Saıasat • 11 Maýsym, 2019

Túrki áleminiń zııaly qaýymy saılaýǵa qatysty oıymen bólisti

490 ret kórsetildi

Túrki álemindegi belgili taldaý ortalyqtarynyń bedeldi sarapshylary, zertteýshiler, qoǵam qaıratkerler men saıasatkerler elimizdegi kezekten tys Prezıdent saılaýy týraly, jańa saılanǵan Memleket basshysy týraly óz oılarymen bólisti.

Qaıratbek JAMANQULOV, Qyrǵyz Respýblıkasy Ulttyq ǵylym akademııasy áleýmettik zertteýler ortalyǵynyń ǵylymı hatshysy:

– Bıyl Qazaqstan saıasatynda úlken ózgerister bolǵanyna barlyǵymyz kýámiz. Álbette, bul – Qazaqstannyń memleket retinde kemeldenip, ósip jatqanynyń belgisi. Degenmen, osy jolda toqtap qalmaı odan da úlken mejelerge umtylýy kerek dep oılaımyn. Halyqtyń jaǵdaıy men el ekonomıkasyn damytý jolynda jaqsy baǵdarlamalar men bastamalar qolǵa alynǵany Qazaqstan Respýblıkasynyń Tuńǵysh Prezıdentiniń tapsyrmasy edi. Ol bir eldiń tarıhyn tolyqtaı ózgertti. Bul eńbegi esh umytylmaıtynyna senimdimin.

Nursultan Nazarbaev Konstıtýsııalyq Keńeske ótinish bildirgende alda ózgerister oryn alýy múmkin dep boljaǵanymyzdy jasyrmaımyn. О́ıtkeni, Nursultan Nazarbaev – aldaǵyny boljaı alatyn, halqynyń qamyn oılaıtyn kóregen basshy, sarabdal saıasatker. Al Nur Otan pratııasynyń Tóraǵasy retinde Qasym-Jomart Toqaevty usynýy onyń bul laýazymǵa saı keletin senimdi adam ekenin aıǵaqtaıdy.

Qasym-Jomart Toqaevty bilgir dıplomat retinde tanımyn. Ol árdaıym kópvektorly saıasat júrgizýge tyrysatyn. Budan keıin de Elbasynyń saıasaty jalǵasyn tabatynyna senimdimin. Nur Otan partııasynyń sezinde Qasym-Jomart Toqaevtyń kandıdatýrasynyń usynylýynyń ózi eldegi demokratııaǵa jaqsy dálel bolǵany anyq. Sondyqtan, Qazaqstan Qasym-Jomart Toqaevtyń basshylyǵymen aldaǵy ýaqyttarda da úlken jetistikterge jetedi dep oılaımyn.


Farıd ShAFIEV, Halyqaralyq qatynastar taldaý ortalyǵynyń basqarma tóraǵasy:

– Qazaqstan men Ázerbaıjan – baýyrlas memleketter. Mádenıetimizdi aıtpaǵanda, dástúrimiz de, tarıhymyz da, strategııamyz da uqsas. Qazaqstan Respýblıkasynyń táýelsizdigi Ázerbaıjan úshin qashanda mańyzdy bolmaq. Iаǵnı, bizdiń yntymaqtastyǵymyz úshin ishki saıasat máseleleri de úlken ról atqarady.

Osy oraıda, Qazaqstan bıliginiń beıbit jolmen aýysýy jaqsy úlgi ekenin aıta alamyn. Bıliktiń aýysýy – zańdylyq, al onyń osy jolmen aýysýy qaı elge bolsa da úzdik úlgi.

Aldaǵy ózgerister eldegi turaqtylyqty bekemdeı túsedi ǵoı dep oılaımyn. Qazaqstannyń geosaıası jaǵdaıyn eskere kelgende bıliktiń beıbit jaǵdaıda aýysýy qýantady. Bir jaǵynan Reseımen, bir jaǵynan Qytaımen shektesetin memlekette bıliktiń turaqty bolýy úlken strategııany qajet etedi.

Al Prezıdenttiń aýysýy Qazaqstannyń halyqaralyq arenadaǵy qarym-qatynasyna, jalpy halyqaralyq yntymaqtastyqqa bir ózgeris alyp keledi dep oılamaımyn. Meniń paıymymsha, munyń barlyǵy Tuńǵysh Prezıdent – Elbasy Nursultan Nazarbaevtyń salyp bergen dańǵyl jolymen jalǵasady. Qazaqstannyń ishki saıasaty da, syrtqy saıasaty da sol joldan aýytqymaıdy.

Nursultan Nazarbaevtyń prezıdenttikten ketýi Ázerbaıjan halqy úshin tosyn oqıǵa boldy. Degenmen, Elbasynyń óz erkimen memleket basshylyǵynan ketýi – onyń dana saıasatker ekeniniń kórinisi. О́tken prezıdenttik saılaý Qazaqstan Respýblıkasyna tek jaqsylyq alyp keledi dep senemin. Baýyrlas Qazaq eli men halqyna turaqtylyq pen órkendeý tileımin.

Mehmet Seıfettın EROL, ANKASAM strategııalyq zertteýler ınstıtýtynyń dırektory:

– Qasym-Jomart Toqaev – Qazaqstannyń bolashaǵy úshin eń senimdi kandıdat boldy. Ol – Qazaqstan Respýblıkasynyń Tuńǵysh Prezıdenti salǵan joldy jalǵastyra alatyn tájirıbeli saıasatker. Jańa Prezıdenttiń halyqaralyq arenada, el ishinde tanymal bolýy úlken ról atqarady. El úshin úlken eńbek sińirgen, Tuńǵysh Prezıdentpen qatar jumys istegen adam retinde Qasym-Jomart Toqaevtyń prezıdenttiginen úlken úmit kútemin.

Negizi, halyqaralyq saıasatta, álbette, Nursultan Nazarbaevtan keıin el tizginine kim keletini, onyń qandaı baǵyt ustanatyny kim-kimdi de oılandyrǵany anyq. Qasym-Jomart Toqaevtyń kandıdatýrasy usynylǵanda bul másele birden kún tártibinen túsip qaldy ǵoı dep oılaımyn. Al partııa sezinde Toqaevtyń partııa atynan usynylǵany birinshi kezekte Nursultan Nazarbaevtyń sarabdal saıasatker ekenin, demokratııa jaqtaýshysy ekenin kórsetti. Osylaısha taǵy bir ret óz ustanymyna berik ekenine kóz jetkizdik. Nursultan Nazarbaevtyń saıasattaǵy mansaby myǵym kezde, halyqaralyq deńgeıde jan-jaqty tanylǵan shaǵynda prezıdenttikten ketýi kemel saıasatker ekeniniń taǵy bir dáleli boldy. Bul halqynyń oǵan degen úmiti men senimin taǵy da eseleı tústi dep oılaımyn. О́z basym Qazaqstan  odan ári qaraı da demokratııalyq joldan taımaı, turaqty saıasaty jalǵastyra ala ma degen saýalǵa naqty jaýap alǵandaı boldym.


Mýsa GÝLIEV, Ázerbaıjan Respýblıkasy Ulttyq Májilisiniń depýtaty, áleýmettanýshy:

– Kez kelgen elde bıliktiń aýysýy qalypty jaǵdaı bolyp kórinetini málim. Al Nursultan Nazarbaevtyń Qazaqstan Respýblıkasynyń qurylýynda, damýynda orasan zor eńbegi bar. Ol memlekettiń búgingi deńgeıge kóterilýi úshin aıanbaı eńbek etip, kóp jumys atqardy, ter tókti. Qazaq halqynyń oǵan degen mahabbaty men qurmetin Elbasy degen ataq berýinen-aq anyq kóremiz.

Nursultan Nazarbaev tek óz eli úshin emes, kúlli túrki jurty úshin de az jumys istegen joq. Ortaq tarıhymyzdyń qalyptasýyna, yntymaqtastyqqa, seriktestikke qosqan úlesi zor. Ázerbaıjan Respýblıkasynda da Nursultan Nazarbaev – úlken qurmetke ıe saıasatker. Ol – Túrki áleminiń aqsaqaly, túrki ıntegrasııasynyń arhıtektory.

Nur Otan partııasynyń sezindegi sheshim týraly aıtar bolsam, Tuńǵysh Prezıdent eli men halqy úshin oılanbaǵan sheshim qabyldamaǵany kúmánsiz. Sondyqtan Qasym-Jomart Toqaev Qazaqstan Respýblıkasynyń Prezıdenti atanýǵa tolyq saı keletin, tájirıbesi mol saıasatker dep sanaımyn. Bul sheshim – barsha Qazaqstan halqy úshin de jaqsy sheshim bolýymen erekshelenedi. Mundaı qadamǵa qurmetpen qaraýymyz kerek ekenin keshegi ótken saılaý tolyǵymen dáleldedi. Q.Toqaev úlken basymdyqpen jeńiske jetti.

Meniń oıymsha, qazirgi Qazaqstan saıasaty durys jolda. Qazaqstan – Eýrazııa qurlyǵynda da, túrki áleminde de ózin kórsete bilgen, dáleldeı alǵan memleket. Sondyqtan Qazaqstandyqtardy jańa beleske qadam basýymen quttyqtaımyn.  

Sońǵy jańalyqtar

Muraǵattar muń shaǵady

Ádebıet • Keshe

Búgin – Eńbek kúni

Qazaqstan • Keshe

Petropavlda jedel járdem kóligi aýdarylyp qaldy

Aımaqtar • 26 Qyrkúıek, 2020

Aqtaýda geologtar alleıasy ashyldy

Aımaqtar • 26 Qyrkúıek, 2020

Oralda Juban Moldaǵalıevke eskertkish ashyldy

Rýhanııat • 26 Qyrkúıek, 2020

Almatyda 500 oryndyq jańa aýrýhana salyndy

Aımaqtar • 26 Qyrkúıek, 2020

Elimizde birqatar poıyz qozǵalysy ózgertildi

Qazaqstan • 26 Qyrkúıek, 2020

Shekten shyqqan ahýal joq

Aımaqtar • 26 Qyrkúıek, 2020

Demalys kúnderi aýa raıy qandaı bolady

Aýa raıy • 26 Qyrkúıek, 2020

Epızootıkalyq jaǵdaı turaqtanýda

Aımaqtar • 26 Qyrkúıek, 2020

Batys Qazaqstanda qos aqynnyń toıy ótip jatyr

Aımaqtar • 26 Qyrkúıek, 2020

О́tken táýlikte 170 adam jazylyp shyqty

Qazaqstan • 26 Qyrkúıek, 2020

Qazaqstanda taǵy 69 adam indet juqtyrdy

Koronavırýs • 26 Qyrkúıek, 2020

Atyraýda egiz ul aman-esen tabyldy

Aımaqtar • 25 Qyrkúıek, 2020

Shymkentte karantındik shekteýler 12 qazanǵa deıin uzartylady

Ońtústik Qazaqstan • 25 Qyrkúıek, 2020

Atyraýda jol boıynda traktor aýdaryldy

Aımaqtar • 25 Qyrkúıek, 2020

Qostanaı oblysynda qus fabrıkasy ashylady

Aımaqtar • 25 Qyrkúıek, 2020

Uqsas jańalyqtar