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar