Aımaqtar • 17 Tamyz, 2019

Shámshiniń uly Muhtar Qaldaıaqov Qostanaıǵa án tartý etti

683 retkórsetildi

Qostanaıda qalanyń 140 jyldyǵyna arnalǵan mereke bastalyp ketti. Osy shara aıasynda ataqty kompozıtor, qazaq valsiniń koroli atanǵan Shámshi Qaldaıaqov ánderiniń «Shámshi álemi» atty konserti boldy.

Oǵan Abaı atyndaǵy opera jáne balet teatrynyń ártisteri qatysty. Osy teatrdyń dırıjeri jáne kórkemdik jetekshisi, kompozıtor, Shámshiniń uly Muhtar Qaldaıaqov osy jobany basqaryp keldi. Án dese Shámshini eske alatyn, Shámshi dese ishken asyn jerge qoıatyn qostanaılyqtar qaladaǵy jańa mádenıet shańyraǵy, myń oryndyq «Jastar saraıyna» lyq toldy.

Muhtar Qaldaıaqov dırıjerlik etken orkestrdiń súıemeldeýimen opera jáne balet teatrynyń ánshileri Shámshiniń ylǵı keń taraǵan ánderin oryndady. «Qulaqtan kirip, boıdy alǵan» sulý ánder men ánshilerge qostanaılyqtar da qoshemetterin aıamady. Qazaq óneri qara shańyraqtarynyń biri Abaı atyndaǵy opera jáne balet teatrynyń ánshileri Tólegen Rahymbaev, Darhan Joldybaev, Farhad Kóbeev, Rasýl Jarmaǵambetov, Balýan Berkenov, Azamat Malyshev, Nádııa Nadenova jáne Tatarstannan kelgen ánshi Aıgúl Gardıslamova qostanaılyqtardy Shámshi ánderiniń áserine bóledi. Estrada ánshisi Dıana Sharapova Qostanaı mýzyka mektebi skrıpkashylarynyń súımeldeýimen Shámshiniń «Otyrardaǵy toı» ánin oryndady. Jas skrıpkashylardyń arasynda ataqty kompozıtordyń nemereleri Alına men Abaı Qaldaıaqovtar da óner kórsetti.

Osy konsertte tektiniń tuıaǵy Muhtar Qaldaıaqov Qostanaıdyń 140 jyldyǵyna arnap, qalaǵa «Moı Kostanaı» atty ánin tartý etip, ol tuńǵysh ret oryndaldy.

«Atamyzdyń keń taralǵan ánderinen turatyn úlken konsertti biz Almaty qalasynyń burynǵy ákimi Baýyrjan Baıbektiń qoldaýymen Almaty qalasynda ótkizgenbiz. Konsert ekinshi ret oblys ákimi Arhımed Muhambetovtyń qoldaýymen Qostanaıda ótip otyr. Atamnyń ánderi halqynyń júregine jazylyp qalǵan ǵoı, kórermender óte yqylaspen tyńdady» deıdi konserttiń prodıýsseri, Shámshiniń kelini Botagóz Qaldaıaqova.

 

 

Qostanaı

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Uqsas jańalyqtar