Aımaqtar • 17 Tamyz, 2019

Qostanaıda kıik músini ornatyldy

201 retkórsetildi

Qostanaıda jańa ósip kele jatqan turǵyn aýdandaǵy «Qostanaı Plaza» saýda oıyn-saýyq ortalyǵynyń aldynda kıktiń záýlim músini ornatyldy.

Qostanaı qalasynyń 140 jyldyǵyna arnalǵan mereke aıasynda onyń ashylý saltanaty ótti. Marat Mahambetov aınaly plastıkten jasaǵan músinniń bıiktigi 7 metr. Art-nysandy qalany dekoratıvti kórkemdeý úshin ornatsa da, onyń bastapqy maqsaty odan bıik turady. Sondyqtan músinniń ashylý saltanaty aksııa-performans bolyp ta sanaldy. Músin avtory men bastamashylar qostanaılyqtardyń jáne jalpy qazaqstandyqtardyń nazaryn  elimizdegi ózekti áleýmettik máselege aýdarýdy maqsat tutypty. Qostanaı-Torǵaı óńirin mekendeıtin «qyzyl kitaptyq» janýar quryp ketýdiń aldynda tur.

Atalarymyz «dalanyń bótagózi» dep ataǵan kıik qazaq dalasynyń bir brendi sanalady. Ol 1996 jyly Halyqaralyq tabıǵat qorǵaý odaǵynyń qyzyl tizimine kirdi. 2002 jyly quryp ketýdiń eń joǵary satysynda turǵany, ıaǵnı tabıǵattaǵy janýarlardyń CR túri mártebesi berildi. Ony tehnıkamen aýlaýdyń nátıjesinde 1992 - 2003 jyl aralyǵynda onyń sany 50 ese azaıdy. Bir mıllıonnan 200 myń ǵana kıik qaldy. 2019 jylǵy avıasanaqtyń nátıjesi boıynsha  qazir dalamyzda 334 400 kıik jaıylady.

Qostanaı qalasynyń tórinen kıik muúsininiń oryn alýy tek sándik qural emes, tabıǵat janaıqaıyn adamdarǵa mádenıet quraldary, zamanaýı óner týyndysy  arqyly bildirý, jetkizý bolyp tabylady. Bul problemany Qostanaı oblysy, qalasy ákimdikteri men úkimettik emes uıymdar kóterip otyr. Kıik músinin ornatý týraly bastama kótergen Irına Lı onyń ashylý saltanatyna Almatydan ádeıi kelipti.

«Bul bastama Almatyda áleýmettik jobalar jármeńkesinde týdy. 6 joba boldy, solardyń arasynan kıik múıizin satý jarnamasy týraly joba jeńiske jetti. Kıik múıizin satyp alýǵa jarnamasyna qarsy qarap otyrmaı qımyl jasaý kerek boldy. Kıik negizien Qostanaı oblysy dalasynda bolǵandyqtan, biz aksııany Almatyda emes, Qostaanıdva ótkzýdi jón kórdik, músin ornatýdy usyndyq, ózimiz keldik» deıdi Irına Lı.

Qala merekesinde kıik beınesi kóshede júredi.

 

 

Qostanaı

 

 

Sońǵy jańalyqtar

Elimizde indet juqtyrǵandar sany 500-ge jetti

Koronavırýs • Búgin, 09:19

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar