Aımaqtar • 18 Shilde, 2019

Jambyldyq qurylysshylardyń jumysy qarqyndy

120 retkórsetildi

Búgin Jambyl oblysynyń ákimi Asqar Myrzahmetov Arys qalasyna arnaıy baryp, óńir shtabynyń jumysymen tanysty. Ákim Jambyl óńirine tıesili 3-sektordaǵy qalany qalpyna keltirý sharalarynyń barysyn kórip, 11 kósheniń turǵyndarymen kezdesti. Arys qalasyna sapary barysynda Asqar Myrzahmetov atalǵan bólinistegi jergilikti turǵyndardyń oı-pikirleri men usynystaryn tyńdady. Sonymen qatar, shtab músheleri men jumysshylarǵa jóndeý jumystaryn ýaqytyly ári sapaly oryndaýdy tapsyrdy.

Búgingi tańda Jambyl oblysyna tıesili 3-sektorda 50 jeke turǵyn úı aıaqtalyp otyr. Munyń bári de kúnniń ystyǵyna qaramaı jumys istep jatqan jambyldyq qurylysshylardyń eńbegi. Aıta keteıik, qazirgi kezde 3-sektor aýmaǵyndaǵy turǵyn úılerdi qalpyna keltirý jumystaryna jambyldyq 4 qurylys kompanııasynan 450-den asa qurylysshy men 21 tehnıka jumyldyrylǵan. Olar 242 jeke turǵyn úı boıynsha jóndeý jumystaryn júrgizýde.

Arys qalasyn qalpyna keltirýge baǵyttalǵan Jambyl oblysynyń shtabyna qarasty 3-sektorǵa 11 kóshe bekitilgen bolatyn. Onda 312 turǵyn úılermen birge 14 áleýmettik jáne kommersııalyq nysan bary anyqtalǵan. Zerdeleýden ótken jeke turǵyn úılerdiń báriniń aqaý aktileri toltyrylyp, smetalaý jumystary jasalǵan. Qıraǵan 3 úıdiń ekeýi qaıtadan boı kóterip, bireýi tolyq jańǵyrtylatyn bolady. Qalǵan 309 úıge ártúrli jóndeý jumystaryn júrgizý josparlanǵan. Munda qajetti qurylys materıaldary kezek kúttirmeı kún saıyn jetkizilýde. Al, tıisti shyǵyndar respýblıkalyq bıýdjet pen arnaıy qorǵa jınaqtalǵan qarjydan qarastyrylýda.

О́z kezeginde 3-sektor aýmaǵyndaǵy arystyq turǵyndar áýlıeatalyq qurylysshylardyń jumysyna oń baǵasyn berip, alǵys bildirdi. Jambyldyq qurylysshylar eńbeginiń eleýli ekenine toqtaldy. Sonymen qatar, arystyq turǵyndar mundaǵy jumystardyń sapaly oryndalyp jatqanyn, oqıǵa oryn alǵan syn sátte jambyldyqtardyń alǵash bolyp kómekke kelgenderin de aıtty. Máselen, Arys qalasyndaǵy jarylystan zardap shekken azamattarǵa qoldaý kórsetý boıynsha «Arys. Biz birgemiz!» respýblıkalyq aksııasy aıasynda Taraz qalasynan 4 qabyldaý pýnkti ashylǵan bolatyn. «Nur Otan» partııasynyń oblystyq jáne aýdandyq fılıaldarynda uıymdastyrylǵan arnaıy pýnktterde jınalǵan kómek materıaldary, azyq-túlik pen óte qajettiliktegi zattar Arys qalasyna jóneltilgen edi. Kúni búginge deıin barlyǵy 400 tonnadan astam gýmanıtarlyq kómek berilgen. Al, turǵyndarǵa medısınalyq kómek kórsetý úshin 2,2 mıllıon teńge qajetti dári-dármektermen qamtylǵan arnaıy jasaqtalǵan 4 reanımobılmen 8 feldsher Arys qalasyna jiberilgen. Endi búgingi tańda «Áýlıe Ata – Demeý» qaıyrymdylyq qoryna bıýdjettik mekemeler men kásiporyndardan aqsha aýdarylýda. Arys qalasyndaǵy tótenshe jaǵdaıǵa baılanysty Jambyl oblysy tarapynan kórsetiletin gýmanıtarlyq kómek áli de jalǵasýda. Búginde Arys qalasynan kelgen 323 bala Áýlıeata óńirindegi «Taý samaly», «Juryndysaı», «Juldyz» sııaqty jazǵy saýyqtyrý lagerlerinde demalýda.


Jambyl oblysy

Banner
Sońǵy jańalyqtar

IOS júıesine qazaq tili resmı túrde qosyldy

Tehnologııa • Búgin, 18:11

Altyn Adam sherýi Malaızııada jalǵasady

Rýhanııat • Búgin, 17:52

Almatylyq stýdentter tazalyq kúnin ótkizdi

Ekologııa • Búgin, 15:21

«Kanelo» Golovkınnen qorqa ma?

Boks • Búgin, 14:51

Qasym-Jomart Toqaev Nıý-Iorkke keldi

Prezıdent • Búgin, 11:09

Baı-О́lkede mádenı ortalyq ashyldy

Ádebıet • Búgin, 10:11

Hat qorjyn (23.09.2019)

Qoǵam • Búgin, 09:59

Adal isti aramdamasaq qaıter...

Qoǵam • Búgin, 09:53

Onlaın-tapsyrys kómirden taryqtyrmaıdy

Aımaqtar • Búgin, 09:51

Qostanaı qysta tońbaıdy

Aımaqtar • Búgin, 09:48

«Mal da joq, qaıyr da joq»

Qazaqstan • Búgin, 09:46

Jylytý maýsymyna daıyndyq pysyqtaldy

Qazaqstan • Búgin, 09:45

Ádemi dánekerleýshimen áńgime

Qoǵam • Búgin, 09:38

Bıýdjet tıimdi josparlanýy tıis

Aımaqtar • Búgin, 09:25

Jezqazǵanda ishki gaz jelileri tartylýda

Aımaqtar • Búgin, 09:24

Halhyn-gol shaıqasynyń qaharmany

Rýhanııat • Búgin, 09:09

Aqyn toıyna daıyndyq qalaı?

Rýhanııat • Búgin, 09:08

Damý baǵyty aıqyn

Aımaqtar • Búgin, 09:00

Uqsas jańalyqtar