Saıasat • 10 Shilde, 2019

Analardyń aılyǵy artty

218 ret kórsetildi

Qyzylorda oblysyndaǵy «Jańaqorǵan» shıpajaıynda eńbek etetin kóp balaly jáne jalǵyzbasty analardyń eńbekaqysy osydan úsh aı buryn kóbeıip, áleýmettik jaǵdaılary birshama jaqsarǵan bolatyn. Endi osy ıgilikti is Túrkistan oblysynyń «Mankent» shıpajaıynda jalǵasyn tapty.

– Elbasy Nursultan Nazarbaev kóp balaly analarǵa áleýmettik kómektiń barlyq túrin qarastyrý jóninde tapsyrma bergen bolatyn. Muny eńbek ujymdary arqyly sheshýge elimizde múmkindik bar. Máselen, biz tómen jalaqy alatyn jumyskerlerdiń eńbek­aqylaryn kóterý, kóp balaly analarǵa járdemaqy tóleý, ómirge kelgen árbir sábıdiń ata-anasyna materıaldyq kómek kórsetý máselelerin udaıy kóterip kelemiz. Bul ózekti másele ujymdyq shartta kórinis tabýy tıis. «Mankent» shıpajaıynyń basshylyǵy da osyndaı qadamǵa baryp, ujymda eńbek etetin kóp balaly analardy bir qýantyp tastady. Osy sharapatty is respýblıkanyń basqa da eńbek ujymdarynda jalǵasady degen oıdamyz, – deıdi Qazaqstan Kásipodaqtary federasııasy tóraǵasynyń oryn­basary S.Dáýletalın.

– Bizdiń shıpajaıda Qazaq­stannyń túkpir-túkpirinen kelip demalatyn qarapaıym eńbek adamdary óte kóp. Mań­ǵys­taý, Atyraý, Batys Qazaq­stan, Aqtóbe oblystarynan keletin munaıshylar da jeter­lik. Qyzmetimizge bar­ly­ǵy da rıza. Eńbegińe alǵys alǵannan artyq baǵa joq qoı. Demalýshylardyń kóńi­li­nen shyǵyp, minsiz qyz­met etip júrgen ujymnyń ishinde 11 kóp balaly ana bar. Shıpajaıda barlyǵy 230 adam eńbek etedi. Eń tómengi eńbekaqy – 59 300 teńge. Endi ony 15 paıyzǵa kóterýge she­shim qabyldadyq. Sonymen birge kóp balaly analarǵa jy­ly­na eki aılyq esep kórset­kishi mólsherinde jár­demaqy tóleý men ujym mú­sheleriniń otbasynda dúnıege kelgen sábıge bir aılyq eńbek­aqy kóle­minde kómek kórsetýdi ujym­dyq shartqa engizdik, – deıdi «Mankent» shıpajaıy­nyń bas dırektory Hamraqul Qurbanov.

Sondaı-aq «Merki» shıpajaıy qyzmetkerleriniń jalaqy­sy 1 maýsymnan bastap 15 paıyzǵa kóterilgeni jóninde de jaǵymdy habar jetti.

 

Sońǵy jańalyqtar

Atyraýda jol boıynda traktor aýdaryldy

Aımaqtar • Búgin, 19:11

Or ózenin ortaıtyp otyrǵan kimder?

Vıdeo • Búgin, 18:39

Shyǵysta jazýshy músini tuǵyrǵa qondy

Rýhanııat • Búgin, 17:37

Bas basylym tilshisi qurmetke bólendi

Oqıǵa • Búgin, 14:45

Alıment tólemegen áke qolǵa tústi

Aımaqtar • Búgin, 13:21

Almatyda Kók bazar jabylady

Aımaqtar • Búgin, 11:02

Demalys kúnderi aýa raıy qandaı bolady

Aýa raıy • Búgin, 11:00

Uqsas jańalyqtar