16 Naýryz, 2019

G.Ábdiqalyqova men B.Saparbaev Jańaózen qalasynda birqatar nysandardy aralady

851 retkórsetildi

Úkimet ókilderi «Janarys tigin fabrıkasynyń ujymymen kezdesti, onda 340-nan astam adam jumys isteıdi, olardyń 95% - áıelder. Kásiporynda munaı jáne basqa da salalar úshin arnaıy kıimder tigilip shyǵady. Mekeme basshysynyń aıtýy boıynsha fabrıkadaǵy eńbekaqy 136 myń teńgeden joǵary. Sondaı-aq, "Áleýmettik qamqorlyq" respýblıkalyq baǵdarlamasy aıasynda premer-Mınıstrdiń orynbasary men Eńbek jáne halyqty áleýmettik qorǵaý mınıstri ár qaısysy 6 baladan tárbıelep otyrǵan 4 kóp balaly jáne az qamtylǵan otbasylardyń úıine bardy.

Kezdesý barysynda Gúlshara Ábdiqalyqova memleket tarapynan kórsetiletin jańa áleýmettik qoldaý sharalaryn, olardy iske asyrýdyń maqsattary men tetikterin egjeı-tegjeıli túsindirdi. Sonymen qatar kóp balaly analarǵa ataýly áleýmettik jáne turǵyn úı kómegin alý erejeleri týraly aıtyldy.

Búgingi tańda Mańǵystaýda eń tómengi kúnkóris deńgeıi -33 928 teńge. Eń tómengi kúnkóris deńgeıiniń 70% - 23 749 teńgeni quraıdy. Dál osyndaı somany AÁK alýǵa quqyǵy bar kóp balaly, az qamtylǵan otbasylar aı saıyn bir balaǵa alatyn bolady. Jalpy, Mańǵystaý oblysynda osyndaı kómekti 14 211 adam, Jańaózende 3 myń adam alatyn bolady.

Sonymen qatar, oblysta ataýly áleýmettik kómek alatyn az qamtylǵan kóp balaly otbasylarǵa 100 myń teńge kóleminde birjolǵy kómek kórsetý týraly sheshim qabyldandy.

Jumys kúniniń sońynda Gúlshara Ábdiqalyqova men Berdibek Saparbaev halyqty jumyspen qamtý ortalyǵynda boldy. Bul jerde Jańaózen qalasynda jyl sońyna deıin 5260 jańa jumys orny ashylatyny aıtyldy.

Gúlaıym ShYNTEMIRQYZY,

«Egemen Qazagstan»

Mańǵystaý oblysy

Sońǵy jańalyqtar

Kókshetaýda qara daýyl, qarly jańbyr

Aımaqtar • Búgin, 22:15

Tynyshtyqbek Ábdikákimuly. KARANTIN

Ádebıet • Búgin, 20:57

Almaty: Jolaýshylar aǵyny men kólik sany azaıdy

Ońtústik Qazaqstan • Búgin, 18:10

Betperde kıgen kóktem - 6

Qoǵam • Búgin, 17:09

D dárýmeni - ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Uqsas jańalyqtar