Aımaqtar • 18 Shilde, 2019

Bes kúnniń ishinde 53 keliden astam marıhýana tárkilendi

121 retkórsetildi

Osy aıda Jambyl oblysynyń aýmaǵynda esirtki men psıhobelsendi zattardy jetkizý arnalarynyń jolyn kesýge baǵyttalǵan «О́rmek» jedel-aldyn alý is-sharasy uıymdastyrylǵan bolatyn. Jambyl oblystyq polısııa departamentiniń málimetinshe, is-shara barysynda 11 qylmystyq quqyq buzýshylyq anyqtalǵan. Onyń ishinde tórteýi Qazaqstan Respýblıkasy Qylmystyq kodeksiniń 296-baby, 4-bóligimen asa iri mólsherde esirtki zattaryn saqtaý boıynsha, bireýi Qylmystyq Kodekstiń 300-babymen quramynda esirtki bar ósimdikterdi ósirý boıynsha jáne Qylmystyq Kodekstiń 296-baby, 1,2,3-bólikteri boıynsha alty qylmystyq teris qylyq derekteri tirkelgen. Sonymen qatar, zańsyz aınalymnan bes kún ishinde 53 keli 646 gramm «marıhýana» esirtki zaty tárkilendi.

Jambyl oblystyq polısııa departamenti Esirtki qylmysyna qarsy is-qımyl basqarmasynyń qyzmetkerleri 12 shilde kúni Jýaly aýdanynyń Báıterek jáne Qyzylaryq aýyldary arasyndaǵy tas jolynda Nur-Sultan qalasynda ýaqytsha turatyn, buryn sottalmaǵan jáne ýaqytsha jumyssyz О́zbekstan Respýblıkasynyń 36 jastaǵy azamatyn ustady. Odan salmaǵy 3 keli 786 gramm bolatyn «úndi marıhýanasy» tárkilendi. «Kúdikti kinásin moıyndady jáne Jýaly aýdanynyń ýaqytsha ustaý ızolıatoryna qamaldy. Qazaqstan Respýblıkasy Qylmystyq Kodeksiniń 296-baby 4-bóligi boıynsha sotqa deıingi tergeý amaldary júrgizilýde. Sonymen qatar, dál osy kúni Shý aýdanynyń «Aspara-Tasótkel» qumdy aımaǵynda salmaǵy 5 keli 400 gramm «marıhýana»  esirtki zatymen 34 jastaǵy  Nur-Sultan qalasynyń turǵyny ustaldy. Kúdikti kinásin moıyndady jáne Shý aýdandyq polısııa basqarmasynyń ýaqytsha ustaý ızolıatoryna qamaýǵa alyndy. Búginde Qazaqstan Respýblıkasy Qylmystyq Kodeksiniń 296-baby 4-bóligi boıynsha sotqa deıingi tergeý amaldary júrgizilýde», deıdi Jambyl oblystyq polısııa departamenti Esirtki qylmysyna qarsy is-qımyl basqarmasynyń bastyǵy, polısııa podpolkovnıgi Ashat Almetov.


Jambyl oblysy

 

 

 


 


 

 

 

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar