Aımaqtar • 16 Mamyr, 2019

Qaraǵandyda trıatlon-saıabaq salynady

755 retkórsetildi

Kenshiler astanasynda «Kógildir toǵandar» jáne Ońtústik-Shyǵys shaǵyn aýdandarynyń arasynda trıatlon-saıabaq boı kóteredi. Ashyq aspan astyndaǵy biregeı sport nysanyn «Rýhanı jańǵyrý» baǵdarlamasy aıasynda jeke qurylys kompanııasy salady.

– Jumys kezeń-kezeńmen júrip jatyr. Qurylys alańyn daıyndap, aýmaqty tazaladyq. Jaqyn arada qajetti ruqsat qaǵazdary qolǵa tıedi. Aldaǵy ýaqytta jaǵalaý jolaǵyn tazartyp, jaryqtandyrý jumystaryna kirisemiz.  Shahter kúninde qaraǵandylyqtarǵa merekelik tartý jasaý úshin tamyz aıynda qurylysty aıaqtaýdy josparlap otyrmyz, –  deıdi «Eurasia Building» tobynyń tóraǵasy Aıdos Muhataev.

Trıatlon-saıabaqta tartan men asfalt betony tóselgen uzyndyǵy 5 shaqyrym júgirý jáne velosıped joldary salynady. Alys jáne qysqa qashyqtyqtarǵa júzý úshin qalqymaly kópir jabdyqtalady. 100 velosıpedke arnalǵan sport alańqaıy men tranzıttik aýmaq, avtoturaq, tennıs korty, egde adamdarǵa jáne kishkentaı balalary bar ata-analarǵa arnalǵan demalys aımaǵy qarastyrylǵan. Jańa sport nysanynda halyqaralyq jarystardy da ótkizýge bolady.

Qurylys jumystaryn júrgizip jatqan kompanııa basshysynyń aıtýynsha, jyl sońyna trıatlon-saıabaqtaǵy jasyl jelek sany 10 esege deıin artady eken. Qazir munda 300 túp aǵash egilgen.

Biregeı sport nysany ashylǵan soń turǵyndardyń kelip-qaıtýyna yńǵaıly bolý úshin qala bıligi qoǵamdyq kólik marshrýtyn iske qosýdy  josparlap otyr.

 

Qaraǵandy oblysy


Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar