Aımaqtar • 19 Maýsym, 2019

Jambyl oblysynda respýblıkalyq aqparattyq-nasıhattaý aptalyǵy ótti

177 retkórsetildi

Mádenıet jáne sport mınıstrliginiń Til saıasaty komıteti Jambyl oblysy ákimdigimen birlesip respýblıkalyq aptalyq aıasynda 2019 jylǵy 24-28 maýsym aralyǵynda Taraz qalasynda jáne Asa, Sarykemer kentterinde aqparattyq-nasıhattaý respýblıkalyq aptalyǵyn ótkizedi.

Respýblıkalyq aptalyqtyń maqsaty – Taraz qalasy jáne Jambyl, Baızaq aýdandarynyń memlekettik qyzmetshilerge, muǵalimderge, jastar men oqýshylarǵa, jalpy kópshilikke jáne respýblıkanyń ár óńirinen kelgen til mamandaryna  qazaq álipbıiniń mańyzy men  jańa emle-erejeleriniń mazmunyn túsindirý, ulttyq jazýdyń bolashaǵy týraly aqparat berý. Aqparattyq kezdesýler, dárister men semınarlar qoǵamnyń ár túrli áleýmettik toptaryn qamtıdy.

Aptalyq 24-maýsymda Taraz qalasynda Yqylas Dúkenuly atyndaǵy mádenıet úıindegi aýqymdy sharamen ashylady. Bul sharaǵa QR Parlamentiniń depýtattary, qoǵam qaıratkerleri, jazýshylar, ǵalymdar, ádiskerler jáne kópshilik qaýym qatysady. Munda memlekettik tildiń mártebesi, qazaq tiliniń latyn álipbıine kóshýi sııaqty irgeli máseleler aıtylady.

25-maýsymda Asa kentinde jáne 27-maýsymda Sarykemer kentinde aqparattyq-nasıhat toby memlekettik qyzmetshilerge, muǵalimderge jáne aýdan jurtshylyǵyna qoǵamdyq dárister júrgizedi. 26-maýsymda Taraz qalasynda bilim, densaýlyq saqtaý qyzmetkerlerine, oqýshylarǵa jáne etnos ókilderine «Qazaq tiliniń damýy – ulttyń damýy» taqyrybynda dárister uıymdastyrylady. Osyndaı dáris 27-maýsymda prokýratýra qyzmetkerlerine de júrgiziledi. Qoǵamdyq dáristerde memlekettik tildiń qoldanys aıasyn keńeıtý, jańa álipbıge kóshý jumystarynyń barysy jóninde jalpy kópshilikke tolyq maǵlumattar beriledi. 27-maýsymda M.Dýlatı atyndaǵy Taraz memlekettik jáne Taraz pedagogıkalyq ýnıversıtetterinde Nur-Sultan, Almaty qalalarynan kelgen ǵalymdar respýblıkadan shaqyrylǵan jáne jergilikti ádiskerler men muǵalimderge jańa álipbı, onyń emle erejeleri jóninde ádistemelik semınarlar júrgizedi. 28-maýsymda jańa álipbıge baılanysty respýblıkalyq jáne óńirlik sharalardy úılestirý boıynsha semınar-keńes uıymdastyrylady.

Respýblıkalyq aptalyqtyń jumysyn qorytyndylaý sharasy 28-maýsymda ótkiziledi. Munda úzdik kabınet, mańdaısha, sabaq, ádisker nomınasııalary boıynsha jáne aptalyqtyń ótýine atsalysqan qyzmetkerlerdi marapattaý rásimi bolady. 

Sońǵy jańalyqtar

Ystyq tamaq taratty

Qazaqstan • Búgin, 17:59

Jaqsy ákim jalǵyz júredi

Tanym • Búgin, 17:02

Betperde kıgen kóktem

Tanym • Búgin, 16:55

Qyzylorda: Kásipkerler jaýapqa tartyldy

Aımaqtar • Búgin, 16:31

Jambyldyq eriktiler jarap tur

Aımaqtar • Búgin, 16:30

Avtovolonterler azyq-túlik jetkizýde

Qazaqstan • Búgin, 16:19

Sóz qasıeti – em qasıeti

Qoǵam • Búgin, 16:11

Uqsas jańalyqtar