Aımaqtar • 07 Shilde, 2019

Jastardy jigerlendirgen – «Zeren-2019»

970 retkórsetildi

Aqmola oblysy Zerendi kentinde Aqparat jáne qoǵamdyq damý mınıstrliginiń uıymdastyrýymen «Zeren-2019» respýblıkalyq tanymdyq jastar lageri ótip jatyr. 7 shilde kúni Aqparat jáne qoǵamdyq damý mınıstri Dáýren Abaev, Aqmola oblysy ákiminiń orynbasary Aına Mysyrálimova jáne «Qazaqstannyń azamattyq alıansy» zańdy tulǵalar birlestiginiń prezıdenti Asylbek Qojahmetov lager qatysýshylarymen pikir almasty.

Mınıstr D.Abaev jastardyń memleket qam­qor­lyǵy men múmkindikterin tıimdi paıdalanyp, el erteńine jaýapkershilikpen qaraıtynyna senim bildirdi. «Bul jolda qazaq jastarynyń birligi men yntymaǵy sheshýshi ról atqarady. Birlikti tý etkende ǵana maqsatymyzǵa jetemiz. Bilim alý jolynda jalǵan urandardy qoldanbaı naqty qadamdar jasaý kerek. Jastarǵa berilgen mol múmkindikterdi keńinen paıdalanǵan jas qana jarqyn bolashaqtyń ıesi atanady», – dedi ol.

Vedomstvo basshysynyń aıtýynsha, osy alań elimizdiń ár óńirinen jáne jaqyn shetelden kelgen eń daryndy ári bastamashyl jastardyń basyn qosyp otyr. «Árqaısyńyz óz jobalaryńyzdy ta­nys­tyryp, onyń múmkindikteri men áleýetteri týraly aıtyp qana qoımaı, sonymen qatar tájirıbe jınap, úzdik bıznes-tálimgerlerden, sarapshylardan bilim alasyzdar. Lagerdegi qarqyndy bilim alý kúnderi óz joldaryńyzdy tabýǵa jáne ózderińizge degen senimderińizdi arttyrýǵa kó­mek­tesedi. «Zeren-2019» oılaryńyzdan shyǵyp, jańa jobalar men bastamalaryńyzdy júzege asyrýǵa múmkindik beretinine senimdimin», – degen Dáýren Abaev jas kásipkerlerge sáttilik tiledi.

Kezdesý barysynda Aqmola oblysy ákiminiń orynbasary Aına Mysyrálimova sóz alyp, qatysýshylarǵa jyly lebizin bildirdi. «Osy joba Jastar jyly aıasynda jalǵasyn taýyp, elimizdiń barlyq óńirindegi jastardyń basyn qosqan tarıhı oqıǵaǵa aınaldy. Jastar úshin Aqmola oblysy kóp jaǵdaı jasap jatyr. 2020 jyly oblysymyzda Qazaqstan men Reseı arasynda yntymaqtastyq forýmy ótedi. Kókshetaý qalasynda kóp salaly jasóspirimder men balalar saraıyn salýdy josparlap otyrmyz. Árqaısyńyz týǵan eldiń damýyna úlken úles qosyp, Qazaqstannyń abyroıly azamaty bolýlaryńyzdy tileımin. Alǵa qoıǵan barlyq maqsatqa jetińizder», dedi ákim orynbasary.

Elimizdiń ár aımaǵynan jınalǵan lager qatysýshylary azamattyq qoǵamdy damytý, kásipkerlik daǵdylary, jasyl ekonomıka, kreatıvti ekonomıka jáne jańa medıa salalary boıynsha mentorlardan sabaq alady. 12 mentor 36 komandanyń startap-jobalaryn ázirlep, bastaý alýyna kómektesedi. Qazir komandalar naryqty aldyn ala zerttep, naqty bıznes úlgilerin qurýda. Shymkentten kelgen qatysýshy Iýsýp Barzahanov jastar lageriniń kóptegen múmkindik syılaıtynyn aıtady. 26 jastaǵy Iýsýp eko-paketter daıyndaý boıynsha bıznes-jospar ázirlegen. «Joba polıetılen paketterin paıdalanýdy azaıtýǵa baǵyttalǵan. Árbir óńirde iri dúkender osyndaı ónimdi paıdalanýyn qamtamasyz etý úshin ekoónimdi engizgim keledi. Atyraý qalasynyń gıpermarketterimen kelistik. Ekosómkeler tabıǵı talshyqtardan jasalǵan. Árıne ádettegi paketten qymbat – 147 teńge, biraq ony birneshe ret qoldanýǵa bolady. Bizdiń sómkemiz orta eseppen 10-12 kıloǵa deıingi salmaqtaǵy zattardy kóteredi. Ekosómke polıetılen paketteri sııaqty zııan keltirmeıdi. Árbir pakette balalarǵa ekologııalyq bilim beretin pazldar bolady», deıdi Iý.Barzahanov.

Jastardyń bıznes-ıdeıalarynyń júzege asýyna baǵyt berip júrgen mentordyń biri – Almaty menedj­ment ýnıversıtetiniń aǵa oqytýshysy Dilmurat Sabırov. Onyń aıtýynsha, mentorlar men spıkerler naryqqa shyǵarý joldaryn kórsetip, qandaı quraldar qoldaný kerek ekenin aıtyp, kómektesip jatyr. «Erekshe jobalar jasyl ekonomıka salasynda. Mentor retinde bıznesti qurý barysynda neden bastaý kerek, qandaı naryqqa shyǵý kerek, qalaı usyný kerek ekenin túsindiremiz. Keıbir qyzyq jobalaryn iske asyra almaı jatqan jastarǵa tyǵyryqtan shyǵý joldaryn kórsetemiz. Al keı jobalarda qarajat máselesi týyndap otyr. Olarǵa memleket tarapynan qoldaý bolady dep oılaımyn», – deıdi D. Sabırov.

Aıta ketý kerek, «Zeren-2019» jazǵy lageriniń úsh aýy­symynda 18-29 jas aralyǵyndaǵy 600 qaty­­sýshy bilim alady. Reseı, Qytaı jáne Mońǵo­lııa­dan 50-den asa sarapshy kelgen. Úsh aýysym­nyń qorytyndysy boıynsha úzdik 30 joba qar­jy­lan­dyrylady. Jalpy, júlde qory – 15 mıllıon teńge. Jeńimpazdardyń esimi 30 shildede belgili bolady.

Sońǵy jańalyqtar

Elimizde indet juqtyrǵandar sany 500-ge jetti

Koronavırýs • Búgin, 09:19

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar