Sport • 15 Naýryz, 2019

Eldos Smetov jaraqatyna baılanysty Grand Slam dodasyna qatyspaıdy

740 retkórsetildi

Búgin Reseıdiń Ekaterınbýrg qalasynda dzıýdodan álemdik Grand Slam týrnıri bastalady. Jarys favorıti sanalǵan qazaqstandyq Eldos Smetov atalǵan synnan syrt qalǵan dep habarlaıdy Olympic.kz. 

Ekaterınbýrg qalasyndaǵy jattyǵý kezinde Eldostyń eski jaraqaty syr berdi.

«Aqpan aıynda Almatyda ótken oqý-jattyǵý jıyndarynda ıyǵymnan jaraqat alǵan bolatynmyn. Keshe jarys aldyndaǵy jattyǵý barysynda sol jaraqatym syr berip, áli tolyq qalpyna kelmegenin kórsetti. Sol sebepti, Ekaterınbýrgte ótetin jarysqa qatyspaıtyn boldym. Buıyrsa, osy aıdyń sońynda Antalııada ótetin Gran-Prı týrnırine qatysamyn», - deıdi Eldos Smetov.

2018 jyly Eldos Smetov dál osy týrnırdiń jeńimpazy atanǵan bolatyn.

Esterińizge sala ketsek, 15-17 naýryz kúnderi Ekaterınbýrg qalasynda dzıýdodan «Grand Slam» týrnıri ótedi. Oǵan álemniń 48 elinen 500-ge jýyq dzıýdoshy qatysady. Qazaqstan sapynan 19 dzıýdoshy baq synaıdy.

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar