Aımaqtar • 18 Naýryz, 2019

Eksportqa kedergi keltiretin jaǵdaılar talqylandy

726 retkórsetildi

Kásipkerler palatasynda  Keden odaǵynyń joba túrindegi jáne kúshine engen tehnıkalyq reglamentterin qaraý jónindegi Aqtóbe óńirlik shtabynyń kezekti jıyny ótti.

Otyrysqa óńirlik shtab músheleri, kásipkerler, Batys Qazaqstan óńiraralyq geologııa jáne jer qoınaýyn paıdalaný departamenti, Indýstrıaldy damý jáne ónerkásiptik qaýipsizdik komıteti, Aqtóbe oblysy «Memsaraptama»RMB Aqtóbe fılaly,  «QazMetrIn» RMK AF, «Aqtóbemunaıgaz» AQ, «Qazaqoıl» JShS ókilderi jáne t.b qatysty.

Shtabtyń búgingi basqosýynda eksportqa shyǵarylatyn taýarlarǵa belgilengen standarttardyń oryndalýy men 2018 jyldyń 5 qazanynda memleket basshysy qol qoıǵan standarttaýdyń ulttyq júıesin jetildirýge baǵyttalǵan «Standarttaý týraly» Qazaqstan Respýblıkasynyń Zańyna ózgerister men tolyqtyrýlar engizýge baılanysty pikirler tyńdaldy. Aqtóbe oblysy standarttaý jáne metrologııa departamentiniń basshysy Kúlshat Omarbekovnanyń aıtýynsha, eksporttalatyn taýarlardyń keden beketinen ótý barysynda kóptegen kemshilikter oryn alady. Sáıkesinshe, taýarlar shekaradan ótkizilmeı, kásipkerler shyǵynǵa batatyn jaǵdaılar jıi kezdesip turady. Oǵan sáıkestik týraly qujattardy beretin jeke kompanııalardyń quzirettilginiń tómendigi jáne olar bergen keıbir anyqtamalardyń jaramsyzdyǵy sebep bolýda.

«Kóp jaǵdaıda kásipkerdiń ónimderi sapaly bolǵanymen, qujattarynyń halyqaralyq standarttaǵa saı jasalmaýy taýardy eksporttaýǵa kedergi ketirilýde. Bul másele jalpy ekonmıkamyzdyń básekelestikke qabilettiligine nuqsan keltirýi múmkin. Sondyqtan, ónimdi sapaly óndirýmen qatar, ony sapaly rásimdeý de qajet. Bul úshin kásipkerlerdiń zańnamalardaǵy jańa  talaptardan únemi qulaǵdar bolyp, qyzyǵýshylyq tanytýyn suraımyn», deıdi Kúlshat Omarbekova.

Mamandardyń aıtýynsha, eksporttalatyn taýardy sapaly etip, shyǵarý azdyq etedi, ony shyǵarylatyn eldiń zańdaryna sáıkes durys rásimdeý qajet. Ol úshin kásipkerlerdiń tehnıkalyq baqylaý normalaryn qatań saqtaýy-mindetti.Kásipkerler ony naryqqa shyǵýǵa qolbaılaý emes, kerisinshe, múmkindik dep qabyldaǵany jón. Tehnıkalyq talaptar sapasyz taýarlarǵa tosqaýyl bolyp, básekege qabiletti taýarlardyń shyǵarylýyna múmkindik beredi.

«Tehnıkalyq baqylaý talaptary halyq qaýipsizdigin saqtaýǵa baǵyttalǵany belgili. Bizdiń zańdarymyz zań talaptaryn oryndaıtyndar úshin yńǵaıly, al ony buzǵysy keletinder úshin meılinshe qataldyq kórsetedi. Bizdiń kásipkerler sapaly taýarlar shyǵarýǵa yntaly, olardyń kóbi básekelestikke qabiletti ónimder óndirip otyr. Sonymen birge, dúken sóreleri men bazarlardaǵy keıbir ımport taýarlardyń sapasy syn kótermeıdi. Sút, shujyq ónimderiniń baǵasynyń tym arzandyǵynan-aq onyń sapasyzdyǵyn baıqaýǵa bolady. Tabıǵı sút pen et arzan turmaıdy. Endeshe, standartqa saı emes osyndaı taýarlardyń satylymda turýyn qalaı túsindirýge bolady? Buǵan jaýapty keden salasynyń mamandaryn búgingi kezdesýden kóre almaı turmyn», dedi Aqtóbe oblysy «Atameken» kásipkerler palatasynyń dırektory Anar Darjanova.

Osy oraıda shtab músheleri kelesi otyrysqa quzyrly organdardyń túgel qatysýyn qamtamasyz etý úshin shtabtyń respýblıkalyq ortalyǵy arqyly memlekettiń basqarý organdaryna tıisti nusqaý berý týraly sheshim qabyldady.

Sonymen qatar, jınalǵandarǵa 2019 jyldyń 11 sáýirinen bastap, qoldanylýy tıis «О́lshem birligin qamtamasyz etý» týraly QR Zańyna engiziletin ózgerister týraly talqylady. Bul ózgerister atalǵan zańnyń termınalogııalardy ózektilendirý jáne EAEO kelisim-shartyna sáıkestendirý, ólsheýdi qamtamasyz etý júıesiniń qurylymyn ózgertý, qujattardy qoldaný týraly erejelerdi ózgertý, memlekettik retteýge jatatyn ólshem tizimderi arqyly memlekettik retteý úlgisin ózgertý, akkredıtteý sýbektileriniń jáne memlekettik etalondar kalıbrleýine  kóshý bólimderine qatysty bolmaq.

Sondaı-aq, qatysýshylarǵa  «QazMetrIn» RMK portalynda ótinimderdi onlaın tártibinde tirkeýge bolatyn metrologııalyq qyzmet túrleri tanystyryldy.

Temir QUSAIYN,

«Egemen Qazaqstan»

 Aqtóbe

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar