Aımaqtar • 23 Shilde, 2019

Medısına mýzeıi ashyldy

121 retkórsetildi

Aqtóbede ejelgi álemdik jáne búkilqazaqstandyq, sondaı-aq óńir medısınasynyń alǵashqy damý satysy men qalyptasý kezeńin jáne búgingi damý jolyn pash etýge arnalǵan medısına mýzeıi ashyldy.

Rýhanı jańǵyrý baǵdar­lamasy aıasynda jabdyqtalǵan mýzeıdiń jalpy aýmaǵy 300 sharshy metrden asyp túsedi. Munyń ózi onyń kólemi ájep­táýir keń, qulashy mol ekenin kórsetedi. Mundaǵy mu­raǵat­tar men jádigerler den­saýlyq saqtaý isiniń ke­shegisi men búgingisi jóninde sanalýan syrdy ańǵarta alady. Onyń bastaýy tym tereńde eken­digi bes ǵasyrdyń tarıhyn toǵystyra bilýden de aı­qyn kórinedi. Aıtalyq, mýzeı mura­­ǵattarynyń XVI-XVIII ǵasyr­larǵa arnalǵan bólimderi álemdik medısınanyń negizin qalaýshylar Gıppokrat pen Avısennanyń jáne em qol­daný isinen ájeptáýir ha­­bary bar babamyz ál-Fa­ra­­bıdiń sol dáýirde álem­di tańǵaldyra bilgen jańa­lyq­taryna arnalǵan. Olardyń sheshek pen qorasanǵa jáne dıfterııaǵa qarsy ekpe­lerdi oılap tabýdaǵy izde­nis­teri de aıqyn túrde aıshyq­tal­ǵan. Mýzeıdiń ekinshi bóli­gindegi ejelgi aqtóbelik turǵyn­dar­dyń dárilik shópterdi qalaı paıdalanǵany jónindegi derekter de eshkimdi beıjaı qal­dyrmaıdy.

Munda medısınanyń ótken HH ǵasyrda oryn alǵan oqıǵalary men jańalyq­taryna da oryn berilgen. Al táýelsizdikke qol jetkiz­gennen keıin Aqtóbe oblysynda densaýlyq salasynda qol jetken jetistikter men ózge­rister jáne medısınanyń damýyndaǵy búgingi qaryshty qadamdar aýqymdy bólikti qamtıdy. Sonymen birge tutas­taı qazaqstandyq jáne óńir medısınasynyń bastaýynda turǵan, onyń damýyna súbeli úles qosqan ǵalymdar men dárigerlerdiń ǵumyrbaıandyq derekteri men sarǵaıǵan sýret­terinde de olarǵa degen taǵzym men qurmet belgisi atoılap tur. Sondaı-aq keńes­tik kezeńde qol­danylǵan medısınalyq buıymdar men jabdyqtar da mýzeıdiń bir buryshyna qoıylypty.

– О́ńir medısınasynyń qaz basyp, qalyptasýyna arnalǵan mýzeı uıymdas­ty­rýdaǵy bas­ty maqsat – osy baǵyttaǵy mu­raǵattar men de­rekterdi tú­gendeý ǵa­na emes, eń bastysy osy ar­qyly medısınalyq oqý oryn­da­rynyń stýdentterine tár­bıelik jáne tálimdik tur­­ǵyda baǵyt-baǵdar berý isin odan ári tereńdete tú­sýden týyn­dady. Bul jerge kelgen árbir ze­deli jas pen stý­dent ómir men ólim arpalysqan sy­nı sátte dertke arasha túsýge um­tylǵan dárigerlerdiń jan­keshti eńbekterin túısine alsa, naýqastyń tiri, aman qa­lýy kóp jaǵdaılarda den­­saýlyq saqshylarynyń bilimi men biligine jáne mol tájirıbesine baılanysty ekenin uǵyna bilse – oıǵa alǵan maqsa­ty­myzdyń oryn­dalǵany, – dedi Aqtóbe oblys­tyq densaýlyq saqtaý bas­qarmasynyń basshysy Áset Qalıev.


Aqtóbe


Banner
Sońǵy jańalyqtar

Hat qorjyn (23.09.2019)

Qoǵam • Keshe

Qostanaı qysta tońbaıdy

Aımaqtar • Keshe

«Mal da joq, qaıyr da joq»

Qazaqstan • Keshe

Halhyn-gol shaıqasynyń qaharmany

Rýhanııat • Keshe

Aqyn toıyna daıyndyq qalaı?

Rýhanııat • Keshe

Uqsas jańalyqtar