Aımaqtar • 19 Tamyz, 2019

Kitaphana – qazyna mekeni

151 retkórsetildi

Qazirgi kezde álemde kitap oqý jóninen birinshi orynda – aǵylshyndar, ekinshi orynda – nemister, úshinshi orynda – amerıkalyqtar, tórtinshi orynda japondar tur eken. О́kinishke qaraı, ǵalamshardyń oqý «soqqan» turǵyndarynyń qatarynan qazaqtardy izdeýge áli erte. Derekter el turǵyndarynyń 57 prosenti ǵana turaqty túrde kitap oqıtynyn aıǵaqtaıdy.

Alaıda, bul aıǵaqqa bola qazaqtan qara tanymaıtyn halyq jasaýǵa asyqpaý kerek. Aqylmandar oı-órisi qalyptasqan ult rýhanı azyqty talǵammen tutynatynyn eskertedi, ıaǵnı, zııalynyń deńgeıi oqyp, taýysqan kitap sanymen emes, sanǵa qonymdy mazmundy aqparatqa qanyǵýmen ólshenedi eken. Jalpy, kitap oqý úshin jaǵdaı kerek. Osy jerden otandyq kitap isiniń, baspa men taralym, taǵy da basqa avtor men oqyrmannyń arasyndaǵy myń túrli másele «men mundalap» shyǵa keledi. Ony qozǵaý basqa taqyryptyń enshisine qalsyn. Qazirgi sózimizge kitaphanalardyń arqaý etelik. Ári alys aýyldaǵy shaǵyn kitaphana týraly...

Almaty oblysynyń Uıǵyr aýdanyna qarasty Qaljat aýylynyń kitaphanasy 2007 jyly ashylǵan. 50 sharshy metr aýmaqqa ǵana ornalasqan bul oqyrman úıi aýyldaǵy 2424 turǵynnyń rýhanı orlasy ispetti. Onyń ishinde 733 adam turaqty túrde kitap jazdyryp alyp oqıdy eken.

- Kitaphana – qaı dáýirde de qoǵamnyń mádenı ómiriniń birden-bir kórsetkishi, ótken tarıhymyzdy óshirmeı, ult jadyn máńgilik saqtaıtyn meken bolyp eseptelip keledi. Osy qasıetti isti jalǵastyrý úshin kitaphana isi men kitaphanashylar da zaman talabyna beıimdelip, únemi jetilip otyrýy kerek. Bizdiń aýyldyq kitaphanamyz shaǵyn bolǵanymen, izdengen adamǵa rýhanı qoregin taýyp beretin oqyrman otaýy. Qazir el boıynsha kitaphana qyzmetin jetildirý, jańǵyrtý jumysy qyzý júrip jatyr. Kitaphanashylardyń jumysyn ońtaılandyrý maqsatynda kitaphanalardyń avtomattandyrylǵan aqparattyq júıesi engizildi. S.Seıfýllın atyndaǵy Almaty oblystyq ámbebap kitaphanasynyń ákimshiligi men mamandarynyń kómegi arqyly 2014 jyly aýyldyq kitaphanaǵa «KABIS» baǵdarlamasy qoıyldy. Bul kitap qorynyń saqtalýyn qamtamasyz etý, qorǵa qoljetimdilikti keńeıtý, jalǵyz dana basylymdarǵa degen oqyrmandardyń suranysyn qanaǵattandyrýǵa múmkindik beretin basty baǵyttardyń biri retinde qujattardy sandyq túrge kóshirý jumystary jappaı júrgizilýde, - deıdi Qaljat aýyldyq kitaphanasynyń dırektory Aıda Tursynova.

Ádette, oqyrman men kitaphana arasyndaǵy jarasymdy jalǵastyqqa kitaphanashy jaýapty bolsa kerek. Iаǵnı, kitaphanashynyń bilimi men biligi, minezi men óz isin súıe bilýi sııaqty kásibı qasıeti qashanda baǵaly. Osy Qaljan aýylynyń kitaphanashysy Sanam Sıdırova sondaı qadirli mamannyń biri eken. Kitaphana ashylǵan alǵashqy kúnnen beri eńbek etip kele jatqan kitaphanashyny oqyrmandar erekshe syılaıdy. Aýyldyń jasy da, jasamysy da ol ótkizgen mádenı sharadan qalmaýǵa tyrysady eken. Byltyr Táýelsizdik kúnine oraı «Táýelsizdik - ulttyń órleýdiń uly kúshi» atty kitap kórmesi jáne tanymdyq saǵattar men Aýǵan soǵysynyń qasiretin pash etetin «Júrektegi jara», «О́shpes erlik urpaqqa mura» atty kitap kórmeleri nátıjeli ótti.

- Qazirgi zamannyń damýyna qaraı aqparatty jan-jaqty aýdıo, beıne, ınternet júıesi arqyly jyldam alýǵa múmkindik týǵanymen, kitaphana arqyly ádebı kitaptardy oqı otyryp alatyn bilim men salamattylyq orny erekshe. Urpaq tárbıeleýde kitaphananyń alatyn orny erekshe. «Adam ózin kitappen dos bola bastaǵan shaqtan bastap qana ıntellıgentpin dep sanaýyna bolady» depti uly jazýshy Muhtar Áýezov. Iаǵnı, kitap – teńdesi joq asyl qazyna bolsa, onyń mekeni – kitaphana, - deıdi Qaljan aýylynyń kitaphanashysy Sanam Sıdırova.

 

Almaty oblysy

Sońǵy jańalyqtar

Almatyǵa Qytaıdan gýmanıtarlyq kómek keldi

Koronavırýs • Búgin, 12:02

El ekologııaǵa alańdaıdy

Ekologııa • Búgin, 10:55

Jalǵan aqparat taratqandar jazalanady

Aımaqtar • Búgin, 10:42

Mańǵystaý oblysy karantınge jabylady

Aımaqtar • Búgin, 10:29

Muqtaj jandarǵa kómektesedi

Rýhanııat • Búgin, 08:10

Sabyr-shydamnyń synalar shaǵy...

Qoǵam • Búgin, 08:04

Senimimizdi nyǵaıtqan naqty qadam

Rýhanııat • Búgin, 08:02

Jastarǵa da qoldaý jasalady

Parlament • Búgin, 07:59

Toılarymyz alda!

Parlament • Búgin, 07:52

Betperde kıgen kóktem - 3

Tanym • Búgin, 07:35

Syr dıqandary soıa ósirýge den qoıdy

Ekonomıka • Búgin, 07:34

Bankter qolushyn sozýǵa daıyn ba?

Ekonomıka • Búgin, 07:24

Tártip pen tazalyq

Qoǵam • Búgin, 07:22

Qazaq qaıda barady?

Rýhanııat • Búgin, 07:12

Benzın baǵasy arzandady

Ekonomıka • Keshe

Uqsas jańalyqtar