Qazaqstan • 15 Naýryz, 2019

Almatyda medısınalyq kolledj dırektory qyzmetinen bosatyldy

856 retkórsetildi

Almaty ákimi Baýyrjan Baıbek jumys sapary kezinde joǵary medısınalyq kolledj ǵımaratyn aralap, oqý ornynyń qyzmeti týraly esepti tyńdady.

Qoǵamdyq densaýlyq saqtaý basqarmasynyń basshysy Qanat Tósekbaev óziniń sózinde memlekettik aýdıt qorytyndysy boıynsha kolledjde bıýdjettik qarjyny orynsyz jusaý faktileriniń jáne býhgalterlik esep pen salyqtyq kórsetkish arasynda sáıkessizdiktiń oryn alǵandyǵyn aıtty.

Tipti, kolledj dırektory 2019-2020 jyldarǵy oqý jylyna jergilikti bıýdjet esebinen qarjylandyrylatyn memlekettik tapsyrysty alý jónindegi konkýrsqa qatysý úshin ótinishti ýaqtyly bermegen, al bul oqý orny basshysynyń kezek kúttirmeıtin basty mindetteriniń biri bolyp tabylady. Demek, kolledj oqýshylardyń jalpy sanynyń 60 paıyzyn qamtıtyn memlekettik tapsyrysty oryndamaǵan, osynyń saldarynan qalanyń medısınalyq uıymdarynda orta býyn kadrlar jetispeýi jáne abıtýrıentterdiń, onyń ishinde az qamtylǵandar arasynda áleýmettik shıelenistiń týyndaýy múmkin.

«Densaýlyq saqtaý salasyna qomaqty qarjy bólinýde, alaıda turǵyndar tarapynan medısınalyq qyzmet sapasyna jyl saıyn shaǵymdar kóp túsýde. Bul - dárimen durys qamtamasyz etpeý, qyzmetkerlerdiń dórekilik tanytýy. Maǵan qazir ǵana baıandaǵandaı, keıbir medısına uıymdarynyń basshylaryna kirýdiń ózi qıyn eken, olar ózderin dál patshalardaı sezinetin kórinedi. Tipti, keıbireýler jeke isimen aınalysyp, jumys oryndaryna kelmeıdi eken, sonyń saldarynan eńbek ujymy zardap shegýde. Jemqorlyqqa qarsy kúreste biz halyqqa júginetin bolamyz. Birde - bir aryz, birde-bir shaǵym eskerýsiz qalmaıdy», - dedi Baýyrjan Baıbek.

Megapolıs basshysy qalanyń barlyq medısınalyq mekemeler basshylarynyń keńselerine vıdeokameralar ornatýdy, ondaǵy sýretterdiń tikeleı Qoǵamdyq densaýlyq saqtaý basqarmasyna jiberilýin tapsyrdy. Basqarma basshysynyń keńsesindegi vıdeokameradaǵy kórinister qala ákiminiń osy salaǵa jaýapty orynbasaryna birden beriledi.

Budan ózge, basqarma basshysyna táýelsiz Qadaǵalaýshylar keńesin qurý jónindegi jumysty odan ári jalǵastyrý, azamattardan ótinimder qabyldaıtyn jedel jeli ashý tapsyryldy. Jasalǵan KPI ındıkatorlaryn meduıymdar basshylarynyń eńbek shartyna engizip, barlyq emdeý-dıagnostıkalyq prosessterdiń ashyqtyǵyn qamtamasyz etetin sıfrlyq júıelerdi paıdalaný qajet.

«Almaty – adaldyq alańy» jobasy aıasynda Memlekettik qyzmet isteri jáne sybaılas jemqorlyqqa qarsy is-qımyl Agenttigimen birge syrqattarǵa qoldaý kórsetý úshin ashyq keńistik jobasy qolǵa alynady, munda medmekemelerdegi qabyldaý bóliminiń meńgerýshileri regıstratýralar men qabyldaý núkteleri janynda óz mindetterin atqarady.

«Tipti myna kolledjden-aq biz ózderiniń tikeleı mindetterin oryndamaıtyn basqarýshy quramnyń problemalaryn kórdik. Bizge iske jany ashıtyn, bilikti, ónegeli, adal basshylar qajet. Dál osyndaı basshylar ózderine qoldaý kórsetý jóninde qońyraýlar uıymdastyrmaıdy. О́ıtkeni, ol ózine senimdi, bilimdi ári bilikti, isine berik, jaýapkershiligi mol. Taǵy da qaıtalap aıtamyn, keleńsiz faktiler oryn alsa, onda birden qyzmetinen bosatqan jón. Barlyq ótinishter men shaǵymdar boıynsha quqyq qorǵaý organdarymen birge belsendi jumys jasaý kerek. Biz bárine unaýdan aýlaqpyz, tyń ári naqtyly sharalardy qoldanatyn bolamyz», - dep atap ótti qala ákimi.

Buryn berilgen tapsyrmalardyń qalaı júzege asyp jatqandyǵy týraly baıandaǵan Qoǵamdyq densýalyq saqtaý basqarmasynyń basshysy satyp alý transparentin jáne syrqattardy dárimen qamtamasyz etý úshin bıylǵy jyldyń sáýirinen bastap barlyq dárilerdi satyp alý elektrondy platformaǵa kóshetinin habarlady. Tekserý barysynda qymbat dárilerdi alǵan 304 naýqastyń qala turǵyndary emes ekendigi jáne qaıtys bolǵandyǵy anyqtaldy. Osyǵan oraı dári dármekti «Apteka roboty» arqyly berý qolǵa alynady.

Sonymen birge, satyp alynatyn barlyq medısınalyq tehnıkanyń quny ekonomıkalyq saraptamadan ótedi. Qazirgi kezde medısına uıymdary janynda jalǵan jumys istegen 46 Qadaǵalaýshy keńes taratyldy. Densaýlyq saqtaý júıesiniń sapaly basshylyq quramyn qalyptastyrý maqsatynda árbir medısına uıymynyń basshysy úshin KRI-diń 70 ındıkatory jasaldy. Bulardan ózge, bıylǵy jyly 28 medısına mekemesin qaıta qurý josparlanǵan, qazirgi kezde olardyń segizi qaıta jasaqtaldy.

Banner
Sońǵy jańalyqtar

Memleket basshysy Lı Chjanshýmen kezdesti

Prezıdent • Búgin, 14:47

Túrkistan – jastar qalasy!

Aımaqtar • Keshe

Importtan ne uttyq?

Ekonomıka • Keshe

Festıvaldiń alǵashqy kúninde eki qoıylym sahnalandy

Rýhanııat • 20 Qyrkúıek, 2019

«Eki juldyz» baıqaýy Almatyda bastaldy

Rýhanııat • 20 Qyrkúıek, 2019

Tarazda jedel baılanys ortalyǵy ashyldy

Aımaqtar • 20 Qyrkúıek, 2019

Lısakovtyń «Báıteregi»

Aımaqtar • 20 Qyrkúıek, 2019

Alty boksshymyz jartylaı fınalda aıqasady

Sport • 20 Qyrkúıek, 2019

Gobelen – tekti ónerdiń týyndysy

Rýhanııat • 20 Qyrkúıek, 2019

«Mádenı qabat» joıylǵan joq

Qoǵam • 20 Qyrkúıek, 2019

Shahmardan terbelgen talbesik

Rýhanııat • 20 Qyrkúıek, 2019

Uqsas jańalyqtar