Aımaqtar • 18 Naýryz, 2019

Túrkistan: aýyl sharýashylyǵyna Polsha tehnologııasy engiziledi

831 retkórsetildi

Túrkistan qalasynda «Túrkistan: polshalyq bıznes úshin jańa múmkindikter» atty Qazaqstan-Polsha halyqaralyq bıznes-forýmy ótti. Bul týraly Túrkistan oblysy ákiminiń baspasóz qyzmeti habarlady.

Sheteldik delegattar quramynda ekonomıka, aýyl sharýashylyǵy, telekommýnıkasııa jáne mashına jasaý salalarynda qyzmet etetin 20-ǵa jýyq kásipkerler men kompanııa ókilderi boldy. Delegasııany Polshanyń Qazaqstandaǵy Tótenshe jáne О́kiletti Elshisi Selım Hazbıevıch bastap keldi. Qonaqtar Túrkistan oblysynyń kásip ıelerimen kezdesti.

«Túrkistan» ÁKK» AQ-nyń fılıaly «Turkistan Invest» kompanııasy uıymdastyrǵan forým aıasynda qos tarap birigip júzege asyratyn jobalar, eksport pen ımportqa qatysty máseleler jaıynda sóz qozǵady. «Investısııa jáne saýda boıynsha polshalyq agenttik» AQ sheteldik saýda ofısiniń basshysy Iýlııa Gorodeskaıa bul bıznes-forým eki eldiń naryqtaǵy jaǵdaıyn jaqsartýǵa áser etetinin aıtty.

«Forým Polsha men Túrkistan oblysy arasyndaǵy saýda-ekonomıkalyq damýdyń jańa joldaryn aıqyndaýǵa úlken úlesin qosady. Ortalyq Azııaǵa jol ashatyn Qazaqstan Eýropa men Azııa úshin mańyzdy rólge ıe. Eýropalyq Odaq naryǵyna jeteleıtin Polsha da sizder úshin týra sondaı mańyzdy el bolyp tabylady. Qazaqstan men Polsha – ınvestısııalyq baılanys boıynsha da jaqsy áriptes elder» dedi Iýlııa Gorodeskaıa.

Kezdesý barysynda Túrkistan oblysy aýmaǵynda aýyl sharýashylyǵy salasyndaǵy polshalyq tehnologııalardy endirý týraly usynys aıtyldy. Onyń ishinde, sheteldik kásipkerler sý, sút jáne suıyq maıdy quıý boıynsha bıznesterdiń daıyn nusqalaryn tanystyrdy. Polshalyq bıznes ókilderi qajetti qural-jabdyqtarmen qamtamasyz etýmen qatar, jumysshylardy oqytyp, úıretetindikterin de jetkizdi.

«Biz agrarlyq ólkemiz, sondyqtan bizge búgingi tańda agroónerkásiptik keshen boıynsha kóshbasshy bolyp tabylatyn polshalyq tehnologııalar qajet. О́ńirimizde qaıta óńdeýge bolatyn aýyl sharýashylyǵy ónimderiniń kólemi úlken. Olardy tek Qytaı men Reseıge ǵana emes, sondaı-aq, Polshaǵa da tasymaldaı alamyz» dedi Narıman Ilıasov.

Is-shara barysynda eki taraptyń kásip ıelerine arnalǵan V2V formatyndaǵy kezdesýler uıymdastyryldy. Nátıjesi retinde yntymaqtastyqty ary qaraı damytyp, ony nyǵaıtýǵa baǵyttalǵan birqatar qujattarǵa qol qoıyldy. Forýmǵa qatysýshylar bul basqosýdyń qos elge de tıimdi bolatyndyǵyna senim bildirdi.

Aıta keterlik jaıt, Qazaqstan men Polsha arasyndaǵy taýar aınalymy 1 mlrd. AQSh dollarynan astam somany quraıdy. Qazaqstanǵa Polsha farmasevtıkalyq, kosmetıkalyq ónimder men qantty tasymaldaıdy. Al Qazaqstan mıneraldyq ónimderdi, kómir men bıdaıdy eksporttaıdy. Búgingi tańda elimizde 200-den astam polshalyq kompanııalar qyzmet etedi

Sońǵy jańalyqtar

Uǵyna bilgenge – ult taǵdyry

Saıasat • Búgin, 06:57

Kóńilge medet bolǵan maqala

Rýhanııat • Búgin, 06:56

54 adam jazylyp shyqty

Koronavırýs • Búgin, 06:39

Qıyndyqpen birge jeńildik bar

Qoǵam • Búgin, 06:32

«Birlik joq jerde – tirlik joq»

Qoǵam • Búgin, 06:26

El bolyp eńseremiz

Saıasat • Búgin, 06:20

Jańa aýrýhana 12 kúnde salynady

Elorda • Búgin, 06:17

Daýyl «dertimizdi» anyqtap berdi

Aımaqtar • Búgin, 06:14

Býmerang

Rýhanııat • Búgin, 05:54

Qorǵaýshylarǵa da qoldaý qajet

Aımaqtar • Búgin, 05:46

Toıdyń sońy topyrlaǵan syrqat

Aımaqtar • Búgin, 05:43

Kıeli kitaptar: tyıymdar ne úshin jasalady?

Rýhanııat • Búgin, 05:34

Aqırekte – Arystan bab...

Tanym • Búgin, 05:33

Toqyma ónerkásibine tyń serpin kerek

Ekonomıka • Búgin, 05:22

Medısına ǵylymyn damytýǵa ne kedergi?

Medısına • Búgin, 05:15

Teatrdyń onlaın tartýy

Rýhanııat • Keshe

Úı janýarynan vırýs juǵa ma?

Koronavırýs • Keshe

Uqsas jańalyqtar