Sport • 03 Qyrkúıek, 2019

«Egemenniń» júldesin «Habar» jeńip aldy

19 retkórsetildi

Elordada jeksenbi kúni jýrnalıster arasynda ótken BAQ league-nyń VI maýsymy máresine jetti.

«Egemen Qazaqstan» gaze­tiniń 100 jyldyǵy aıasynda ótken maýsymda bas júldeni «Habar» komandasy jeńip alyp, alty dúrkin chempıon atandy. Ekinshi oryn «Astana TV» komandasyna buıyrsa, «Qazaq radiolary» qolaǵa qol jetkizdi. Bul týrnırde «A» lıgasynda baq synaǵan ege­mendik jigitter tórtinshi oryn­dy mise tutty.

Sondaı-aq «Qazaq radiolary»­­ Jýr­nalıster kýbo­gy­nyń fınalynda «Habardy» jeńip, aýyspaly kýbokty ıe­lendi. Al «V» lıgasynda «Qazmedıa V», «Sport 59» jáne «Kazaknews.kz» koman­dala­ry úzdik úshtikti qurap, «A» lıgasyna joldama aldy.

«Egemen Qazaqstan» ár­daıym salamatty ómir saltyn nasıhattap, sporttyq sha­ra­larǵa qatysyp keledi. «Egemen Qazaqstan» gazetiniń 100 jyldyǵy aıasynda uıym­dastyrylǵan BAQ lıganyń VI maýsymy sonyń dáleli. Dástúrge aınalǵan týrnırdiń ýaqyt ótken saıyn sany da, sapasy da artyp keledi. Oıynnyń óte tartysty ótkenine kýá bol­dyq. Qatarynan altynshy ret chempıon atan­ǵan «Habar» arnasyn, týr­nırdiń kýbo­gyn jeńip al­ǵan «Qazaq radiolaryn»­­ qut­tyqtaımyn. Týrnırde júl­deger bolǵandar men barsha qatysýshylarǵa rızashylyq bildiremiz. Son­daı-aq jedel aqparat taratatyn jýr­nalısterdi sport­tyq shap­­shańdyqqa baý­lıtyn, basymyzdy qosyp, etene aralasýǵa múmkindik be­retin týrnırdi keremet dás­túrge aınaldyrǵan uıym­das­tyrýshy Ázız Jumadilge alǵys aıtamyz», dedi «Ege­men Qazaqstan» AQ Basqarma tóraǵasy Darhan Qydyráli.

Al jarysty uıymdas­tyrýshy Á.Jumadil bolsa, týrnırde eshqandaı bura tartýshylyq, burma­laýshylyq bolmaǵanyn, kelesi maýsym bıylǵy jyldyń qarasha aıyn­da qaıta bastalatynyn aıtty.

«A» jáne «V» lıgasy bolyp ekige bólingen týrnırde 17 komanda baq synady. Jarystyń úzdikterin kapıtandar men vıse-ka­pıtandardyń daýys berý nátıjesi boıynsha anyqtady. Nátıjesinde, «A» lıgasynda «Úzdik surmergen», «Úzdik shabýylshy», «Úzdik oıyn­shy» atalymy boıynsha Áli­sher Kelgenbaı («Habar») ıelense, «Úzdik qorǵaýshy» bolyp Bımýhamed Býkeev («Elarna») tanyldy. Al «Úzdik qaqpashy» atalymy Dmıtrıı Pokıdaevqa («Astana TV») buıyrdy.

Al «V» lıgasynda úzdik­terdiń tizimi mynadaı: «Úzdik surmergen» – Nur­álem Jalǵasuly (NGQ), «Úzdik qaqpashy» – Qanat Ba­zyl­han («Mazmundama»), «Úzdik qorǵaýshy» – Tımýr Aıt­muhanbetov («Qalamger»), «Úzdik shabýylshy» – Nurálem Jal­ǵasuly (NGQ) jáne «Úzdik oıynshy» – Qumarbek Azat («Qazmedıa V»).

Almas MANAP,

«Egemen Qazaqstan»

Sońǵy jańalyqtar

Qyzylorda: Kásipkerler jaýapqa tartyldy

Aımaqtar • Búgin, 16:31

Jambyldyq eriktiler jarap tur

Aımaqtar • Búgin, 16:30

Avtovolonterler azyq-túlik jetkizýde

Qazaqstan • Búgin, 16:19

Sóz qasıeti – em qasıeti

Qoǵam • Búgin, 16:11

Ustalyq – kıeli kásip

Qazaqstan • Búgin, 16:05

Qarataýdy ańsaǵan qyran

Tanym • Búgin, 15:54

Áýlıeaǵash týraly áńgime

Tanym • Búgin, 15:38

Aqmola oblysynda karantın

Aımaqtar • Búgin, 15:22

Armannyń azamattyǵy

Aımaqtar • Búgin, 15:13

Jetisýda jetinshi adam indet juqtyrdy

Aımaqtar • Búgin, 15:08

Aınurdyń ádemi álemi

Rýhanııat • Búgin, 14:13

Atyraýda 700-ge jýyq ekspress-test bar

Aımaqtar • Búgin, 14:07

Memleket qoldaýy eńse kótertti

Aımaqtar • Búgin, 13:25

Qyzylorda: Naýqastardyń jaǵdaıy qalypty

Koronavırýs • Búgin, 13:21

«Barysqa» daýys bereıik!

Sport • Búgin, 13:15

Almatyda indet oshaǵy qaıta kóbeıdi

Aımaqtar • Búgin, 13:15

Sý tasqynyna qarsy áreketter bastaldy

Aımaqtar • Búgin, 13:00

Juqpaly aýrýlar jaıly jaýhar fılmder

Rýhanııat • Búgin, 12:50

Uqsas jańalyqtar